Uganda

Uganda

Jamhuri ya Uganda (sw) Republic of Uganda (en)
Bandiera Stema
Ino	Oh Uganda, Land of Beauty
Bomò	«For God and My Country» «kwa mungu na nchi yangu» «За Бог и страната ми»
Pozision
1°16′48″N 32°23′24″E
Continente	Africa
Capitałe	Kampala
Popołasion
Totałe	47 123 531 (2021) 47 123 531 (2021)/(2017)/(2014)/(2013)/(2012)/(2011)/(2010)/(2009)/(2008)/(2007)/(2006)/(2005)/(2004)/(2003)/(2002)/(2001)/(2000)/(1999)/(1998)/(1997)/(1996)/(1995)/(1994)/(1993)/(1992)/(1991)/(1990)/(1989)/(1988)/(1987)/(1986)/(1985)/(1984)/(1983)/(1982)/(1981)/(1980)/(1979)/(1978)/(1977)/(1976)/(1975)/(1974)/(1973)/(1972)/(1971)/(1970)/(1969)/(1968)/(1967)/(1966)/(1965)/(1964)/(1963)/(1962)/(1961)/(1960)
Densità	195,5 hab./km²
Demònemo	ugandezo, ugandezi, ugandeza, ugandeze
Idioma	inglezo suahili
Speransa de vita	59,889 (2016) 0,314 (2015)
Zeografia
Parte de	Africa Orientałe
Àrea	241 038 km²
Àcua	18,2 %
Ponto pì alto	Monte Stanley (5 109 m)
Ponto pì baso	Nilo Bianco (it) (621 m)
Rente a	Kenya   Tanzània   Sudan   Ruanda   Sud Sudan   Repùblega Democràtega del Congo Lago Vitoria
Prima mesion documentada	Uganda
Organizasion pułìtega
Forma de goerno	repùblega presidensiałe
Òrgano ezecutivo	Goerno de Uganda (en)
Òrgano lejislativo	Parlamento de Uganda
Presidente de l'Uganda	Yoweri Museveni (it) (29 de zenaro del 1986)
Primo Ministro de l'Uganda	Robinah Nabbanja (en) (zugno 1UTC 2021)
Ìndaze de Democrasia	4.94/10
Menbro de	Organizasion de łe Nasion Unìe, Commonwealth de łe nasion, Union Africana, Organizasion mondiałe del comerso, Organizasion de ła Confarensa Islàmega, Banca Internasionałe par ła Recostrusion e Desviłupo, Asociasion Internasionałe del Desviłupo, Corporasion Finansiària Internasionałe, Organismo Multilaterałe de Garansia dei Investimenti, Sentro Internasionałe de Regołamento de Difarense Rełasionae ai Investimenti, Banca Africana del Desviłupo, Stati de l’Àfrica, dei Caràibi e del Pasìfego, Interpol, Organizasion par ła Proibision de łe Arme Chìmeghe, UNESCO, Grupo de Oservasion de ła Tera, Union Postałe Universałe, Union Internasionałe de Tełecomunicasion, Organizasion Meteorołòzega Mondiałe, Organizasion mondiałe de ła sanità e Organizasion Mondiałe de łe Dogane
Economia
PIL nomenałe	40 510 241 366 $ (2021)
Persentuałe IVA	18 %
Ìndaze de desviłupamento oman	0,525  (2021 )
Moneda	siełin ugandeze
Banca sentrałe	Banca de Uganda
Taso de dezocupasion	4 %
Coefisente de Gini	42.7/100
Còdazi de identifegasion
ISO 3166-1	UG UGA 800
Còdaze de matricołasion	EAU
Fuzo oràrio	UTC+3 Àfrica/Kampala
Domìnio de primo liveło	.ug
Prefiso tełefònego	+256
Tełèfono d'emerzensa	911 (servìsio mèdego d'emerzensa) 112 (połisia, ponpieri) 999 (połisia, ponpieri)
Preza ełètrega	tipo G
Istòrego
← Uganda
Sito web	statehouse.go.ug

Ła Republica de ł'Uganda el xe on Stato (236 040 km², 28 195 754 abitanti, cavedal Kampala) de ł'Africa Orientałe.

Ła confina a nord col Sud Sudan, a est col Kenia, a sud co la Tanzania e el Ruanda e a ovest co ła Republica Democratica del Congo. La cavedal xe Kampala, che vol dir colina de le gazele.

Storia

Par savèrghene de pì, vardarse ła voxe Storia de l'Uganda.

I primi abitanti de l’Uganda xera i twa, on popolo de pigmei che xera presente in tuta l’Africa Centrale. I twa xe stà spinti a sud da le migrasioni bantu, a loro olta en contrasto co le migrasioni nilotiche. Dal XV secolo se forma i quatro regni del sud (Buganda, Toro, Bunyoro e Ankole). Al nord, le popolasioni de origine nilotica se organiza en entità teritoriali pi pecenine, a esclusion de i acholi che cuerzea n’area vasta tra Uganda e Sud Sudan de ancò.

Nel 1860 i esploratori inglexi John Hanning Speke e James Augustus Grant ie rivà fin a Jinja, doe el Nilo vien fora dal Lago Vittoria. Dopo de lori, i misionari anglicani e catolici riva a la corte del re de i baganda. Nel 1888, i inglexi gha proclamà el protettorato de l’Uganda, costruio la ferovia che da Mombasa colega Kampala e scominsià a sfrutar el paexe co le piantagioni de cafè e coton.

L’indipendenza la rivò el 9 otobre 1962. Le prime elezioni vegnea vinte da un catolico (Kiwanuka) ma la regina Elisabeta II de Inghiltera no gha reconosesto el voler popolar e gha imposto un primo ministro anglicano, Milton Obote. Nel 1966, Obote gha fato on colpo de stato, arestà el re de i baganda – che xera el presidente del paexe – e tolto e so posto. El capo de stato magiore de Obote – Idi Amin Dada – gha a so olta fato on colpo de stato nel 1971 e preso el poder a Kampala. Amin xe stà on ditator sanguinario, gha compa miliaia de persone, espulse la comunità axiatica – tuta gente che l’era nata en Uganda – espulse i misionari che difendea la zente e tacò guera co la Tanzania.

En tel 1979, la Tanzania gha invaso l’Uganda, e caturà la cavedal. Milton Obote fu rieleto presidente e na stagione de vendeta gha portà a la morrte de mezo milion de abitanti.

Nel genaro 1985, Obote gha subiò n’altro colpo de stato e, dopo altre traversie, Yoweri Kaguta Museveni gha conquistà la cavedal e sa promosso presidente. Nel 1987 Museveni gha caturà Alice Auma Lakwena, profetesa e fondatrice de l’Esercito de lo Spirito Santo. La Lakwena vegnea mandà in esilio en Kenya, e i ribeli a casa. Però, on cosino de la Lakwena – Joseph Kony – dopo esar scapà en Sudan, gha fondà el Esercito de Libarasion de el Signore (LRA), poi ribatezà Esercito de la Resistenza de el Signore.

Konyi volea prendar el poter, ricostruire el regno de i acholi e governar co i Diexe Comandamenti. L’LRA gha copà sopratuto zente de la tribù acholi, sequestrà buteleti, costreto le putine a servir i soldai e far da mojere, insegnà a i puteleti a torturar la zente, e altri abusi de i diriti umani. El governo no gha mai fato tanto par fermar sta guera civil che la xe ndà vanti par 18 ani. A la fin del 2006, Museveni gha tentà de rivar a n’acordo de pace, che parò no l’è stà ancora firmà. I coloqui de pace va avanti a Juba, nel Sud Sudan.

Museveni l’è stà rieleto nel 1996, 2001, e 2006. L’oposision guidà da Kizza Besigye no gha riconosù il risultato de le ultime elezioni. Besigye l’è stà arestà co de le acuse false e no gha poduo combatar a armi pari.

Economia

L'Uganda gha na tera fertile, a ecesion de el Karamoja, semi desertico. L'agricoltura produse anca par l'esportasion (cafè, coton, bagigi, fruta tropicale). Ghe boni giacimenti de rame e cobalto. Ghe giacimenti petroliferi soto el Lago Alberto.

Giografia

Par savèrghene de pì, vardarse ła voxe Giografia de l'Uganda.

Tuto el paexe xe dentro el bacin acquifero del Nilo. El Nilo scomincia a Jinja, en tel nord del Lago Vitoria. El sud del paexe xe colinoso, el centro l'è trasversà da fiumi e caraterizà da laghi, come el łago Kyoga e l'Alberto. El nord est, distreto del Karamoja, xe desertico. En Uganda ghe alte montagne, masicio del Rwenzori, el monte Elgon e l'acrocoro del Karam.

Popolasion

I bantu se cata al sud (baganda 12%, ankole 8%, basoga 8%, bakiga 7%, bagisu 6%, batoro 4%, banyoro 3%, bagwere 2%, bakonjo 1%). I nilotici xe al nord (iteso 8%, lango 7%, acholi 5%, alur 3%, karamojong 2%). I sudanici se cata nel nord ovest (logbara 4%, kakwa, madi).

Le lengoe uficiali xe l’inglexe e el swahili. La zente la parla le lengoe locali. Le pi importante xe el luganda che se parla ne la cavedal.

Religione

Quasi tuta la popolasion xe de religione cristiana (Catoleghi 45%, protestanti 35%). I musulmani xe poco manco de el 10%. El resto segue le religioni tradisionali. Tuto el nord de l’Uganda xera stà afidà a i misionari comboniani de Verona. I misionari gha laorà sia par l’evangelizasion che par costruir le infrastrutre del paexe (scole, ospedali, strade). Quasi tuti i studi so le lengoe, le culture e la storia del nord Uganda xe stà fati da misionari.