Difarense intrà łe version de "Derito"
[Version verifegà] | [Version verifegà] |
p Bot: Zonto el modèl Controło de autorità |
p Robot: Modifega de modèl: Stub |
||
Riga 1: | Riga 1: | ||
{{ |
{{Spigaso|soçietà}} |
||
[[File:JMR-Memphis1.jpg|miniatura|418x418px|La statua de ƚa dea romana [[Justisia]].]] |
[[File:JMR-Memphis1.jpg|miniatura|418x418px|La statua de ƚa dea romana [[Justisia]].]] |
||
Version de le 20:58, 12 maj 2020
El derito o dirito l'è on union de prinçipi e norme, xeneralmente ispirai da idee de ordane e justisia, che ƚe regoƚa ƚe reƚasion intrà i omani in ogni soçetà e che tuti i ga da rispetare. L'insieme dei prinçipi jurideghi e ƚe regoƚe de on determinà stato l'è ciamà leje. La leje l'è anca na siensa soçaƚe che ƚa studia, interpreta e sistema l'ordinamento parché'l vegna aplicae in manjiera justa. La leje ƚa ga on lingambo streto co ƚa pułìtega, economia e istoria e ƚa xé n'tel mexo dei conplesi de l'omo par dire coretamente cosa che xé justo.
Storego
Orixane
El derito no ƚa xé na invension de ƚa nostra speçe Homo sapiens, ma ghemo da tornar indrio de racuanti ani, fin a catar i nostri antenai el Homo heidelbergensis che intorno a 350.000 e 450.000 ani fa i ghea inventà i prinçipi del derito. El Homo heidelbergensis par mantenjere stabiƚità drento i grupi, el formava grupi da oto a vinti persone parché se i fuse stai pì grandi i garia creà tension interne e a ƚa fin i se saria dividesti. Sibèn che se se toƚeva ste mixure onde evitar problemi, n'tei grupi formai da na ventina de persone ghe jera xente che ƚa jera sta butada fora, parché, st'ultimi, i tegneva conportamenti che ndava contro el intarese del grupo: i robava, i barufava, i jera jełoxi, tuti conportamenti de mancansa d'educasion che i justifegava l'escluxion dal grupo. Sto atejamento n'tel cuaƚe vegnea sansionà asion de maƚeducasion, el xé ƚa baxe grexa che da sta cuà xé cresuo e se gà xviƚupà el derito.
El xviƚupo
N'tel dì de uncò
Prinçipaƚi soto-disipline
Come par tute cheƚe altre siense soçaƚi, se xé soƚiti a dividare el dirito so na serie de disipline difarenti, sìbèn sta divixion no ƚa gapia da intendarse in senso asoƚuto, ma doparada par pratiçità. El confin intrà el Dirito publico e el dirito privà el jera xà prexente ai tenpi dei primi juristi romani.
Le prinçipaƚi distinsion del dirito ƚe xé:
- el dirito pubbłico, el se ocupa dei raporti intrà el Stato o altri enti publeghi e sojeti (publeghi o privai che i sia) co el stato e altri enti publeghi i ajise "'ius iuris'" e de conseguensa i dopara on podere par ƚa tuteƚe de on intarese publego, seguendo na prosedura scrita n'te na leje o on regolamento. El Stato e i enti publeghi i poƚe anca laorare"'iure imperii" o sia i dopara na forsa publega par far in manjiera che on prençipio juridego, on provedimento o on ordine el vegna realmente rispetà dai privai.
- ił dirito penałe, l'è cheƚa parte del Dirito publego che el prevede l'aplicasion de sansion penaƚi par chi che fa reati, come ł'ordinamento giuridico prevede.
- ił dirito priva, la xé cheƚa parte del dirito che ƚa regola i raporti intrà sojeti privai e sojeti publeghi, co st'ultimi i laora en "'iure privatorum'", o sia come se i fuse sojeti privai, sensa far ricorso ai so poderi publeghi par ƚa protesion del intarese publego.
- ił dirito civiłe, branca deł dirito priva, xhe'l regoƚa i raporti intrà privai in determinae materie;
- ił dirito bełego, a łivełło nasionałe o internasionałe – che ƚe dixe cuaƚe condotta ga da vere ƚe parti en guera.
- ił dirito internasionałe, ła xé cheƚa branca sel dirito che regoƚa i fenomani xurideghi intrà sojeti de ordinamenti difarenti, ambedò dotai de sovranità, che i ajìse come sojeti propi so ƚa baxe dei tratai internasionaƚi che i ghin regola l'existensa, ƚe conpetense e i modi de intervegnere (i tratai internasionaƚi i vincoƚa soƚi i stati che ƚi ga firmài, anca se ƚe organixasion internasionaƚi ƚe serca de obligare tuti i stati a ƚa so autorità, anca grasie a ƚa forsa dei stati pì potenti). El njien a so volta divixo in altre disipline speçifeghe.
Le fonte xurideghe
Fonte del derito
Par savèrghene de pì, vardarse ła voxe Fonti deł dirito. |
- Fonte nazionałi:
- Costitusion: leje fondamentaƚe de on moderno Stato de dirito;
- łeje ordinaria;
- Decreti łeje: ati goernadivi fati co ghe xé na cuestion che ƚa ga da vere on rapido intervento.
- Decreti łejixłativi: ati goernadivi so deƚega del parlamento che dixe i prinçìpi e ƚe indicasion de baxe che el goerno ga da seguir n'tel pore ƚa leje.
- Regołamenti;
- Fonte internasionałi: norme tolte in adosion da on union de Stati, in baxe a uno o pì acordi internasionałi, unii n'te na organixasion soranasionaƚe, che ƚe sta sora a ƚe leji de ogni stato che ghe fa parte. I xé ciamai tratati o acordi.
- par i Stati che fa parte de ƚa Union Eoropea:
Disipline temateghe
Altre disipline omanisteghe ƚe se intaresa al derito, ma sensa vere on conportamento stretamente legaƚe.
- L'anaƚixi economega de ƚa leje, che ƚa serca de vardare se na leje ƚa xé sostegnibiƚe o no, faxendo "oro" de algune teorie inprestae da l'economia.
- La soçoƚoxia del derito che ƚa studia ƚa leje come fenomano soçaƚe.
- La fiƚoxofia del derito ƚa studia baxi e definision de conçeti legaƚi come el derito, ƚa leje o stato.
- La istoria de ƚa leje studia ƚa leje vardandoƚa co na esperiensa storega, co ƚe so costanti e ƚa so evoƚusion.
- L'antropoƚoxia legaƚe ƚa studia i fenomani legaƚi in manjiera culturaƚe, soçaƚe e sinboƚego.
- La xiografia del derito ƚa studia ƚa leje n'tel so raporto co'l spasio andove la laora.
Controło de autorità | LCCN (EN) sh85075119 · GND (DE) 4048737-4 · BNE (ES) XX526381 (data) |
---|