Difarense intrà łe version de "Stefano Zecchi"
Targhete: Canbiamento da tełefonin Canbio da web par tełefunini |
(Nisuna difarensa)
|
Version de le 17:28, 20 feb 2020
Stefano Zecchi (Venesia, 18 de fevrer de'l 1945) el xe on fioxofo, academigo, scritor, zornaista e opinionista vèneto. El xe profesor ordenario de fioxofia a l’Universidà de i Studi de Padoa.
A łe ełesion comunai de Venesia de'l 2020 el xe candidà marigà co'l Partito dei Veneti.
Biografia[1]
Stefano Zecchi el xe nasù a Venesia el 18 de fevrer de'l 1945 da na fameja abrea vèneta. El ga studià a'l Łiseo clasego Marco Polo de Venesia. Dapò ła mauridà, el se xe iscrit a ła facoltà de Łitare e Fioxofia a l'Universidà de i Studi de Miłan, 'ndo che se xe łaoreà co ła votasion de 110/110 e łode e ła discusion de na texi so ła fenomenołoxia de Edmund Husserl (co'l rełator Enzo Paci).
'Nte 'l 1972 el xe deventà asistente e po profesor incargà a l'Universidà de Padoa e da'l 1979 el xe profesor ordenar co ła catedra de Fioxofia a l'Universidà de i Studi de Padoa. Da'l 1984 a'l 2013 el xe stà profesor ordenar de fioxofia a l'Universidà de i Studi de Miłan e 'l ga insenjà anca in altre inportanti universidà tajane e foreste.
Oltra a'l insenjament Zecchi el recoerxe e 'l ga recoerto inportanti incarghi cofà: presidente de'l corso de łaorea in Fioxofia de l'Universidà de i Studi de Miłan, consejer de aministrasion de'l "Piccolo Teatro di Milano", presidente de l'Academia de łe bełe arti de Brera senpre a Miłan, menbro de'l consejo de'l Irer (Istitudo par ła programasion sientifega e culturał de ła Rexon Łonbardia), rapresentante de'l Ministero de ła Publega Istrusion a l'UNESCO par ła tutea de i Ben imateriai, consejer de aministrasion de'l MAXXI (Muxeo de l’arte de'l XXI secoło), consejer de aministrasion de ła Fondasion La Verdi de Miłan, consejere de aministrasion de'l Teatro Parenti de Miłan. El ga avù anca incarghi poideghi cofà consejer comunał a Venesia par diexe ani e asesor a ła cultura a Miłan. Da'l 2016 el xe Diretor de 'l I.I.S.B.E. (Istitudo Internasionał de ła Siensa de ła Beesa) de Miłan.
Zecchi el xe editoriaista de ła gaxeta il Giornale. El ga ciapà notorietà anca fora da'l anbito academigo grasie a le so presense a'l Maurizio Costanzo Show 'nte i ani novanta. El vien spes invità a trasmision teevixive cofà Stasera Italia (so Rete 4) e Bel Tempo si Spera (so TV2000).
El 12 de fevrer de'l 2020 el se candida par łe ełesion comunai de Venesia a marigà de Venesia co'l Partito dei Veneti.[2]
Studi e pensier fioxofego
Stefano Zecchi el se xe łaoreà fioxofia co na texi so ła fenomenołoxia de Edmund Husserl (rełator Enzo Paci) e a i problemi de ła fenomenołoxia el ga dedicà i so primi studi fioxofeghi. Dapò i studi so ła fenomenołoxia de Husserl e de ła so scoła, el ga frontà łe costion so i conseti de “speransa” e de “utopia”, co ła riflesion so ła fioxofia de Ernst Bloch, de'l cual el xe stà anca tradutor. El pensier de Goethe (de cui ga tradot racuanti saji so ła sienesa, l'arte e ła łiteradura) e de'l Romantexixmo i xe diventài i ponti de riferiment fondamentai de i so studi, che ło ga portà a consentrar łe so reserche so'l problema e so'l senjefegà de ła beesa.
Opare
Saji
- Saggio su Husserl (1972)
- Fenomenologia dell'esperienza (1972)
- Utopia e speranza nel comunismo (1974)
- La fenomenologia dopo Husserl nella cultura contemporanea, Loescher (1978) ISBN 8820123738
- La fenomenologia (1983)
- La magia dei saggi, Jaca Book (1984) ISBN 8816401257
- La fondazione utopica dell'arte. Kant, Schiller, Schelling, Unicopli (1984) ISBN 887061820X
- Novalis, Unicopli (1986) ISBN 8870613070
- Elementi di analisi, costi e benefici, Edizioni ETS (1988) ISBN 8877413654
- Verso dove? (1988)
- La bellezza, Arnoldo Mondadori Editore (1990) ISBN 8833905225
- Sul Destino (a rancura de), in «Estetica» 1991 (vołume tut dedicà a Oswald Spengler, co inediti), ciapa rento saji de F. Volpi, D. Felken, G. Moretti, G. Gurisatti e M. Staglieno, Il Mulino 1991
- Sillabario del nuovo millennio, Mondadori (1993) ISBN 8804407182
- Il brutto e il bello (1996)
- L'artista armato, Mondadori (1998) ISBN 8804421185
- Capire l'arte, Mondadori (1999) ISBN 8804485140
- L'artista armato. Contro i crimini della modernità, Mondadori (1998) ISBN 8804471964
- Storia dell'estetica (2002)
- L'uomo è ciò che guarda, televisione e popolo, Mondadori (2005) ISBN 880454645X ('nte'l cuał critega łe trasmision teevixive pì seguìe cofà Grande fratello, Isola dei famosi, Affari tuoi, ecc.)
- In cammino con l'arte (2008)
- Maria una storia italiana d'altri tempi, Vertigo Edizioni (2011)
- Povera maledetta laurea. Come è stata distrutta l'Università e come la meritocrazia può salvarla, Il Giornale - fuori dal coro (2016)
- Paradiso Occidente. La nostra decadenza e la seduzione della notte (2016)
- Aiutami a capirlo: l’incontro tra il medico, il genitore ed il bambino, co Paolo Nucci, Lastaria Edizioni (2017) ISBN 8899706093
Romanzi
- Estasi, Mondadori (1993) ISBN 8804422882
- Sensualità, Mondadori (1994) ISBN 8804427426 (Premio Bancarea 1996)
- L'incantesimo (1997)
- Fedeltà, Mondadori (2001)
- Contro l'immagine (2001)
- Fedeltà (2001) - Premio Grinzane Hanbury
- Amata per caso, Mondadori (2003) ISBN 8804533528
- Il figlio giusto (2007)
- Quando ci batteva forte il cuore, Mondadori (2010) ISBN 9788804595373
- Rose bianche a Fiume, Mondadori (2014) ISBN 9788804634850
Notasion
- ↑ (IT) Curriculum Vitae del profesor Stefano Zecchidipartimento.filosofia.unimi.it (archivià dal URL orizenałe il 21 de agosto 2016).
- ↑ (IT) Stefano Zecchi candidato sindaco di Venezia per il Partito dei Venetiilgazzettino.it.
Altri projeti
Wikimedia Commons el detien imàjini o altri file so Stefano Zecchi
Wikiquote el detien çitasion de o so Stefano Zecchi- Wikimedia Commons el detien imàjini o altri file so Stefano Zecchi
Łinganbi foresti
- (IT) Alcune opare de Stefano Zecchi in venditalibraccio.it.
- (EN) Alcune opare de Stefano Zecchi in venditaopenlibrary.org.