Difarense intrà łe version de "Pele"

Da Wikipedia, l'ençiclopedia libara.
[Revixion njiancora controłà][Version verifegà]
Contenuto cancellato Contenuto aggiunto
Nessun oggetto della modifica
Riga 27: Riga 27:
* ''[[Giàndola sudorìpara|Giàndole sudorìpare]]'': come che'l dise el nome, le xe le struture che le buta fora el [[suor]], sia in maniera sensìbile che sensa che ghe ne acorzemo. Ghe xe più tipi de ste giàndole: le ''ècrine'' o meròcrine le se cata un fia su tuta la superfisse cutànea, mentre le ''apòcrine'' le ghe xe solo a partire da la [[pubartà]], in posti come [[scajo|scaji]] e [[enzia|enzie]], dove che la so secression, più rica de lipidi e sostanse ciamade feromoni, le dà el particolare odor che se svilupa in sti posti, par efeto del metabolismo de la flora batèrica speciale catada sora de la pele de ste zone.
* ''[[Giàndola sudorìpara|Giàndole sudorìpare]]'': come che'l dise el nome, le xe le struture che le buta fora el [[suor]], sia in maniera sensìbile che sensa che ghe ne acorzemo. Ghe xe più tipi de ste giàndole: le ''ècrine'' o meròcrine le se cata un fia su tuta la superfisse cutànea, mentre le ''apòcrine'' le ghe xe solo a partire da la [[pubartà]], in posti come [[scajo|scaji]] e [[enzia|enzie]], dove che la so secression, più rica de lipidi e sostanse ciamade feromoni, le dà el particolare odor che se svilupa in sti posti, par efeto del metabolismo de la flora batèrica speciale catada sora de la pele de ste zone.
* ''[[Giàndola sebàcea|Giàndole sebàcee]]'': le buta fora el [[sebo]], un miscioto de lipidi co na varietà de funsion gnancora capie par tuto: lubrifegassion, inpermeabilizassion, regolassion de la flora batèrica. Anca lore le se cata in particolari concentrassion in serte àree piutosto che altre. Le se cata senpre conpagne a un bulbo pilìfaro, formando n'''unità pilosebàcea'', dove che l'epidèrmide la contien i gnari de sèlule staminali boni par colonizare de novo le parte intorno, dove che sto tessudo xe stà perso.
* ''[[Giàndola sebàcea|Giàndole sebàcee]]'': le buta fora el [[sebo]], un miscioto de lipidi co na varietà de funsion gnancora capie par tuto: lubrifegassion, inpermeabilizassion, regolassion de la flora batèrica. Anca lore le se cata in particolari concentrassion in serte àree piutosto che altre. Le se cata senpre conpagne a un bulbo pilìfaro, formando n'''unità pilosebàcea'', dove che l'epidèrmide la contien i gnari de sèlule staminali boni par colonizare de novo le parte intorno, dove che sto tessudo xe stà perso.
* ''[[Pelo|Pili]]'' (o peli): i xe colone de cheratina condensada e variamente pigmentada, che le salta fora da introflession (fin al livelo del derma reticolare o del'ipoderma) del'epidèrmide ciamade ''folìcoli pilìfari''. Le zone del corpo in dove che no ghe ne xe le xe querte da ''pele glabra'', mentre el corame cavejudo xe na rejon de pele su la [[testa]] (de sòlito) assè rica de pili. La destribussion e l'aspeto dei pili la varia tanto sia in fra persone deverse che in te'l stesso indivìduo a seconda del passare dei ani. El stesso pelo el va incontro a sicli vitali dopo dei quai el casca par èssare sostituio da n'altro soto. El xe tacà a un pìcolo [[mùscolo eretor del pelo]] e'l xe formà da un bulbo, na raisa e un fusto, e el provoca i [[penoti]].
* ''[[Pelo|Pili]]'' (o peli): i xe colone de cheratina condensada e variamente pigmentada, che le salta fora da introflession (fin al livelo del derma reticolare o del'ipoderma) del'epidèrmide ciamade ''folìcoli pilìfari''. Le zone del corpo in dove che no ghe ne xe le xe querte da ''pele glabra'', mentre el corame cavejudo xe na rejon de pele su la [[testa]] (de sòlito) assè rica de pili. La destribussion e l'aspeto dei pili la varia tanto sia in fra persone deverse che in te'l stesso indivìduo a seconda del passare dei ani. El stesso pelo el va incontro a sicli vitali dopo dei quai el casca par èssare sostituio da n'altro soto. El xe tacà a un pìcolo [[mùscolo eretor del pelo]] (che'l fa vegnere i [[penoti]]) e'l xe formà da un bulbo, na raisa e un fusto.
* ''[[Ongia|Onge]]'': le xe squame de cheratina miga pigmentada che le se cata sui dorsi de le falanze distali dei dei de la man e del pie. La salta fora da na ''matrice ungueale'' che la xe n'altro toco de epidèrmide specializada a particolari modalità de proliferassion e difarensiamento e la poja sora de un ''leto ungueale'', al qualo la xe stretamente tacada. Forme modifegae de le onge le forma i [[sòcolo|sòcoi]] in molte specie anemali.
* ''[[Ongia|Onge]]'': le xe squame de cheratina miga pigmentada che le se cata sui dorsi de le falanze distali dei dei de la man e del pie. La salta fora da na ''matrice ungueale'' che la xe n'altro toco de epidèrmide specializada a particolari modalità de proliferassion e difarensiamento e la poja sora de un ''leto ungueale'', al qualo la xe stretamente tacada. Forme modifegae de le onge le forma i [[sòcolo|sòcoi]] in molte specie anemali.
[[File:Skin layers.svg|800px|miniatura|centro|Schema che'l descrive i strati che i costituisse la pele: epidèrmide, derma e ipoderma. Xe messe in conparassion i anessi che se poe catare in un toco de pele ''glabra'' (a sanca) e ''irsuta'' (a drita). Le giàndole sudorìpare le se cata in tute e do, quele sebàcee e, ciaramente, i peli, se cata solo in quela irsuta. Va specificà che no tute le zone dove catemo pele ''sutil'' sta qua la ga peli, basta pensare ai genitali, mentre xe normale che la pele ''spessa'' soto man e pie no la gabia peli.]]
[[File:Skin layers.svg|800px|miniatura|centro|Schema che'l descrive i strati che i costituisse la pele: epidèrmide, derma e ipoderma. Xe messe in conparassion i anessi che se poe catare in un toco de pele ''glabra'' (a sanca) e ''irsuta'' (a drita). Le giàndole sudorìpare le se cata in tute e do, quele sebàcee e, ciaramente, i peli, se cata solo in quela irsuta. Va specificà che no tute le zone dove catemo pele ''sutil'' sta qua la ga peli, basta pensare ai genitali, mentre xe normale che la pele ''spessa'' soto man e pie no la gabia peli.]]

Version de le 12:21, 24 maj 2020


Vision dal'alto de na pele, almanco in aparensa, sensa pili. El color de la pele del depende da la concentrassion de la melanina drento al'epidèrmde e la varia a seconda de la proveniensa geogràfica e del'esposission a la luse ultravioleta, che la stìmola la produssion de sto pigmento.
Vision istològica al microscopio òtico, a colorassion ematossilina-eosina, de un toco superfissale de pele, dove che ghe vien evidensiai i strati del'epidèrmide. Se poe anca notare come, a livelo de la giunsion dermo-epidèrmica, el derma se alsa in papile dèrmiche, in corespondensa de le incisure epidèrmiche. No xe fàssile védare, invesse, altri tipi de sèlula in te l'epidèrmide fora che i cheratinociti.
In fondo, la giunsion in fra derma reticolare (soto) e ipoderma (sora) no la xe senpre fàssile da recognóssare, anca se el secondo spesso se caratariza pa la presensa de adipociti, che i xe evidenti come busi bianchi che i perde el contegnuo co che'l tessudo el vien conservà in formalina. In sta imàsene, la roba più visìbile, al sentro, la xe el corpùscolo de Pacini, svilupà intorno a na terminassion nervosa co la so forma a siola, otimizada par la so funsion de recetor de pression.

La pele (anca dita pel a seconda de la variante vèneta; la vien ciamada cute in tèrmini sientìfeghi) la xe un vero e propio òrgano che'l partien al aparato tegumentario, la querze tute la superfisse esterna del corpo e la ga un gran nùmaro de funsion deversifegade. La xe in continuità co le mucose, che, invesse, le querze da drento i òrgani cavi: la zona de transission no la xe spesso neta e sta roba la se poe osservare a livelo dei làvari cussì come sui genitali esterni, dove che, par esenpio, i tessudi i xe più sfràsili e vascolarizai de la normale pele de altri posti del corpo. Miga solo da ste parte, la pele la varia la so anatomia, a livelo microscòpico e a volte anca macroscòpico, in te altri distreti corpòrei, sia revardo a la conposission dei so tessudi prinsipali, che a la qualità e quantità de anessi che ghe se poe catare.

La derivassion enbriològica de la pele la fa vegnere fora dal fojeto enbrionale ciamà ectoderma, almanco par quanto revarda i tessudi del'epidèrmide e del derma, par sto aspeto conpagni al tessudo nervoso. Se considaremo l'ipoderma na parte de st'òrgano, lora anca el mesoderma ghe contribuisse a la formassion.

Oltra che l'omo, tuti i vertebradi i ga na pele. I altri anemali i poe vere na pele assè rica de pili, come i caviji umani, roba che difusa a grande parte del corpo la toe el nome de pelissa: laorada in processi particolari la deventa un materiale che'l ga el nome de curame. Dolfini, balene e i altri cetacei i xe i ùgnoli a no vere pili. I pissi e i rètili i xe dotai de dure e forte scaje, le no xe altro che tochi spissi de la stessa cheratina che catemo su la pele de le altre bestie. I osei, invesse, i organiza la cheratina in piumaji e pene più lisiere e adatae al volo. I anfibi i ga na pele assè sutile, che la toe parte ai processi de respirassion e la interagisse in maniera streta col'anbiente intorno, al ponto che, in aqua, la assorbe fassilmente tante sostanse che no le passa in modo significativo traverso la pele de altri anemali.

La dermatologia e la cerusia plàstega le xe le siense, respetivamente mèdega e cerùsega, che le studia la pele e la so anatomia e fisiologia normali, in relassion a la patologia che qui se poe formarse e come che la se poe presentare, oltra che le cure più juste par ste malatie.

Tessudi

La pele la xe fata de do (o tre, a seconda de la convension anatòmica) tessudi missi un sora de st'altro:

  • Epidèrmide: la parte più de fora, la xe un tessudo epiteliale squamoso pluristatificà, deverso da quelo che se cata in te la mazoransa (anca se miga la totalità) de le mucose co n'epitelio somejante par via del fato che'l xe corneificà (o cheratinizà). La xe fata in bona parte de sèlule ciamade cheratinociti desposte in sinque strati che i se cata un sora de st'altro salendo dal fondo del tessudo e i xe:
    • Strato basale o germinativo: na fila sìngola, dove che se cata i gnari de sèlule che, reproduséndose par mitosi, le dà orìsene a tute quele che ghe sta su. I emidesmosomi i xe le struture junsionali proteiche che le parmete l'adesion a la menbrana basale del'epidermide.
    • Strato spinoso: 5-10 file de cheratinociti che i vansa longo el processo difarensiativo, toendo na forma stelada par via de le numarose conession co le altre sèlule, strete da struture ciamae desmosomi. Sti cheratinociti i toe drento i melanosomi produti dai melanociti, fenomeno più intenso durante la bronzadura.
    • Strato granulare: 3-5 file de sèlule che le buta fora i corpi lamelari richi de lipidi buni par mantegnere inpermeàbile la pele. No le ga più il nucleo e le xe za desso sèlule morte par apoptosi.
    • Stato lùssido: presente solo in te la pianta dei pie e'l palmo de le man, dove che l'epidèrmide la xe assè più spessa che in altri posti, e resistente al'atrito.
    • Stato còrneo: formà da 10-30 file de cheratinociti che i contien in pràtega solo cheratina e i xe stretamente ligai in fra luri.
L'epidèrmide no la ga nervi o vasi drento, ma altri tipi selulari oltra che i cheratinociti. I melanociti i ga n'orìsene enbriologica particolare (i salta fora da le creste neurali, senpre ectodèrmiche parò) e i xe sèlule ramifegade che le coloniza la pele (oltra che serte mucose) insinuàndose in mezo ai cheratinociti, ai quai che fornisse i melanosomi, organeli richi de melanina. Na strutura sìmile la ga le sèlule de Langerhans, anca lore grande e stelade, che parò i ga la funsion imunitaria somejante a quela de i macrofagi. Infin le sèlule de Merkel le ga na funsion sensitiva.
  • Derma: catà soto l'epidèrmide, el porta i vasi sanguigni e linfàtici pa'l nudrigamento e'l drenajo de le scorie sue e del'epidèrmide. Se trata de un tessudo conetivo spesso, che'l òspita anca le terminassion nervose responsàbili de la modifegassion de la suorassion, ma soratuto de la generassion de le tante sensassion ciamade conplessivamente tato. Gavemo donca recetori pa'l movimento, la conpression e la vibrassion ciamadi mecanocetori (come i corpùscoli de Meissner e Pacini), pa la tenperadura (corpùscoli de Ruffini pa'l caldo, clave de Krause pa'l fredo) e infin terminassion nervose lìbare inportanti pa' la sensassion dolorosa. El derma se poe divìdare in derma papilare, quelo dretamente soto del'epidèrmide e derma reticolare, che'l più in fondo, rico de colàgene e fibre elàsteghe.
  • Ipoderma: anca ciamà tessudo sotocutaneo, soratuto in quii casi in te i quai no'l vien considarà na vera parte de la pele, anca se la giunsion dermo-ipodèrmica la xe assè manco fàssile da destìnguare respeto al passajo neto rapresentà da la giunsion dermo-epidèrmica. Se trata de un tessudo conetivo lasso che in te la mazoransa dei distreti corpòrei se inpiena de adipociti, deventando un vero tessudo adiposo, de volume variàbile a seconda de quanto che se magna e se consuma (el ga come funsion prinsipale la reserva de energia).

Anessi cutànei

In mezo ai tessudi che i forma la stutura basilare de la pele, ghe xe na serie de struture speciali che, in qualità e quantità, le poe variare a seconda dei vari distreti del corpo.

  • Giàndole sudorìpare: come che'l dise el nome, le xe le struture che le buta fora el suor, sia in maniera sensìbile che sensa che ghe ne acorzemo. Ghe xe più tipi de ste giàndole: le ècrine o meròcrine le se cata un fia su tuta la superfisse cutànea, mentre le apòcrine le ghe xe solo a partire da la pubartà, in posti come scaji e enzie, dove che la so secression, più rica de lipidi e sostanse ciamade feromoni, le dà el particolare odor che se svilupa in sti posti, par efeto del metabolismo de la flora batèrica speciale catada sora de la pele de ste zone.
  • Giàndole sebàcee: le buta fora el sebo, un miscioto de lipidi co na varietà de funsion gnancora capie par tuto: lubrifegassion, inpermeabilizassion, regolassion de la flora batèrica. Anca lore le se cata in particolari concentrassion in serte àree piutosto che altre. Le se cata senpre conpagne a un bulbo pilìfaro, formando n'unità pilosebàcea, dove che l'epidèrmide la contien i gnari de sèlule staminali boni par colonizare de novo le parte intorno, dove che sto tessudo xe stà perso.
  • Pili (o peli): i xe colone de cheratina condensada e variamente pigmentada, che le salta fora da introflession (fin al livelo del derma reticolare o del'ipoderma) del'epidèrmide ciamade folìcoli pilìfari. Le zone del corpo in dove che no ghe ne xe le xe querte da pele glabra, mentre el corame cavejudo xe na rejon de pele su la testa (de sòlito) assè rica de pili. La destribussion e l'aspeto dei pili la varia tanto sia in fra persone deverse che in te'l stesso indivìduo a seconda del passare dei ani. El stesso pelo el va incontro a sicli vitali dopo dei quai el casca par èssare sostituio da n'altro soto. El xe tacà a un pìcolo mùscolo eretor del pelo (che'l fa vegnere i penoti) e'l xe formà da un bulbo, na raisa e un fusto.
  • Onge: le xe squame de cheratina miga pigmentada che le se cata sui dorsi de le falanze distali dei dei de la man e del pie. La salta fora da na matrice ungueale che la xe n'altro toco de epidèrmide specializada a particolari modalità de proliferassion e difarensiamento e la poja sora de un leto ungueale, al qualo la xe stretamente tacada. Forme modifegae de le onge le forma i sòcoi in molte specie anemali.
Schema che'l descrive i strati che i costituisse la pele: epidèrmide, derma e ipoderma. Xe messe in conparassion i anessi che se poe catare in un toco de pele glabra (a sanca) e irsuta (a drita). Le giàndole sudorìpare le se cata in tute e do, quele sebàcee e, ciaramente, i peli, se cata solo in quela irsuta. Va specificà che no tute le zone dove catemo pele sutil sta qua la ga peli, basta pensare ai genitali, mentre xe normale che la pele spessa soto man e pie no la gabia peli.

Varda anca

Controło de autoritàLCCN (ENsh85123164 · GND (DE4023838-6 · BNF (FRcb11965434q (data) · BNE (ESXX526295 (data) · NDL (ENJA00563596
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pele&oldid=735723"