Difarense intrà łe version de "Maghreb"

Da Wikipedia, l'ençiclopedia libara.
[Revixion njiancora controłà][Revixion njiancora controłà]
Contenuto cancellato Contenuto aggiunto
stato —> Stato come unità politica
EmausBot (discusion | contribusion)
p r2.7.2+) (Robot: Xonto rue:Маґреб
Riga 111: Riga 111:
[[ro:Maghreb]]
[[ro:Maghreb]]
[[ru:Магриб]]
[[ru:Магриб]]
[[rue:Маґреб]]
[[scn:Maghreb]]
[[scn:Maghreb]]
[[sh:Magreb]]
[[sh:Magreb]]

Version de le 23:36, 26 dis 2012

El Magreb, ła parte oxidentałe de el mondo àrabo

El Maghreb (المغرب العربي al-Maġrib al-ʿArabī – che vol dir (el posto) del tramonto; l’ovest – la xe na rejon en tel nord de l’Africa che la va dal Maroco a l’Egito. Par i arabi, el Maghreb el xe solo che la fasia costiera de Maroco, Algeria e Tunisia. L’Egito nol xe normalmente considerà parte del Maghreb, anca se ancò el xe sempre pi speso presente en te i incontri intrnazionali del Maghreb. A livel storego, l’Andalusia, la Sicilia e Malta, le fasea parte del Maghreb, anca se ancò nisuni i le considera tali. El Maghreb el xe separà dal resto del continente da le cadene de montagne, el grupo de i Atlas, che divide la costa – fertile, co acqua e a clima mediteraneo – da l’interno – desertico e seco. La popolazion la xe simile en te la cultura e lengua. Bisogna parò sotolinear che la popolazion originale, i berberi, i xe drio recuperar la loro cultura, separà da quela arabo-islamica predominante.

El Magherb el xe senpre stà en comunicazion co l’Europa e co le popolazioni del Sahel. La rejon la ga vu na continuità politega solo en che i primi secoli de dominaxion araba. En tel 1989, Maroco, Algeria, Tunisia, Libia e Mauritania i ga fondà la Union Araba del Maghreb (Arab Maghreb Union) par laorar mejo par el svilupo de la rejon.

Popolazion

Algieri

Se en tel pasà la popolazion del Maghreb la se se considerava araba, ancò tanti i dixe de esar berberi. La riscoperta de la cultura, lengoa e tradizion berbera la ga portà al la presion popolare parché i govreni i riconosa la raixa berbera de sti Stati. Altri grupi i xe de origine eoropea – francexi, italiani e spagnoli.

Tunisi de note.

La comunità ebraica la ga senpre vu n’inportanza en tel Mahgreb. I ebrei ise pol dividare en do grupi: le comunità nordafricane vecie, co la comunità ebraica berbera en primo piano, e la comunità sefardica – de origine spagnola – che la xe vegnuda da la Spagna en tel 1492, co che la regina Isabela la ga parà fora tuti i ebrei. I sefardici i se sa stabilio piassé en Maroco, ma anca en te i altri paexi. La majoranza de i ebrei la ga lasà el Maghreb e la xe ndà en Francia o en Israele.


En tel Maghreb se cata anca zente de origine africana subsahariana. I xe i disendenti de i sciavi o de i marcanti del Sahel che i se ga fermà so la costa.

Religione

Tuta la costa del nordafrica la xe stà colonixà en tel pasato da fenici, greci e romani e la zente la seguia le religioni de i colonizatori. El cristianesimo el xe rivà za en tel primo secolo e el se ga stabilio co forza en tel secondo secolo. Tanti d ei misionari che i ga evangelizà l’Eoropa i xera preti e vecsodi del Maghreb. Se pol ricordar San Zen de Verona – chel vegnea da la Mauritania (region che la xera nel sud del Maroco), e San Vigilio, (probabilmente tunixino) che i ga laorà a Verona e en te la val de l’Adexe. Tra i cristiani maghrebini famoxi se ricorda Tertuliano (155 – 202), San Cipriano de Cartagine (+258), Santa Monica e so fiol Sant’Agostino (+430) e Santa Giulia (V secolo).

El cristianeximo el ga lasà el posto a l’Islam en tel 647, co i arabi i xe rivà so le coste de l’Africa. Ma no se pol parlar de on canbiamento da note e dì. Diocexi catoleghe le xe ndà vanti fin a la fine del X secolo. El Papa Benedeto VII (974-983) el ga consacrà on vescovo de Cartagine, che vol dir che ghe xera ancora on bon numaro de cristiani.

Islam

Co l’arivo de i arabi, l’Islam el ga cominzià a cipar el sopravento. Anca se el Islam che predomina el xe sunita, la cultura berbera la ga inposto de i canbiamenti. Tipco del Maghreb la xe la devosion par i marabuti, de i santoni musulmani. Anca el sufismo, che i altri musulmani i condiera eretico, el ga el so posto.

Ecosistemi

La prima divixion del Magheb al se pol far secondo el clima. Al nord e longo la costa se cata el clima mediteraneo, a sud e lontan da la costa se ga el clima desertico. En te la zona mediteranea se cata la vegetasion simile a quela del sud Eoropa, co el limite de i olivi (Olea europea) poco rentro la costa e a le pendici de i monti Atlas. I soto ecosistemi pi inportanti i xe:

  • zone boschive ad acacie e machia cedua (Maroco, Sahara Ocidentale)
  • zone a stepa mediteranea (Algeria, Egito, Libia, Maroco, Tunisia)
  • zone a foresta mediteranea (Algeria, Libia, Maroco, Tunisia)
  • zone a conifere marine (Algeria, Maroco, Tunisia)
  • zone stepose a ginepro (Maroco)

La zona desertica la se cata subito soto le cadene montagnose de l’Atlas, dal Mar Roso a l’Oceano Atlantego. La parte setentrionale la ga poca piova, ma suficente par far cresar piante cedue e licheni. Se cata palme da dateri e na serie de vegetali che i crese solo che qi. El xe inportante ricordar le depresioni saline che le ospita piante alopitiche (bituà a vivar en tel sale) che se cata en tel sentro de la Tunisia.

Teritori moderni del Maghreb




Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Maghreb&oldid=500762"