Leva

La leva la xe na machina semplice che te juta a fare dei movimenti. La xe fata de do brazi, solidali tra de lori (cioè che i zira col stesso angolo e la stessa velosità angolare) incernierà a un fulcro intorno al quale i xe lìbari de zirar.

Tipi de leve

In base al raporto tra forsa resistente e forsa aplicà (o potensa), le leve le se distingue in:

• svantagiose: se la forsa aplicà richiesta la xe pi granda de la forsa resistente, cioè se el brazo-resistensa el xe pi longo del brazo-potensa (b_p / b_r < 1);
• indiferenti: se la forsa aplicà richiesta la xe conpagna a la forsa resistente, cioè se el brazo-resistensa el xe conpagno del brazo-potenza (b_p / b_r = 1);
• vantagiose: se la forsa aplicà richiesta la xe pi picenina de la forsa resistente, cioè se el brazo-resistensa el xe pi curto del brazo-potensa (b_p / b_r > 1);

In base a la posission reciproca del fulcro e de le forse le leve le se distingue in:

• leve de primo gènare: el fulcro el xe in mezo tra le do forse; le pole èssar vantagiose, svantagiose o indiferenti;

150px|center

• leve de secondo gènare: la forsa resistente la xe in mezo tra fulcro e forsa applicà; le xe senpre vantagiose;

150px|center

• leve de terso gènare: la forsa aplicà la xe in mezo tra fulcro e forsa resistente; le xe senpre svantagiose.

150px|center