Difarense intrà łe version de "Tełevixion"

Da Wikipedia, l'ençiclopedia libara.
[Version verifegà][Version verifegà]
Contenuto cancellato Contenuto aggiunto
Cànbio faxesto co CànbioRàpido
→‎Formài e cuaƚità: Cànbio faxesto co CànbioRàpido
Riga 22: Riga 22:
La teƚevixion a coƚori ƚa se ga vùa intrà i ani [[1960]] e [[1970]] in tuti i paexi del mondo.
La teƚevixion a coƚori ƚa se ga vùa intrà i ani [[1960]] e [[1970]] in tuti i paexi del mondo.
==Formài e cuaƚità==
==Formài e cuaƚità==
Łe trasmision tełevixive in tuto el mondo łe njien fate, vardando stàndar prestabiłii.
{| class="wikitable"
{| class="wikitable"
!Formà
!Formà

Version de le 19:39, 22 ago 2020

Tełevixion dei primi ani xinquanta

La Tełevixion o Tełe (paroƚa che ƚa vien dal greco tele "a distansa" e dal latino video "vardo") el xe uno dei mexi de comunicasion pì difondesti inte'l mondo. Ła serve a traxmetare imajini, video e soni a distansa, sotoforma de programi tełevixivi traxmisi dai emisori tełevixivi, sia in direta (live) che en diferita, tute e dò co na çerta latensa, a utenti che i stà in aree xiografeghe dotae de reti de comunicasion (traxmetidori e ripetidori), che i ga on antena par riçevare el segnaƚe e on televixore par vixionare i servisi riçevui.

La teƚevixion ƚa xé considerada l'evołusion de ła aradio, che ła trasmeteva soło che soni, e ƚa ga rapidamente par la vełoçità e ła conpletesa de łe informasion, tanto che ƚa xé divegnesta el primo mexo de comunicasion de masa.

Dexviƚupamento e funsionamento

Considerada l'evoƚusion de l'aradio, ƚa cual ƚa xé limitada a ƚa unjoƚa difuxion de contegnui sonori, ƚa teƚevixion ƚa xé stada dexviƚupada da difarenti grupi de studio e laoro in difarenti stati del mondo (de conseguensa el xé bastansa difiçiƚe capìr chi che ƚa gapia realmente xenitàda), e ƚa xé stada dàda al publego soƚo in te ƚa fin de ƚa seconda guera mondiałe

Se par el sono se podea doparare ƚa tecnoloxia xà existente de l'aradio, par el video, ƚa traxmision e ƚa riçesion de ƚe imajini, se gheva da studiare nove tecneghe da metare in copia co l'audio.

Calcoƚando ƚe proporsion de definision che ghe voƚe in manjiera che el ocio de l'omo no el s'incòrxa del seguirse de imajini, ma el veda on imajine in continuo movimento, si ghea pensà de metare so on schermo (el teƚevixore) on imajine scandìa da na teƚecamara (poxisionada da n'altra parte) e traxmetesta via aradio. La teƚecamara ƚa anaƚixava eletronegamente tocheti infiniteximaƚi de l'imajine incuadrada, doparando on peneƚo eletronego de letura che el scandìa l'imajine par righe, da sanca a dreta[1], faxendo un pacheto de dati de tipo "luxe-scuro" (anaƚoxego a l'inpisà/stuà e al 0/1 del sistema binario) e ƚo traxmetìa in manjiera ordinada via aradio.


Da l'altra parte el riçevidore el decodefegava sti dati traerso n'altro paneƚo eƚetronego (de scritura) che el jera picà da drio so tuto el schermo, senpre par ƚinee alternàe: sta fasa de ełetroni i inpisava dei fosfori che na volta "eçitài" i faxea luxe, d'ƚasando stare cheƚi che i ghea da restar scuri. La fasa de eletroni i vegnea "guidai" da on canpo eƚetromagnedego creà da bobine poxisionae sol coƚo del tubo catodego. I tenpi tanto basi de scansion (25 fotogrami al segondo) i consentìa de rendare ƚe imajini in seguensa a ritmi pì rapidi a confronto de cheƚi del çinema, rendendo on bon movimento. Par ƚa riçesion del segnaƚe, el xé sta neçesario dotare i teƚevixori de antene conplese, bone de ciapare con bona anplifegasion ƚe varie parte del segnaƚe. La banda che ogni canaƚe el ocupa el xè de 7MHz par traxmision in VHF e 8MHz par traxmision in UHF.

Prinçipaƚi dotasion

A partir dai ani 1960, xé sta posibiƚe vère in dotasion co'l teƚevixore anca el tełecomando par na mejor doparabiƚità del servisio. La so pì granda difuxion ƚa xé stada intrà i ani 1970 e 1980.

Teƚevixion a coƚore

Col progreso de ƚe tecnoƚoxie eƚetroneghe (ma anca co on progresivo redimensionamento dei conponenti drento a ƚe teƚevixion, grasie ai transistor), el xé sta posibiƚe el teorixarse de na traxmision de l'imajine a coƚori, anaƚixando e dividendo l'imajine scandia segondo ƚe conponenti dei coƚori baxe (roso, blè e verde) da riproduxare in anaƚoxia so schermi andove vegnea meso on strato de fosfori de on soƚo coƚore (soƚitamente bianco) co na matrixe poxisionae a delta de fosfori dei coƚori baxe, che smisiandose, i creava tuti i coƚori.

La teƚevixion a coƚori ƚa se ga vùa intrà i ani 1960 e 1970 in tuti i paexi del mondo.

Formài e cuaƚità

Łe trasmision tełevixive in tuto el mondo łe njien fate, vardando stàndar prestabiłii.

Formà Resoƚusion Imajini par segondo
480i 704 x 480 30
480p 704 x 480 60
720p 1280 x 720 60
1080i 1920 x 1080 30
1080p 1920 x 1080 60
4K 3840×2160 120

Servisi teƚevixivi

Servisi teƚevixivi in Veneto

Par savèrghene de pì, vardarse ła voxe Servisi tełevixivi in Veneto.


Servisi teƚevixivi in Italia

Par savèrghene de pì, vardarse ła voxe Servisi tełevixivi in Italia.


Servisi teƚevixivi in Svisara

Par savèrghene de pì, vardarse ła voxe Servisi tełevixivi in Svisara.


Servisi tełevixivi in tel mondo

Par savèrghene de pì, vardarse ła voxe Categoria:Reti tełevixive par paexe.


Varda anca

Notasion

  1. dreta / drita = destra
Controło de autoritàLCCN (ENsh85133456 · GND (DE4016825-6 · BNF (FRcb119336465 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Tełevixion&oldid=868470"