Difarense intrà łe version de "Pàdoa"

Da Wikipedia, l'ençiclopedia libara.
[Version verifegà][Revixion njiancora controłà]
Contenuto cancellato Contenuto aggiunto
fix refusi
Riga 79: Riga 79:
Par quaxi quatro secołi Pàdova, anca se ła gera drio perdar inportansa połitica, a gà godùo dea paxe e de ła prosperità asicurà da ła aministrasion venesiana e de ła łibartà concesa a ła so Università, che a ga riciamà studenti e profasori da tuta Eoropa, fra i quałi l'indimenticabie [[Galileo Galilei]].
Par quaxi quatro secołi Pàdova, anca se ła gera drio perdar inportansa połitica, a gà godùo dea paxe e de ła prosperità asicurà da ła aministrasion venesiana e de ła łibartà concesa a ła so Università, che a ga riciamà studenti e profasori da tuta Eoropa, fra i quałi l'indimenticabie [[Galileo Galilei]].


Dopo el teribiłe [[Assedio de Pàdova|asedio del 1509]], durante ła guera anti-venesiana promosa da ła [[Liga de Canbrai]], xe stà conpletà ła çinta muraria, e questo xé stà uno dei pochi eventi degni de nota del periodo. I asalti inperiałi i xe stà tuti respinti sol Bastion Coałonga da nobiłi venesiani, padovani e famosi soldai de ventura come [[Citolo da Perugia|Citoło da Perugia]].
Dopo el teribiłe [[Assedio de Padoa|asedio del 1509]], durante ła guera anti-venesiana promosa da ła [[Liga de Canbrai]], xe stà conpletà ła çinta muraria, e questo xé stà uno dei pochi eventi degni de nota del periodo. I asalti inperiałi i xe stà tuti respinti sol Bastion Coałonga da nobiłi venesiani, padovani e famosi soldai de ventura come [[Citolo da Perugia|Citoło da Perugia]].


=== Otosento ===
=== Otosento ===

Version de le 07:18, 5 luj 2018


Pàdoa
Someja


Pozision

Map

45°25′00″N 11°52′00″E / 45.416667°N 11.866667°E45.416667; 11.866667 (Pàdoa)Coordinae: 45°25′00″N 11°52′00″E / 45.416667°N 11.866667°E45.416667; 11.866667 (Pàdoa)

StatoItàlia
RejonVèneto
Provinsaprovincia de Pàdoa Cànbia el vałor in Wikidata
Cavedałe de
Popołasion
Totałe206 496 (1° de zenaro del 2023) Cànbia el vałor in Wikidata
−3 944 (2018)
Densità2 219,67 hab./km²
Zènaro
left 110 153 (%53.3)99 577 (%48.2) Òmani
Demònemopadoan   Edit this at Wikidata
Idiomaitalian
vèneto Cànbia el vałor in Wikidata
Zeografia
Àrea93,03 km²[1] Cànbia el vałor in Wikidata
Bagnà daBacajon Cànbia el vałor in Wikidata
Altitùdene12 m[2] Cànbia el vałor in Wikidata
Rente a
Dati istòreghi
Avegnimento ciave
Dì festivo
Eror Lua: callParserFunction: function "

[[Categoria" was not found.

PatronoSant'Antonio da Padoa Cànbia el vałor in Wikidata
Còdazi de identifegasion
Còdaze postałe35121–35143 Cànbia el vałor in Wikidata
Còdaze de matricołasionPD Cànbia el vałor in Wikidata
Fuzo oràrio
Clasifegasion climàtegaclima subtropegałe ùmido Cànbia el vałor in Wikidata
Prefiso tełefònego049 Cànbia el vałor in Wikidata
ID ISTAT028060 Cànbia el vałor in Wikidata
Còdaze catastałe de ItàliaG224 Cànbia el vałor in Wikidata

Sito webcomune.padova.it Cànbia el vałor in Wikidata










Facebook: 110539155637396

Facebook place: Comune.Padova
Twitter: comunepadova
Instagram: comunepadova





Youtube: UCxtuZgkyyTiBoS9zihQBuhQ






























MusicBrainz: 81e2aca1-3be8-4926-bbe3-07ccf946bede


Pàdova,[3] o pi raramente Pàdoa, (Patavium in latin, Padua in inglexe[4] e in todesco[5], Padoue in francexe[6]) ła xe na sità de 210.536 àneme, co una dee pi vece e grande università d'Europa. Trovandose sol croxevia tra e strade che va'ntel nord-est che vien da Roma e da Miłan, in mexo al Veneto, Pàdova ła xe el più gran sentro comerciałe del nord-est del'Italia.

I tre sensa

Ła xe famosa par i so tre sensa: el santo sensa nome, el prà sensa erba e el cafè sensa porte. El santo sensa nome el xé Sant'Antonio, parché i padovani i ło ciama soło 'el santo'; el prato sensa erba el xé Prà de ła Vałe, che prima de esare bonificá el gera na pałude, mentre el cafè sensa porte el xe el Pedrochi, che na volta el gera sempre verto.

Storia

Secondo ła tradision, ła fondasion de Pàdova risałe a un grupo de profughi de ła sità de Troia, comandà da Antenore.

Uno dei prinsipai posti dea cultura paleoveneta, ła vecia Pàdova xe stà fondà tacà ai àrxari del fiume Brenta (neł' antichità Medoacus), che a chel tenpo (se pensa fin al 589) el pasava dove uncó ghe xe el Bachiglion.

Durante l'Inpero Roman

Nel 49 a.C., Padova ła xé deventà de nome un munisipio roman, par esarlo par davero soło nel 45 a.C. co ła Lex Julia Municipalis. Durante ła dominasion romana Patavium, come che ła gera ciamà ałora, ła diventa una de łe sità pi riche del'Inpero, grasie anca ai ałevamenti de cavałi. Nel'età de Augusto, Pàdova ła xè parte de ła X Regio che ła gavea come capitałe Aquiłeja, ała quae ła gera cołegà dała via Ania che ła partiva da Adria. Del periodo roman resta alcuni ponti, modificai ntel medioevo, i resti de ł'arena (visin ała capeła dei Scrovegni), e terme (na sćianta de piere soto pałaso Storion) e el foro (visin ała piasa Garibaldi e ała piaseta Cavour), dove che ghe resta soło na cołona.

Al prinsipio del V secoło a Pàdova se gà stabijio el Praefectus Sarmatarum gentilium, una dee 13 guarnigion de Sarmati a difesa del'inpero. Probabiłe che ła guarnigion ła fuse dixlocà a Sarmeoła (Sarmaticula), frasion de Ruban e a Sermasa (łocaità de Vigonovo). Nel 452-453 ła sità la xé stà distruta dała invasion dei Uni de Atiła. Dal 535 al 553 ghe xé stà ła guera tra Bixansio e i Goti aleài dei Franchi: conquistà dai primi nel 540 e dopo dai secondi cò Totiła, Pàdova ła xé stà ciapà nel 568 da Narsete, generałe de Giustinian.

Medioevo

El Santo de Pàdoa

Dopo ła fine del'Inpero, Pàdova ła gà visto el Brenta canbiar el sò corso co ła ròta del 589, sostituio dal Bachilion. Ła xé stà asedià e conpletamente distruta en tel 601 dai Łongobardi de Agilulfo che, secondo ła tradision, i xé entrai in çità dal Ponte dea Morte, come che el xè ciamà uncó el ponte tacà a via Rudena (che sta par rovina). Monsełexe ła gà rexistio ancora par cualche mexe prima de cascar anca eła in man ai Łongobardi. Un pochi de abitanti i ga sercà de salvarse nea laguna de Venesia, contribuendo ała nasita, secoi dopo, de Venesia.

En tel 899 Pàdova ła xé stà rasià da i Ungari.

Soło dopo l'ano 1000, Pàdova gà scumisià a riprenderse, afermandose come comune indipendente, anca se ła gà dovuo subire łe devastasion del teremoto del 1004 e, ancora più forte, de queło del 1117, cusì come el incendio grando del 1174. En tel 1164 ła fa parte deła lega veronexe contro Federico Barbarosa. Dal 1168 (convegno de Lodi) al 1183 (Paxe de Costansa) Pàdova ła fa parte anca dea Lega Łonbarda.

I ani sucessivi i ga visto ła çità aumentare ła só inportansa e i só domíni, in lota continua contro i comuni confinanti. En tel 1222 xe stà fondà ła Università, ła seconda più antica de ła penisoła itałica e una fra łe prime e più prestijiose d'Europa. A Pàdoa el ga predicà e el xé morto, en tel 1231, Sant'Antonio, , al quałe i padovani ghe gà dedicà ła grandioxa basiłica. Tra el 1303 e el 1305 Gioto el gà afrescà ła Capeła dei Scrovegni, inestimabiłe texoro de pitura. L'espansion del comune padovan xé stà interota a più riprexe, in particołare fra el 1237 e el 1256, da ła sanguinoxa dominasion de Exełin III da Roman, ricordà pa ver fato trucidare inte un giorno soło più de diexemiła padoani.

En tel 1318 muta el panorama poitico a Pàdova: scumisia ła Signoria de i Cararexi co l'elesion a Capitan del Popoło de Jacopo da Carara. El secoło dopo, anca se turbà dae continue lote co łe signorie dei comuni tacài e co ła potente Venesia, el xé stà par Pàdova el apice del so splendore, asołuta protagonista del'arte e dea cultura europea grasie ała prexensa de artisti e leterati come Giusto De' Menabuoi, Guariento, Altichiero e Francesco Petrarca.

En tel 1387 ghe xé stà ła bataja de Castagnaro, considerà una de łe grande bataje del'epoca dei capitani de ventura: Joani Ordełafi e Ostaxio da Poenta, che i conbateva par Verona, i xe stà afondai da Joani Acuto e Checco Noveło Cararexi, chel conbatea par Pàdoa. I gera i últimi bajori miłitari de ła çità, che, en tel 1405 ła se gà inxenocià definitivamente a Venesia dopo na longa e dura łota. A xe ła coxideta "devosion" de Pàdova a Venesia: i últimi Cararexi prigionieri i vien copà có i se catava nei Pionbi, łe famigeràe gaere venesiane.

Nel medioevo el munisipio e ła signoria i gà fato scavare łe prinsipałi opere de navigasion de ła provincia de Pàdova: el canałe de Bataja, el Piòvego e e Brentełe.

Rinasimento

Par savèrghene de pì, vardarse ła voxe Assedio de Padoa.
Pałasso dea Rajion
Piassa dee Erbe

Par quaxi quatro secołi Pàdova, anca se ła gera drio perdar inportansa połitica, a gà godùo dea paxe e de ła prosperità asicurà da ła aministrasion venesiana e de ła łibartà concesa a ła so Università, che a ga riciamà studenti e profasori da tuta Eoropa, fra i quałi l'indimenticabie Galileo Galilei.

Dopo el teribiłe asedio del 1509, durante ła guera anti-venesiana promosa da ła Liga de Canbrai, xe stà conpletà ła çinta muraria, e questo xé stà uno dei pochi eventi degni de nota del periodo. I asalti inperiałi i xe stà tuti respinti sol Bastion Coałonga da nobiłi venesiani, padovani e famosi soldai de ventura come Citoło da Perugia.

Otosento

Nel 1797, Venesia vien conquistà da Napoleone e Pàdova, insieme a tuto el veneto, ła xe stà dà a l'Austria co el tratà de Campoformio, par entrar a far parte, dopo ła disfata napoleonica, del Regno Lonbardo-Vèneto. Nel 1848, anca Pàdova ła ga visto l'insuresion contro l'occupasion austriaca, in particołare a opera dei studenti universitari: tutora ła data dell'insuresion studentesca, 8 febraro, ła vien festejà. Nel 1866 Vittorio Emanuele II òcupa e anete, grasie a un plebiscito, ła Venesia Euganea. Cusì Pàdova ła entra nel Regno d'Itałia.

El Novesento

Durante ła Prima guera mondiałe, Padoa a xe stà sede de vari comandi, conprexo queło dea Tersa Armata, subendo speso bonbardamenti aerei. Da un areoporto picenin, a San Pelajio - ora sede de un muxeo del voło, xe partio Gabriełe D'Anunsio pal cełebre propagandistico voło su Viena. Nel 1918 a Viła Giusti deła Mandria, nea periferia sud de Pàdoa, xé stà firmà l'armistisio che ga meso fine ała guerra fra l'Italia e i Inperi Sentrałi.

Ła Seconda Guera Mondiae e ła Rexistensa

Co ea seconda guera mondiałe xé rivà anca a Padova morte e devastasion, co ła perdita, fra i altri, dei inestimabii dipinti dea Capeła Ovetari de Andrea Mantegna e de Ansuino da Forlì, durante un bonbardamento aereo ałeà l'11 marso 1944: de sti capołavori resta uncó soło qualche framento. Conpagna a xé stà ła sorte pa' i afreschi de ła capeła del podestà, realizài da Fiłipo Lippi, da Nicołò Pizzolo e, ancora, da Ansuino da Forlì. Inportante el xe stà el discorso del retore Concetto Marchesi el 9 novenbre 1943 par l'inaugurasion de l'ano academico, dove chel ga invità i studenti a ciapare łe armi contro el fasismo e el naxismo, xé da anotare che però ło ga dito dopo de l'8 setenbre.

Pàdova ła xe stà ła sede del Comando Regionałe Vèneto dea rexistensa, centro de coordinamento de el CLN pa tuto el Veneto. Xe stà sto Comando chel ga dà el via al'insuresion del 26 apriłe 1945.

L'Università dei Studi de Padova ła xe stà l'unica università premià co ła medaja d'oro al Vałor Miłitare del Stato italian pai meriti durante ła resistensa.

Ła seconda metà del Novesento

I ani dal dopoguera fin uncó, i xé stà par Pàdova de continuo sviłupo economico. Grasie ała favorevołe posision geografica, al centro de importanti vie de comunicasion, gà vuo grande slancio e industrie e i servisi. L'interamento dee riviere (1956-1960) e ła perdita nel 1954 de alcuni coegamenti feroviari co ła provincia (gestii dała Società Veneta per le Imprese e Costruzioni Pubbliche nota come Ła Veneta) xé stà uno dei tanti presi che la sità gà dovùo pagare ała difuxion del trasporto su goma.

Ea crisi sociae e poitica dei ani setanta gà visto el połarixarse dee tension a Padova. El 15 apriłe 1969 na bomba cołocà da Franco Freda e Giovanni Ventura xè esplosa nel retorato, ałora ocupà dal profesor Opocher. I stesi gà acquistà ała Valigeria al Duomo e vaìxe utiixàe el 12 dicembre 1969 pa e bombe a Miłan nea sede dea Banca dell'Agricoltura in piasa Fontana e ała Banca nasionae del Lavoro a Roma.

El 13 genaio 1974 el cołonèo Amos Spiasi, del gruppo teroristico de destra "Rosa dei Venti" vien arestà.

El 17 giugno 1974 e Brigate Rose compie a Padova el só primo omicidio copando dó misini, Grasiano Girałucci e Giusepe Masoła, nea sede del Movimento Sociale Italiano.

El 7 aprile 1979 el sostituto procuratore Pietro Całogero gà fato arestare circa 140 persone aderenti a Potere Operaio e Autonomia Operaia, tra i quai spica i nomi dei profesori universitari Luciano Ferrari Bravo, Toni Negri e Emilio Vesce, oltre che tanti studenti e ricercatori. L'acusa, pasà ała storia come el teorema Całogero, gà sercà de dimostrare che el grupo de Autonomia el fuse ła faciata legae dée Brigate Rose, e che Toni Negri el fuse l'organixadore del sequestro de Aldo Moro.

El 5 febraro 1981 l'estremista de destra Valerio Fioravanti el gà copà sul'arxare del canae Scaricatore i dó carabinieri Enea Codoto e Luigi Maronexe, che i ło gaveva sorpreso a recuperare armi da un nascondiglio segreto soto aqua. Fioravanti el xé stà subito dopo caturà.

Co ła sigla de Brigate Rose per la costruzione del Partito Comunista Combattente, a Verona, el 17 dicembre 1981, xé stà sequestrà el generae american James Lee Dozier, che el xé stà liberà col blitz dei NOCS a Padova il 28 genaio 1982.

Sviùpo demografico

Abitanti censii

I canai de Padova

El tesuto urban de Padova xé fortemente condisionà dała presensa de diversi corsi d'aqua, formai dal'intreciarse dee aque del Bachiglion co' quee del Brenta, che i ghe dà a tanti angoi dea sità scorci sugestivi.

Nel pasá, 'sti corsi d'aqua gera fondamentai pa' l'economia sitadina, sopratuto pa ła prexensa de alcuni muini e pa ła só evidente funsion comerciae, congiungendo ła cità co ła visina Venesia e co' i altri centri dea provincia de Padova. In più, i canai gà rapresentà a lungo un vaido complemento dee opere de fortificasion dea cità, faxendo da fosato fora dee mura.

I corsi d'aqua citadini principai xé:

  • Brenta, che nase dai laghi de Levico e Caldonaso, el percore el confine nord de Padova deimitando el quartiere Nord dai comuni confinanti.
  • Tronco maestro, cioè chel ramo del Bachiglion che entra in cità al Basaneo e el costegia el centro storico a ovest e a nord, fin ae Porte Contarine; el faxeva da canae difensivo pal lato nord-ovest dee mura duecentesche. El gera utiixà sopratuto pa ła navigasion.
  • Naviglio Interno, che el se dirama dal Tronco maestro, traversando el centro storico a sud e ad est, seguendo queo che gera el percorso del Medoacus e ricongiungendose col ramo principae ae "Porte Contarine":. El vigneva uxà sopratuto pa' alimentare i muìni e el se dirama in diversi canai secondari, tra i quai el canae de Santa Chiara che el vien fora dała cità verso sud-est pa imeterse poco dopo nel "canałe Piòvego".
  • Canałe Piòvego, el parte dała confluensa del "Tronco maestro" e del "Naviglio interno" tacà ae "Porte Contarin"e e quindi el prosegue verso il Brenta e Venesia, deimitando a nord e mura cinquecentesche;
  • Canałe de Bataja, antico canae artificiae del XII secolo, che el se distaca dal Bachiglion al Basanèo, nea periferia meridionae, par dirigerse quindi verso i centri a sud dea provincia, intersecandose co na rete de altri canai par ritornare nel trato finae del fiume prima che, tacà al mare, el se imeta nel Brenta.
  • Canałe Scaricatore, el comincia tacà a dove che parte el canae Bataglia, e el xé stà costruio nea seconda metà del XIX secoło par convojare fora dal centro e aque del Bachiglion, fondamentae difexa contro el pericolo dee aluvion;
  • Canałe de łe Brentèłe, antico scavo del XIV secoło a ovest de Padova, che porta al Bachiglion e aque del Brenta. El xé stà costruio durante e guere contro i vicentini, quando che questi gaveva canaixà e aque del Bachiglion, cambiandoghe el corso e asando Padova sensa aqua.

E opere de interamento dei canai sitadini, in particołare del Naviglio Interno, che el xé deso soto ła Riviera dei Ponti Romani, a partire dai ani '50, e gà asà in stato de abandono sti canài, oltre naturalmente a vère alterà ireparabilmente el streto raporto tra Padova e e só aque. Xé stà soło nei ani '90 che se gà asistio a un recupero dee vie d'aqua sitadine, che e xé deso percorse da novo da alcune barche.

Sport

El 23 majo del 2000 ła 10^ tapa del Giro d'Italia 2000 xé finia a Padova co' ła vitoria de Ivan Quaranta.

Oltre al Calcio Padova, storica squadra de bałon sitadina fondà nel 1910, gà un ruòło importante anca ła squadra de rugby del Petrarca.

Nea stajon sportiva 2005-06 ła sità de Padova xé stà rapresentà nel masimo campionato, queo de A1, nea pałavoło maschie e feminie, dal Sempre Volley e dal Volley Club Padova. Anca ła pallanuoto xé presente nei masimi campionati maschii e femminii co' e squadre del Plebiscito.

Tra i avenimenti sportivi anuai più conosui ghe xe ła Maratona de Sant'Antonio.

Aministrasion

Sìndico: Massimo Bitonci (Lega Nord), dal 9/06/2014.

Giornai del posto

I giornai più veci che 'ncora deso i xe ocupa deła cronaca deła cità i xé : el Gaxetin e Il Mattino di Padova. Dal 12 novembre 2002 se vende el "Coriere del Veneto" abinà col Corriere della Sera. Sto giornałe el gà sede a Padoa e el ghe dedica ała cità do pajine al jorno. Ghe gera anca dei giornałi che łi vegneva distribuìi gratis come: Leggo, Metro, City, Il Padova e altri 'ncora, ma nesuno de questi gera de proprietà vèneta. Ghe se anca el giornae diocesano La Difesa del popolo.

Na volta ła cità gaveva n'altro giornałe locałe: L'Eco da Padova, scrito par ła prima volta nel 1977, edito dała Rizzoli e sarà nel 1980.

Quartieri

Arceła

Arceła (Quartiere 2 Nord) ła xé ła zona nord dea cità, e ła riva fin a Pontevigodarxare. El confine el xè raprexentà dała ferrovia Venesia-Miłàn a sud (col centro citadino) e dała tangensiae a nord (co' Pontevigodarxere). Conosua pa' esare el posto dea morte de Sant'Antonio da Padova (l'evénto el xé ricordà dal santuario de Sant'Antonino) e pa' esare stà ła periferia agrìcoła de Pàdova fin ała seconda guerra mondiałe, l'Arceła ła ga conosuo nel dopoguera na vełoce crésita urbanìstica, fin che ła xé rivà ai 50 000 abitanti de uncó. El metrotram ła cołega in maniera funsionae col céntro.

Mandria

File:Villa Molin a Mandria (Padova).jpg
Villa Molin a Mandria, Padova

Mandria (Quartiere 5 Sud-Ovest) ła confina coi comuni de Àbano e de Albignaxego, divisa da questo dal canae de Bataja.

Nata 'ntorno ała vecia strada romana Annia, che portava da Padova a Adria, ła gà sul so teritorio ła Villa Giusti del Giardino, dove che xé stà firmà el4 novembre del 1918 l'armistisio tra Italia, Inpero Austro-Ungarico e Germania che meteva fine ała prima guera mondiae; che a varda el Canae de Battaja ghe ze invese Villa Mołin, pensà dal'architeto Vincenzo Scamozzi nel 1597 (e che ła vien speso, sbajando, considerà parte dea Mandrioła, che ła xé su che altra sponda del Canae de Bataja).

Montà

Dea vecia Montà (Quartiere 6 Ovest), che ła xé suła strada Padova-Ponteroto, a circa 4 km dal centro cità, resta uncó soło l'antica fonte bateximae dea césa de San Bartołomeo, risaente al XVI sec. Recentemente el teritorio del quartiere el xé stato sogeto a forti trasformasion insediative e el xé ormai de fato inglobà col resto dea cità. Nel 2004 xé stà completa el cavalcavia de Corso Australia che el gà cusì eliminà l'unico semaforo esistente suła tangensiae, contribuendo a rompere l'isolamento de Montà dal resto deła cità.

Ponte de Brenta

Ponte de Brenta (Quartiere 3 Est) el xé un antico insediamento suła via par Venesia, el fa parte del Comune de Padova prima dea Prima guera mondiałe, el confina col comune de Vigonsa, dal quale el xé separà dal Brenta.
Nata atorno ai trafici dei barcaroi e dei viagiatori, ea xé caraterixà dała prexensa de alcune notevoli ville patrisie venesiane, tra queste spica Villa Breda, de proprietà comunae, col só parco. Ea vila se afacia sul fiume, da dove ghe gera l'acèso principae, verso ła fine del XIX secoło, dea ferovia Padova-Venesia. Ea xé stà fata dal Senatore del Regno Vincenzo Stefano Breda, che col'ocaxion el gà creà na fermata proprio ała fine del viae de aceso ała villa, dal lato del parco. Al senatore Breda xé anca intitolai l'ospisio pa i ansiani e l'ipodromo de Padova, che xé anca łori a Ponte de Brenta, e l'axiło infantie, che el xé nea piasa principae. Nea stesa piasa e se afacia l'antica cesa parocchiae de San Marco e San Michee, de aspeto setecentesco. Al'interno, opere de Luca Giordano e un pregevole organo del'epoca.
El parco dea vila ospita na pista pai cavai, primo ipodromo citadino, e dee scuderie otocentesche, fruto dea pasion del nobìe par l'ippica. Na picoła frasion de Ponte de Brenta xé Tore che, secondo ła storia, in epoca medievae ła ragrupava e atuai frasion de Mortise, Ponte de Brenta, Arceła e Altichiero, infati qualcuno dixe che Sant'Antonio sia morto a Tore invese che all'Arceła, che a chei tempi no ła existeva gnancora.

Pontevigodarxere

Pontevigodarxere (Quartiere 2 Nord) el se trova tacà a dó ponti che i coega Padova coe so frasion a nord, el ciapa el nome dal primo comune là tacà, Vigodàrxare. Fin ała seconda guera mondiae ła gera campagna, e ła se gà ingrandìo veocemente nel periodo dea ricostrusion dopo esere stł quaxi raxa al suoło dai bombardamenti dei aleati nel tentativo de fermare ła ritirata tedesca. A circa 1,5 km dal centro, ła xé na xona in fase di riquaificasion, grasie al completamento dea tangensiae nord che permete al trafico di ragiungere ła nova strada del Santo sensa pasare par l'Arceła. Dai tempi del'amministrasion Destro, no ła xé più na frazione de Padova, ma ła fa parte del quartiere 2-Nord che comprende anca Mortise, San Carlo, San Gregorio e parte de Altichiero.

Anedoti

Padova xé nota per esere la città dei "sete sensa":

  • Santo sensa nome, perché Sant'Antonio, a cui i padovani xé tradisionalmente devoti, el xé comunemente ciamà el Santo, nome che vien estexo anca ała Basilica omonima;
  • Café sensa porte, perché el monumentae Cafè Pedrochi, storico locale de Padova, anticamente el gera verto ad ogni ora del giorno;
  • Prato sensa erba, perché el Prà deła Vałe, spetacołare piasa seconda in Europa par estension ała soła Piasa Rosa de Mosca, ła gera na pałude fin ała fine del setecento, periodo in cui ła gà ciapà l'aspeto atuae grasie a Andrea Memmo, e ła vigneva uxà pa ła famosa fiera del Santo, trasformà in fiera Campionaria nel 1919.
  • "El bò sensa i corni", perché el Bò più famoso de Padova xé el nome de ła Università dei studi, che ła gà ciapà sto nome dopo che durante un scavo dee fondamenta xé stà trovà el cranio de un bò;
  • " L'orto sensa e verdure", perché el famoxo Orto Botanico el xé destinà al studio e ała conservasion de rare spece botaniche, e el xè coegà col'Università. El xé talmente presioxo e completo che el xé stà ameso ała protesion dell'Unesco come tesoro del'umanità.
  • "Łe riviere sensa aqua" perché, come xà sopra scrito, i canai xé stai interai nel corso dei ani 50 e 60.
  • "Ła catedrale sensa fine" co riferimento al fato che ała Basijca de Santa Giustina ghe manca el rivestimento esterno: quando che i gera drio costruirla xé finii i schei del'appaltatore, e i ła gà asà al stato grexo.

No xé tanti gnanca i padovani a conoscere ła storia dee dó gate , anca se e xé tra i più curiose simboi dea cità:

  • Ea gata de Sant'Andrea, ła xé su na cołona davanti ała cexa dedicà a chel santo, e ła xé fata in maniera bastanza grosołana. In origine ła gera un leon de San Marco, abatùo nel 1797 dai francexi dopo che i gaveva conquistà Venexia. El xè stà ricostruio nea só atuae forma incompiua dal scultore Francesco Chiereghin, in seguito ała restaurasione che xé vegnua fora col Congreso de Viena;
  • El bastion dea Gata, in corispondensa dei giardini dea rotonda (ała confluensa dee odierne vie Paolo Sarpi e Codalunga), gà vuo el só momento de gloria nel 1509, durante l'asedio di Padova da parte dei imperiai de Masimilian I d'Asburgo. I atacanti - che i usava na machina da guera ciamà "gato", i gera quaxi riusìi a penetrare in chel punto ła seconda cinta dee mura (cinquecentesche (quea interna, del 1300, xé quaxi scomparsa) tuttora visibili, ma i gà dovùo dexistere grasie al'ingegno de Citolo da Perugia, capitan de ventura che el gà minà el varco 'pena in tempo. Par tore in giro, i difensori i gà esposto na gata su na pica, sfidando i nemisi a vignersea tore.

Persone inportanti

Persone inportanti che xe nate a Padoa:

Infrastruture e trasporti

Sità xemèe

Bibliografia

  • Attilio Simioni, Storia di Padova: dalle origini alla fine del secolo 18°, G. e P. Randi, Padova, 1968
  • M. Beatrice Rigobello Autizi, Storia di Padova citta d'Europa : dalle origini alle soglie del Duemila, Atesa, Bologna, 1991
  • Elio Franzin, Luigi Piccinato e l'antiurbanistica a Padova 1927-1974. Con alcuni scritti padovani di Luigi Piccinato, Ed. Il prato, Saonara (PD), 2005
  • Elio Franzin, Padova e le sue mura, Signum Edizioni, Padova, 1982
  • Maria Beatrice Rigobello, Francesco Autizi, Storia di Padova: arte, cultura, Il prato : Piccola libreria Minerva, Padova, 2003
  • Leopoldo Saracini, Padova nord. Storia di un quartiere, As. Cult. Amici dell'Arcella, Padova, 2001
  • Lorenzo Tomasin, Testi padovani del Trecento, Esedra, Padova, 2004

Varda anca

Note

  1. voze de refarensaistat.it.
  2. URL de refarensa: https://www.tuttitalia.it/veneto/64-padova/.
  3. La voce di Umberto Marcato un inno alla «Vecia Padova» sul sito web de Il Mattino di Padova
  4. (EN) Padua sol sito web dea Lonely Planet
  5. (DE) Padua sol sito web de Reise nach Italian
  6. (FR) Padoue sol sito web de La Guide du Routard

Cołegamenti foresti

Modeło:Commons


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pàdoa&oldid=587147"