Màscolo

Da Wikipedia, l'ençiclopedia libara.
Sìnbolo maschile, doparà anca par referirse al pianeta Marte

El màscolo xe un dei do sessi inte i quali se poe catare i organismi viventi a reprodusion sessuata, st'altro xe la fémena. La definision biològica de sto sesso xe ligada a la formasion del sperma, che, grassie a un raporto sessuale, parmete ai spermatozoi de razónzare i òvuli par la fecondassion. El màscolo el ga n'aparato genitale struturà aposta par la funsion reprodutiva e molte de le difarense anatòmeghe co la fémena le se cata a sto livelo. L'orìzene xe da tribuire a do fatori che i funsiona in serie: la presensa, inte i mamìfari màscoli, de un pìcolo cromosoma Y in fianco al X e la produssion, grassie a sto qua, de più ormoni andrògeni. Sti canbiamenti, dal'organismo base che el xe, par anatomia e fisiologia, più vissin a la fémena che al màscolo, i càpita soratuto in do momenti, che i xe quelo del'organogènesi in te'l enbrion e a la pubertà.

El sìnbolo convensionale col quale se ìndegna el sesso maschile xe ♂, che el se referisse al scudo e a la lansa del dio Marte.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Màscolo&oldid=1166913"