Pupà Nadałe

Babo Nadałe el ze na fegura prezente in tante culture che ła distribuise i regałi a i tozatełi, de sòłito ła sera de ła viziłia de Nadałe. Babo Nadałe el ze na fegura inportante de ła tradision nadałisia de ła siviltà osidentałe, oltra che in Amèrega, in Japon e in altre parte de l'Azia oriental.

Orìzene

Tute le version de'l Babo Nadałe de deso, ciamà Santa Claus inte i paezi angròfoni, łe vien sora de tuto da'l steso parsonajo stòrego: San Nicoła, véscovo de Myra (oncò Demre, sità situada inte ła Turchìa de deso), de'l cuałe par ezenpio A se dize che el ga catà e reportà in vita sincue bocia, rapìi e copài da un osto, e che par cuesto el jera considerà el protetor de i bocia. L'apeładivo Santa Claus el vien fora da Sinterklaas, nome ołandeze de San Nicoła.

Caza de Babo Nadałe

Ła caza tradisionałe de Babo Nadałe ła canbia drio łe tradision. Inte i Stati Unidi A se pensa che l'àbite a'l Poło Nord (situà par l'ocazion in Alaska) ma in Cànada el só łaboratorio el ze indegà inte'l Nord de'l paeze; in Europa ła ze pì difuza ła version finlandeze che ła ło còłoca inte un viłajo rente a ła ben pì granda sità finlandeze de Rovaniemi, in Łaponia, ezatamente inte'l Sìrcoło Połare Àrtego.