Difarense intrà łe version de "Sołeta"
| [Version verifegà] | [Version verifegà] |
sistema simbolo e-o scrittura secondo le norme internazionali SI |
|||
| Riga 15: | Riga 15: | ||
Sta tecnica dess la è doperada solche inte i edifici che i à na strutura portante in aciaio. |
Sta tecnica dess la è doperada solche inte i edifici che i à na strutura portante in aciaio. |
||
La soleta in fer e maton la è tant [[elasticità|elastica]], la risent de i [[teremot]] e la pol trasferir fret inte 'l anbiente se na testa de 'l travet la è a contato co 'l esterno. |
La soleta in fer e maton la è tant [[elasticità|elastica]], la risent de i [[teremot]] e la pol trasferir fret inte 'l anbiente se na testa de 'l travet la è a contato co 'l esterno. |
||
Le è solete che de solito le à an spessor tra i 20 e i 30 |
Le è solete che de solito le à an spessor tra i 20 e i 30 cm. |
||
[[File:soleta_voltine_romana.JPG|200px|thumb|left|Soleta a "voltine a la romana" co i travet portanti de cimento.]] |
[[File:soleta_voltine_romana.JPG|200px|thumb|left|Soleta a "voltine a la romana" co i travet portanti de cimento.]] |
||
Version de le 21:16, 16 ago 2015
In ediłiẑia se costuma ciamar co la parola sołeta na strutura orizontal in material diverso da 'l legn in grado de trasferir i sforẑ (pi che sia quei in piei) a altre struture.
Na soleta la pol esser fata de cimento armà, de aciaio, de maton, o co altri materiai. Se la è fata de legn la se ciama sołer.
Evoluẑion tecnologica
La tecnica de far solete la è nassesta co 'l bisogn de diminuir al spessor che era necessario par far i soler e par er na ciusura orizontal che esse manco bisogn de manutenẑion, che no la ciapesse fogo e che la isolesse mejo da 'l rumor e da 'l calt.
Le solete de matoi
I romani, par far le solete, i doperea tant al legn fa le tecniche de costruẑion de 'l maton: par querder anbienti grandi se costumea far no an soler ma na cuba de matoi, che la gnea inpienida te 'l sora fin a far an pian de apogio par al livel sora o par al quert. Nonostante sto particolar, a na cuba no se pol ciamarghe soleta parchè sta ultima parola la se riferiss pi che sie a struture orizontai che che le descarga al peso te i mur laterai in direẑion vertical (la cuba e al arco i dà anca sforẑ orizontai) e che le laora par flession de i elementi (la cuba la laora par conpression e atrito tra i bloch doperadi).
Le solete de aciaio
Co la introduẑion de 'l fer prim, e de 'l aciaio pi tardi, se à svilupà la tecnica costrutiva de la soleta in fer e maton, costituida da travet de metal che i querde la luce pi curta de 'l vodo, e da matoi aposta, ciamadi taveloi, a querder la distanẑa fra i travet. De 'l '800 e fin a la prima metà de 'l '900 se usea far cubea bot par querder al vodo tra i travet: sta qua la è ciamada sołeta co voltine alla romana, parchè sta tecnica la è stata doperada tant a Roma (te 'n quel periodo, paraltro, in Italia se à fat su pi che sia a Roma, par colpa de 'l trasferimento de la capital co tuti i so ministeri e indoti). Sta tecnica dess la è doperada solche inte i edifici che i à na strutura portante in aciaio. La soleta in fer e maton la è tant elastica, la risent de i teremot e la pol trasferir fret inte 'l anbiente se na testa de 'l travet la è a contato co 'l esterno. Le è solete che de solito le à an spessor tra i 20 e i 30 cm.
La soleta de matoi e ciment
Ultimo in orden de tenp al è stat al svilupo de la soleta de metoi e ciment, fata in cimento armà e matoi. La è na tecnica costrutiva che se vet da spess, doperada inte la realizaẑion de senplici soler par comuni abitaẑion aonde che la strutura de cimento armà la se donta a elementi de inlidieriment de tera cota. Se trata de trau de cimento armà ("travet") metesti a na distanẑa de circa medo metro, e in meẑ a sti qua se ghe met elementi de teracota , tipo i matoi, ciamadi "pignate"; sora i travet e le pignate se geta la caldana de betume de 'n spessor minimo de 4 schei. Se fa na soleta metendo le pignate (no taveloi parchè no le partecipa in modo ativo da 'l punto de vista strutural) a file sora na armadura piana de legn; tra na fila e que 'l altra se ghe poja i fer e po se ghe tra al betume. Inte la tecnica costrutiva classica, al geto de betume che 'l costituiss i travet al è al stesso che costituiss an ca la soleta armada. La strutura de la soleta la è fenida cossì. Soreghe pol esser metest do al pavimento. Al svilupo de sta tecnica al è stat fort inte i ani, considerando al ingresso inte 'l marcà de travet prefabricadi autoportanti ciamadi "sap" (che i evita de er da far an unico gran pian de legn da doperar come armadura par al geto) e de diverse soluẑion par al inlidieriment de la soleta , tra le quale i novi materiai plastici (sfere, paralelepipedi) a 'l posto de 'l maton forà. Incoi la tecnica pi doperada, anca se la à subì tante trasformaẑion deograẑia de la evoluẑion de le tecniche de costruẑion, come i sap, le pignate de materiai innovativi, o anca vere e proprie solete prefabricade che à da esser postade in opera. Evoluẑion de sto tipo se solete le è le solete de cimento armà nervade e le solete fate na 'n unico geto de cimento, senẑa matoi frameẑ. La risent de 'l sovracargo, da' che la à na rotura desfrasile (la à poch preaviso prim de ceder), la è la soleta che resiste mejo a 'l incendio. La se conporta ben in caso de teremot (se fata polito) ma, se la subiss lesion, la va demolida e rifata su de novo, parchè tante olte no convien farghe consolidamenti. Te 'l marcà, dess come dess, se cata anca solete prefabricade che basta postarle in opera tramite sostegni provisori ciamadi "ronpitrata" o anca senẑa gnessun sostegno. Te 'n sto caso la soleta "autoportante" la à bisogn de poder esser pojada te i bordi par an pochi de ẑentimetri. Le solete cossì pojade e in seguito getade le sarà, na olta inmadurì al cimento, sbianchedade (par de sot) e pavimentade (te 'l sora). Ẑerte dite le fa anca solete belche sbianchedade te 'l de sot.
Tecniche de costruẑion
De solito a le solete, indipendentemente da 'l tipo de material doperà a farle, ghe gnen senpre dat na ẑerta panẑa in su in meẑ a la canpada, co 'l dopio scopo de pareciar al pian a 'l sforẑ de conpression e de remediar a 'l efeto de panẑa verso al bass dovest a ilusion otiche.