Minnesota Timberwolves

I Minnesota Timberwolves i ze una de łe trenta scuadre che łe zoga inte ła NBA, el canpionado de basket de i Stati Unìi.

Storia de ła scuadra

Da cuando che i ze nasùi inte’l 1989 e fin a’l 1995 i ze cuazi senpre rivài tra i ùltemi; ła zvolta ła ghe ze stada co l’arivo de Kevin Garnett, Tom Gugliotta e Stephon Marbury, che i ga portà ła scuadra a racuante vitorie prima che, co Latrell Sprewell e Michael Olowokandi, i vivese ła mejor stajon da ła só fondasion.

Inte’l 2007 i Timberwolves i ga łasà partir Garnett, fin l’ora el omo pì inportante, otenjendo dopo poco Kevin Love che intorno a cueło i ga costruìo na nova scuadra co zogadori come Wesley Johnson, Michael Beasley, Nikola Pekovic e Kosta Koufos. El projeto parò el se ga suito blocà parché Love el se ga infortunà a ła man e no’l ze pì stà bon de venjérghene fora, tanto che inte’l 2014 el ze stà vendùo a i Cleveland Cavaliers otenjendo Andrew Wiggins che, co i vari Zach LaVine, Ricky Rubio e Karl-Anthony Towns i ze drio formar ła scuadra de'l futuro: A dizemo che i ze inte na faze de pasajo e de crésita, i zóvani i ze drio catar ła so inteza e pa’l futuro A se se speta un vizìbiłe canbio de tendensa.

Altri progetti

• Wikimedia Commons

• Wikimedia Commons el detien imàjini o altri file so Minnesota Timberwolves