Difarense intrà łe version de "Sebastian Ziani"

Da Wikipedia, l'ençiclopedia libara.
[Version verifegà][Version verifegà]
Contenuto cancellato Contenuto aggiunto
VajotwoBot (discusion | contribusion)
p Robot: Sostitusion automatega (-[[File: +[[Imàjine:)
p + defaultsort
Riga 23: Riga 23:
{{Controło de autorità}}
{{Controło de autorità}}


{{DEFAULTSORT:Ziani, Sebastian}}
[[Categoria:Doxi venesiani]]
[[Categoria:Doxi venesiani]]

Version de le 09:12, 22 oto 2020


Stema del doxe Sebastian Ziani

Sebastian Ziani (1102 a ocio – Venesia, 13 de avril 1178) el xé stà el trentanovèximo doxe de ła Repùblica de Venesia, dal 1172 al 1178. El xé stà el pare del quarantadoèximo doxe.

El gera fio de Marino Ziani. El ga spoxà na fia de Tancredi de Siciłia, Costanza. El gera davèro rico, avendo trafegà col'oriénte anca daspò ła sóa ełesion a doxe, e prima de èser doxe el gera stà xùdexe, diplomàtego a Costantinopoli, retor de Sebenico.

Ełesion

El xé stà el primo doxe ełeto da n'asenblea streta de nòbiłi e miga dal'asenblea de tuto el pòpoło. Ła sóa ełesion ła xé capitada durante i sie méxi daspò ła morte del doxe prima, daspò un conclave de tre xórni. El xé stà ełeto el 29 de setenbre 1172, al'età de setant'ani, in concorénsa co Orio Mastropiero. Par chel sia stà el primo doxe a dar in giro schei al pòpoło daspò l'ełesion, verxendo n'usansa che ła saria soravisùa fin a ła caxùa de ła repùblica col'ùltemo doxe Lodovico Manin.

El dogado

Ła sóa prima asion ła xé stada ła condana a morte del'asasin del doxe prima.

L'evénto più inportante el xé stà l'incontro intrà Federico Barbarossa e'l papa Lisandro III chel xé capità a Venesia, signifegando ła fin per almanco un fià de ténpo de łe dìspute intrà el papato e l'inpero.

Secondo ła tradision, 'ntel 1172 łe xé stae tirae su, per òpera de Nicolò Barattieri, łe dó cołone de ła piaseta San Marco, co sóra l'una el leon ałà e l'altra San Teodoro. Sénpre secondo ła tradision, ghe gera na tersa cołona che ła xé finìa 'ntel basin de San Marco (vanti a ła piasa) durante el sbarco e che no i ga più posùo tirar indrio.

Sebastian Ziani el ga abandonà ła carga el 12 de avril 1178 e'l se ga tirà indrio 'ntel monestièr de San Zorzi Magior, indove el xé morto el xórno daspò e indove el xé stà sepełìo. Có, daspò, ła sóa tonba ła xé stada destruta có ła vecia céxa ła xé stada tirada xó (1611), i sói resti i xé stai portai 'nte ła capeła dei morti 'nte ła nova céxa e ghe xé stà tirà su un monumento in piera d'Istria a sanca de ła fasada de ła céxa.

Altri progeti


 Doxe de Venesia

 
Cuel prima Cuel daspò
Vital II Michiel 1172-1178 Orio Mastropiero


Controło de autoritàVIAF (EN40200014 · ISNI (EN0000 0000 1639 1799 · GND (DE120056100 · CERL cnp00407761 · WorldCat Identities (EN40200014
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sebastian_Ziani&oldid=902864"