Doze de ła Repùblega de Venèsia

Doxe de Venessia, XVI secolo

El Doxe (itał. Doge) el xera ła màsima carica de governo de ła Serenisima Republica de Venessia. No'l gavéa mìa el potere de un principe o de un re, ma l'era pitosto un "primus inter pares". Ła só funsion ła xera più che altro queła de raprexentante uficiałe de Venessia in te łe cerimonie pùbliche e in te łe relassion diplomateghe coi altri Stati (in pratica el gavéa un conpito che ghe someja un póco a queło del moderno Presidente de ła Republica).

Tiziano, Ritrato del Doxe Andrea Griti (1540)

I grandi doxi de ła Republica

Nei miłe e sento ani de existensa de l'istitussion dogałe a Venessia ghe xe stà in tuto 120 doxi. Tra sti qua ghe ne xe serti che i merita particołarmente de èsar ricordà, o par quel che i gà fato o par quel che xe suceso durante el so dogado:

• Paoluccio Anafesto, primo duca bizantin de ła Venetia maritima;
• Orso Ipato, che gà invià el proceso de indipendensa da Costantinopołi;
• Teodato Ipato, primo doxe di na Venetia indipendente, pienamente libera de sieliarse el proprio capo;
• Angelo Partecipazio, che'l gà portà ła cavedal dogałe in teła çità de Venesia;
• Giustiniano Partecipazio: durante el so dogado xe riva in çità łe spòlie de l'evangelista Marco, e xe scominsià l'indissolubiłe ligame tra el santo e ła çità.
• Pietro II Orseolo, che sotometendo ła Dalmazia el gà dato inissio al dominio veneto su l'Adriatico;
• Sebastiano Ziani: con lu xe stà firmà in San Marco ła pase tra Federico Barbarossa, papa Alessandro III e i comuni de ła Liga Lonbarda;
• Enrico Dandolo, che a otant'ani el gà portà Venesia al dominio su l'Oriente bizantin, fondando el Stato da Mar;
• Pietro Gradenigo, sotto il cui dogado si affermò la definitiva forma oligarchica dello Stato con la Serrata del Maggior Consiglio;
• Marin Falier, che el volea trasformar ła Republica in na Siniorìa, e par questo i ga tajà ła testa;
• Michele Morosini, che gà visù l'asedio de ła çità durante ła guera de Cioxa contro ła Republica de Genoa;
• Tommaso Mocenigo, che gà sercà de frenar l'espansionismo venesian in teraferma;
• Francesco Foscari, che invesse el xe stà l'artefice de ła conquista dei Domini de Teraferma;
• Leonardo Loredan, soto el qual Venessia ła ga tegnù bota a ła coałission de l'intera Europa contro de eła, ła Liga de Cambrai;
• Francesco Morosini el Peloponnexìaco, che el gà otegnù le ultime grande vitorie venesiane contro i Turchi, riconquistando ła Morea;
• Lodovico Manin, ultimo doxe de Venesia, che el gà deposto łe insegne insieme al Major Consejo nel 1797, metendoghe fine ała storia miłenaria de Venessia indipendente.

Varda anca

• Ełenco dei Doxi de ła Republica de Venessia