Venetus A

Venetus A l'é el nome pì conosest par al manoscrito de'l X sècoło d.C. cenjist inte ła Biblioteca nathionałe Marciana de Venethia co'l nome Codex Marcianus Graecus 454, ades 822.

Al Venetus A l'é el manoscrito pì conosest de l'Iliade de Omero, considherà da therti el scrito pì conpanjo a l'orizenałe de'l poema. In pì a'l scrito de l'Iliade, al Venetus A l'ha tanti livełi de anotathion, parołe comentadhe foreste a'l testo e mese par conto sóo ciamadhe Scholia A, co na sìnteze de'l Ciclo trojan che l'é ła fonte pì inportante rivàdane revardo i poemi èpeghi greghi persi. 

Contenjudo

Inte'l Venetus A A l'é rento:

• el testo integrałe de l'Iliade in grego antigo
• notathion che łe parla in maniera ciara, come demostrà da ła roba catadha inte altri papiri antighi, de i scriti da l'edithion de l'Iliade de Aristarco
• scipetin de ła Crestomazia de Eutichio Proclo, pì precizamente ła Vita di Omero e i riasunti de tuti i poemi de'l Ciclo trojan fora che i Cypria.
• do serie de scoli a l'Iliade:
  • i Scholia A traesti fora par a'l pì da l'òpera de Aristarco
  • i Scholia D, de difìthiłe interpretathion su cosa che Avol dir therte parołe
  • un nùmaro cien de scołi ezejèteghi.