Andrea Memmo

La statua de Andrea Memmo in Prà de la Vale a Padoa

Andrea Memmo (Venesia, 29 de marso 1729 - 27 de genaro 1793), patrisio venesian, fioło de Pietro e de Lucia Pisani, apartenente a una dełe cosidite fameje apostołiche: łe dodexe fameje de pì vecia nobiltà in Venesia.

El xe sta anbasador deła Republica a Roma, Bailo (anbasador preso ła Porta Otomana) a Costantinopołi, senador e Procuratore de San Marco (1785). El ga tentà anca de esare ełeto Doxe dopo ła morte de Paolo Renier, avegnua 'ntel febraro del 1787. El partito dei riformadori, che ło apoxava, el xe sta batù e a xe sta ełeto (9 de marso 1789) el candidato del partito conservador Lodovico Manin che el xe sta ł'ultimo Doxe de Venesia.

Ła cariera połitega ła ghe ga creà de grosi problemi economici in quanto, a ł'epoca, inponeva el sostenimento de spexe gravoxe in ocaxion de ł'asunsion de cariche inportanti. 'Ntel 1791, Pietro Zaguri el scriveva inte 'na łetara: Il Memmo non ha più barca, è ridotto a miseria. Ulteriore agravio a ghe gera derivà dała costitusion dełe doti par łe do fiołe Lucietta e Paolina, andae spoxe a du nobiłi venesiani.
A tal fine el gera sta costreto a consumare quanto a ghe restava del pur cospicuo patrimonio. Par costituire ła dota deła seconda, andà sposa a on Martinengo, el ga vendù ła so ultima proprietà: ło storego pałaso de S. Marcuola.

Insieme ai fradei Bernardo e Lorenzo el xe on pasionà seguace dełe idee nove, sia in arte che in połitega. El ga sostegnù diretamente ła riforma teatrałe del Goldoni el quałe el ga dedicà a Bernardo e Andrea ła comedia L'uomo di mondo (1750) orixinariamente rapresentà (1738) col titoło Momolo Cortesan non 'nte ła stexura definitiva scrita ma per la maggior parte all'improvviso come el ga precixà el Goldoni steso.

El xe sta in raporti de łonga amicisia con Giacomo Casanova che i xe durà ben oltre ła carcerasion de ł'aventuriero e ła sucesiva fuga.

El xe 'ndà a moroxa da Giustiniana Wynne e da sta rełasion a xe restà łe łetare.

El ga avù come precetore el frate francescan Carlo Lodoli che el ghe ga trasmeso ł'intarese par ł'architetura. I pensieri del maestro i xe sta rancurà inte on livro che Memmo el ga publicò a Roma, tanti ani dopo ła morte del Lodoli, avegnù 'ntel 1761. Ł'intarese no 'l xe sta soło culturałe in quanto Memmo el ga direto 'ntel 1775 ł'intervento che el ga portà al rixanamento de 'na zona aquitrinoxa de Padova, creando on contesto architetonico de notevołe respiro: el Prà deła Vałe.

Dopo ła morte avegnua 'ntel 1793, in seguito a 'na longa e dołoroxisima małatia, el xe sta sepełio 'nte ła cexa de Santa Maria dei Servi.

Opare

• Elementi di architettura Lodoliana, ossia l'arte di fabbricare con solidità scientifica e con eleganza non capricciosa. Roma 1786. Ł'opara ła ga avù 'na seconda edision cresùa e in do vołumi, a cura deła fioła Lucia Memmo, Zara 1833-34
• Apologhi, immaginati, e sol. estemporaneamente in voce esposti agli amici suoi dal fu Frà Carlo de' Conti Lodoli...., Basàn 1787
• La luna di agosto. Apologo postumo del P.Lodoli ...Dagli Elisj, l'anno dell'era di Proserpina 9999 M.V. (Basàn 1787), scrito con Melchiorre Cesarotti

Łivri

Generałe:

• G. Torcellan, Una figura della Venezia settecentesca: Andrea Memmo. Ricerche sulla crisi dell'aristocrazia veneziana, Istituto per la collaborazione culturale, Venezia-Roma 1963
• Oliver Domzalski, Politische Karrieren und Machtverteilung im Venezianischen Adel (1646-1797), Sigmaringen 1996, p. 61s
• Su Memmo architetto si veda il notevole studio di Susanna Pasquali (prg. 4 e seg.)

Epistolario con G. Casanova:

• Giacomo Casanova, Epistolario (1759 - 1798). Longanesi, 1969.
• Giacomo Casanova, Storia della mia vita, Mondadori 1965, (vol. VII).
• Pompeo Molmenti, Carteggi casanoviani, Vol.I, Palermo 1918.
• Pompeo Molmenti, Epistolari veneziani del sec. XVIII, Palermo 1914.

Epistolario con G. Perini

• Archivio di Stato di Firenze.

Epistolario con G. Wynne:

• Andrea di Robilant "Un amore veneziano", Miłan, Mondadori (2003).
• Nancy Isenberg "‘Mon cher frére': Eros mascherato nell'epistolario di Giustiniana Wynne a Andrea Memmo (1758-1760)", in Trame parentali/trame letterarie, a cura di M. Del Sapio, Napoli, Liguori (2000), pp. 251-265.

Documenti

Ato de morte

Li 27 gennaro 1792 (m.v.) S. Ecc.a Ser Andrea Memmo Kav.r e Procurator di San Marco fu di Ser Pietro d'anni 64 c.a. amalato da Gangrena nel piede destro mesi sei e più di malattia, morì heri ad ore 21. Medico Conigliano. Si sepelirà ogi alle ore 24. Capitolo San Geminiano. (Arch. de Stato, Provv. Sanità, Necrologio 1792).