Melita Toniolo

Melita Toniolo (Treviso, 5 avrìl 1986 xe 'na showgirl, modèła, atrice e condutrice tełevixiva itałiana

Biografia

'Ntel 2003 ła gà tacà 'na carirèra de fotomodèła, soratuto tanti servisi de nùo, e nei ani drìo ła gà partesipà a diversi concorsi de bełésa minori, inaxonta al fato che compariva cofà ospite e vałeta in alcune trasmision de l'emitente locałe Antenna Tre Nordest. Ła so prima aparision so' na rede tełevixiva nasionałe xe capità ne ła trasmision de Italia 1 Distraction 'ntel 2006: nel steso ano e so'ła stesa rède, ła xe stàda anca una de łe sexy caxałinghe de Le Iene.

'Ntel xenaro 2007 xe deventà una de łe concorenti de ła setima edision del Grande Fratello, reality show, prexentà da Alessia Marcuzzi so' Canale 5, in cui ła gà riscòso suceso e notorietà. Dopo 'na tałe esperiensa ła gà poxà par diversi całendari, infra i quałi queło sensa vełi pa'l programa de Italia 1 Lucignolo (firmà Loney Photo), del quałe xe stàda inviàda ne łe istà 2007 e 2008 co'l soranòme de Diavolita.

'Ntel 2007 ła gà fato un servisio fotografico sòra el monumento de Alberto Burri, a ricordo de ła morte de sentinera de persone, un monumento da record, qualménte xe 'ntel Guinness dei primati cofà ła pì granda scultura del mondo. Ła xovene, sensa vełi, xe fenìa so' un całendario vendùo in tute łe edicołe, fora che in quełe del comùn de Gibellina, pròpio par ordene del sìndico che łe gà rimose a ła vendita, par po'denonsiàr formalmente el programa de Italia 1, Lucignolo e i xornałi scandałistici Chi e Star Più, oltra a dimandàr 'na refuxùra de un miłion de euro.

Da l'otobre 2007 al avrìl 2008, senpre so Italia 1, Melita gà prexentà, alternandose co' Alessia Fabiani, el programa Camerino virtuale - The Box Game. In quałità di atrice, ła Toniolo gà partesipà, nel corso del 2007, al film A Light of Passion direto da Ulderico Acerbi: nel steso ano ła xe stà scriturà, co' Enzo Iachetti e Giobbe Covatta, in Medici Miei, sit-com trasmesa so Italia 1 nel corso del 2008.

'Ntel 2008 Melita gà prexentà (co' Ciccio Valenti e Federica Panicucci) Candid Camera so Italia 1, gà condòto (co' Rosario Rannisi) Rubacuori so Match Music e gà partesipà ała tersa edision de La talpa, reality show, prexentà da Paola Perego so Italia 1, indove ła se gà clasificà al terso posto. 'Ntel setenbre 2008 ła xe deventà opinionista fisa in Quelli che il calcio e... so Rai 2: l'incàrgo xe fenìo 'ntel xugno 2011.

'Ntel 2009 ła xe stà una de dełe vałete de Colorado Cafè, sia ne l'edision primaveriłe che ne l'edision autunałe del programa. Ne l'istà 2009 ła xe stà una de condutrici de Real TV so Italia 1: ło sarà anca ne łe istà 2010 e 2011. Ne l'istà 2010 ła xe stà "inviata", insieme a Raffaella Fico, de Mitici '80, programa de Italia 1 prexentà da Sabrina Salerno. A propoxito del "segreto" par aver suceso dopo el Grande Fratello, Melita Toniolo, ne l'intervista escluxiva rełasà a Playboy Italia n. 17 (lujo e agosto 2010), gà dichiarà:

Ne l'autuno 2010 (insieme a Pasqualina Sanna e Veronica Ciardi) Melita xe intràda a far parte del cast del film comico Una cella per due co' Enzo Salvi, Massimo Ceccherini e Maurizio Battista: el film insìo nełe sałe sinematografeghe el 4 marso 2011. Senpre ne l'autuno 2010, ła Toniolo xe stà scriturà(insieme a Veronica Ciardi) par SMS Squadra Molto Speciale, una sitcom prodòta da ła A&B Production de Bruno Frustaci e Alessandro Caprigo, co' Enzo Salvi: ła sitcom xe stà trasmesa a partir da l'agosto 2011 so Italia 1 e Italia 2.

El 16 disenbre 2010 ła xe stà (insieme a Elena Santarelli) "inviata" dai canpi del Stadio Flaminio de Roma par la prima edision de ła partìa de calcio benefica Mediafriends Cup: ła seràda xe stà prexentà Federica Panicucci co' Alfonso Signorini. Ne l'avrl 2012 ła Toniolo torna so'l gran schermo deventando ła co-protagonista feminiłe di Francesca Fioretti nel film Poker Generation.

Tełevixion

Programi TV

• Le Iene - "Sexy Casalinga" (2006, Italia 1)
• Lucignolo - "Diavolita" (2007-2008, Italia 1)
• Camerino virtuale - The Box Game - Condutrice (2007, Italia 1)
• Rubacuori - Co-condutrice (2008, su Match Music, Sky) co' Rosario Rannisi
• Quelli che il calcio e... - Ospite fissa (2008-2011, Rai 2) co' Simona Ventura
• Candid Camera Show - Co-condutrice (2008, Italia 1) co' Ciccio Valenti e Federica Panicucci
• Buona la prima (2009, Italia 1) co' Ale & Franz e Anna Falchi
• Colorado - "Coloradina" (primavera 2009, Italia 1) co' Rossella Brescia e Beppe Braida
• Real TV - Co-condutrice (2009-2011, Italia 1)
• Colorado - "Coloradina" (autuno 2009, Italia 1) co' Rossella Brescia e Nicola Savino
• Mitici '80 - Wonder Melita Inviata (2010, Italia 1) co' Sabrina Salerno e Raffaella Fico
• Animal Real TV - Co-condutrice (dal 2010, Sky) co' Raffaella Fico e Veronica Ciardi
• Finale Mediafriends Cup - Inviata (2010, Canale 5) co' Federica Panicucci, Alfonso Signorini ed Elena Santarelli
• Capodanno Cinque - Opinionista (2010, Canale 5) co' Barbara d'Urso

Reality Show

• Grande Fratello 7 (2007, Canale 5), condòto da Alessia Marcuzzi co' Marco Liorni
• La talpa 3 (2008, Italia 1) condòto da Paola Perego co' Paola Barale

Filmografia

Cinema

• A Light of Passion (2007) regia de Ulderico Acerbi
• Una cella in due (2011) regia de Nicola Barnaba
• Poker Generation (2012)

Sitcom TV

• Medici miei - Atrice (2008, Italia 1)
• Quelli del Papeete - Atrice (2011, Italia 1)
• SMS Squadra Molto Speciale - Atrice (dal 2011, Italia 1-Italia 2)

Linganbi foresti

• Sito ufisałemelitatoniolo.com.
• (EN) Melita TonioloInternet Movie Database, IMDb.com.

• Melita Toniolo - Sito Uficiałe