Difarense intrà łe version de "Doze de ła Repùblega de Venèsia"
[Version verifegà] | [Version verifegà] |
Targhete: Canbiamento da tełefonin Canbio da web par tełefunini |
p Bot: Zonto el modèl Controło de autorità |
||
Riga 28: | Riga 28: | ||
{{Istitusion venesiane}} |
{{Istitusion venesiane}} |
||
{{Controło de autorità}} |
|||
[[Categoria:Istitusion de ła Republica de Venesia]] |
[[Categoria:Istitusion de ła Republica de Venesia]] |
Version de le 00:45, 28 avr 2020
El Doxe el xera ła màsima carga de governo de ła Serenisima Republica de Venesia. No 'l gavéa mìa el potere de un prinsipe o de un re, ma 'l jera pitosto un "primus inter pares". Ła só funsion ła xera pì che altro quea de raprexentante uficiałe de la Republica de Venesia inte łe serimonie pùbliche e inte łe rełasion diplomateghe coi altri Stadi (in pratica el gavéa un conpito che ghe someja un póco a queło del moderno Presidente de ła Republica). En pì el gavea da guidar el esersito e 'a flota en tenpo de guera.
I grandi doxi de ła Republica
'Ntei mie e sento ani de existensa de l'istitusion dogaƚe a Venesia ghe xe stà in tuto 120 doxi. Tra sti qua ghe ne xe serti che i merita particołarmente de èsar ricordà, o par quel che i gà fato o par quel che xe suceso durante el so dogado:
- Paoluccio Anafesto, primo duca bizantin de ła Venetia maritima;
- Orso Ipato, che gà invià el proceso de independensa da Costantinopołi;
- Teodato Ipato, primo doxe de na Venetia indipendente, pienamente libera de sieliarse el proprio capo;
- Angelo Partecipazio, che'l gà portà ła cavedal dogałe inte ła sità de Venesia;
- Giustiniano Partecipazio: durante el so dogado xe riva in sità łe spòlie de l'evangelista Marco, e xe scominsià l'indisołubie łigame tra el santo e ła sità.
- Piero II Orseolo, che co ła sotomision de ła Dalmazia el gà dato inisio al dominio veneto su l'Adriatico;
- Sebastiano Ziani: co lu xe stà firmà in San Marco ła pase tra Federico Barbarossa, papa Alessandro III e i comuni de ła Liga Lonbarda;
- Enrico Dandolo, che a otant'ani el gà portà Venesia al dominio su l'Oriente bizantin, fondando el Stato da Mar;
- Pietro Gradenigo, soto el cui dogado se afermò ła definitia forma oligarchica del Stado co ła Serà del Major Consejo;
- Marin Falier, che el voea trasformar ła Republica in na Siniorìa, e par sta roba i ga tajà ła testa;
- Michel Morosin, che gà visù l'asedio de ła sità durante ła guera de Cioxa contro ła Republica de Genoa;
- Tommaso Mocenigo, che gà sercà de frenar l'espansionismo venesian in teraferma;
- Francesco Foscari, che invese el xe stà l'artefice de ła conquista dei Domini de Teraferma;
- Lunardo Loredan, soto el qual Venesia ła ga tegnù bota a ła coałision de l'intera Europa contro de ea, ła Liga de Cambrai;
- Francesco Morosini el Peloponnexìaco, che el gà otegnù łe ulteme grandi vitorie venesiane contro i Turchi, riconquistando ła Morea;
- Lodovico Manin, ultimo doxe de Venesia, che el gà deposto łe insegne insieme al Major Consejo nel 1797, metendoghe fine ała storia miłenaria de Venesia independente.
Varda anca
- Ełenco dei Doxi de ła Republica de Venessia