Difarense intrà łe version de "Giuseppe Garibaldi"

Da Wikipedia, l'ençiclopedia libara.
Navega in tel istorego in manjiera interativa
(Varda tute łe modifeghe che speta ła revixion)
[Revixion njiancora controłà][Revixion njiancora controłà]
← Difarensa pì vèciaDifarensa pì nova →
Contenuto cancellato Contenuto aggiunto
VixuałeWikitesto
Thijs!bot (discusion | contribusion)
Bot
9 647 modifiche
Riga 570: Riga 570:
[[sv:Giuseppe Garibaldi]]
[[sv:Giuseppe Garibaldi]]
[[ta:கரிபால்டி]]
[[ta:கரிபால்டி]]
[[te:గిసేప్పి గరిబాల్ది]]
[[tl:Giuseppe Garibaldi]]
[[tl:Giuseppe Garibaldi]]
[[tr:Giuseppe Garibaldi]]
[[tr:Giuseppe Garibaldi]]

Version de le 21:29, 12 xug 2012

(VEC)
«Obediso!»
— Giuseppe Garibaldi
(VEC)
«Omo in tuta ł'acesion sublime del termine»
— Victor Hugo


Giuseppe Garibaldi

Giuseppe Garibaldi (Niza, 4 de lujo 1807 – Ixoła de Caprera, 2 de giugno 1882) xe stà un [[generałe (exercito) |generałe]], [[condotiero |condotiero]] e [[patriota |patriota]] [[Itàłia |itałian]].


El xe considerà una dełe figure fondamentałi del Risorgimento italian, el ga personalmente condoto e conbatù in parece dełe canpagne miłitari che łe ga portà ała formasion de ł'Itałia unìa; el xe noto anca con ł'apełativo de eroe dei du mondi, par łe so inprexe miłitari compiue sia in Sud America che in Eoropa.

Adołesensa

Garibaldi el xe nato a Niza quando sta sità ła faxeva parte del Primo Inpero. Tornà al Regno de Sardegna dopo el Congreso de Viena (1815) ła xe restà soto el governo dei Savoia fin al 1860. El gra el secondoxenito de Domenico, capitan de cabotajo imigrà da Chiavari, e Rosa Raimondi, orixinaria de Loano. Angelo el gera el nome de so fradeo major, mentre dopo Giuseppe a xe nati altri du mas'ci, Michele e Felice, e do putine, morte picinine.

I xenidori i gavarìa vołù aviar Giuseppe ała cariera de avocato, de dotor o de prete. Ma al fioło a ghe piaxeva poco studiar e el preferiva i exercisi fixeghi e ła vita de mar esendo, come łu steso el ga dito, «pì amigo deło spaso che deło studio». Vedendose ostacołà dal pare 'nte ła so vocasion marinara, eò ga tentà de scapar par mar verso Genoa co alcuni conpagni, ma el xe sta fermà e ricondoto a caxa. Tutavia el se ga apasionà a ł'insegnamento dei so primi precetori, soratuto del sior Arena, on reduce dełe canpagne napołeoniche, che el ghe ga inpartìo lesioni d'itałian e de storia antica. El xe restà soratuto afasinà da ł'antica Roma.

Convinto so pare a łasarlo 'ndar drio a ła so cariera maritima a Genoa, el xe sta iscritto 'ntel registro dei mozi 'ntel 1821. A sedexe ani, 'ntel 1824, el xe ga inbarcà so ła Costanza comandà da Angelo Pesante de Sanremo, che el gavarìa in seguito descrito come «el mejo capitan de mar». 'Ntel so primo viajo el se ga spinto a Odessa 'ntel mar Nero e fin a Taganrog 'ntel mar d'Azov (entrambe ex cołonie genovesi). Ł'ano sucesivo, col pare, el se ga direto a Roma co on carico de vin, per ł'aprovigionamento dei pełegrini vegnui par el Giubileo indito da papa Leone XII.

Sui mari d'Eoropa

Giuseppe Garibaldi da xovane

'Ntel 1827 el ga salpà da Niza co ła Cortese par el mar Nero, ma el bastimento el xe sta asałio dai corsari turchi che i ga depredà ła nave, robando perfin i vestiti dei marinai. El viajo comunque el xe continuà e 'nte ł'agosto del 1828, el xe sbarcà dała Cortese a Costantinopołi, dove el sarìa restà fin al 1832 a causa deła guera turco-rusa, e el se ga integrà 'nte ła comunità italiana. Secondo łe ricerche fate dała so bisneoda direta Annita Garibaldi[1], probabilmente el ga frequentà ła caxa de Calosso - comandante deła cavałeria del Sultano col nome de Rustem Bey - e ł'anbiente dei genovexi che storicamente i gera insedià 'ntel quartiere de Galata (Pera), e el se guadagnava da vivere insegnando italian, fransexe e matematega.

'Ntel febraro del 1832 a ghe xe sta riłasà ła patente de capitan de seconda clase e subito dopo el se ga reimbarcò co' ła Clorinda par el mar Nero. Ancora 'na volta ła nave ła xe sta ciapà de mira dai corsari, ma stavolta ł'equipajo el ga risposto ai agresori a fuxiłade. Garibaldi el xe sta ferìio a na man, el garìa ricordà sta scaramucia come el so primo conbatimento.

Dopo 13 mesi de navigasion el xe ritornà a Niza, ma subito, 'ntel marso 1833, el xe ripartìo par Costantinopołi. A ł'equipajo a se ga zontà tredexe pasejeri fransexi seguaci de Henri de Saint-Simon che i andava in exiłio 'nte ła cavedal Otomana. El so capo el gera Emile Barrault, on profesor de retorica che ł'esponeva łe idee sansimoniane a ł'equipajo.

Garibaldi, che el gaveva ałora vintisiè ani, el xe sta parecio influensà dał so parołe ma Anita Garibaldi ła ipotisa che no pare inprobabiłe che quełe idee no łe ghe fuse del tuto nove, fin da quando el gaveva sojornà 'nte ł'Inpero otoman, łogo presilto da tanti profughi połiteghi de ł'Eoropa e percorso da fremiti de autonomia e de łibertà[2].

Po' el bastimento el ga sbarcà i fransexi a Costantinopołi e el ga proseguio par Taganrog. Chi inte 'na ostaria, mentre a se discoreva, on omo dito el Credente[3] el esponeva łe le idee maziniane.

A Giuseppe łe texi de Giuseppe Mazzini łe pareva ła direta conseguenza dełe idee de Barrault, 'nte ła łota par ł'Unità d'Italia.


Da marinaio a bandito

Giuseppe Garibaldi el ga incontrà Giuseppe Mazzini 'ntel 1833 a Łondra, dove st'ultimo el gera in exilio e subito el se ga iscrito subito ała Giovine Italia, on'asociasion połitega segreta con ło scopo de trasformare ł'Itałia inte 'na republica democratica unitaria.

Garibaldi el xe po' entrà 'nte ła Marina Sabauda par fare propaganda rivołusionaria.

Insieme a ł'amigo Edoardo Mutru el ga sercà a bordo e a tera de fare proxełiti ała cauxa, esponendose con legeresa. I du i xe sta segnałà ała połisia e sorvejà, e par questo i xe sta trasferìi so ła fregata Conte de Geneys in partensa par el Braxil.

'Ntel fratenpo a se gera stabiłìo che ł'11 de febraro 1834 a ghe saria sta on'insuresion popołare in Piemonte. Garibaldi el ga sercà de metarse in contato co i mazziniani; ma el fałimento deła rivolta in Savoia e ł'ałerta de exercito e połisia i ga gato fałire tuto.

Indicà come uno dei capi deła cospirasion, Garibaldi el xe sta condanà ała pena de morte ignominioxa in contumacia in quanto nemigo deła Patria e deło Stato.

Garibaldi el xe diventà cusì on "bandito": el se ga rifugià prima a Niza e po el ga varcà el confine rivando a Marsiglia, ospite de ł'amigo Giuseppe Pares. Par non destare sospeti el se ga meso el nome fitisio de Joseph Pane e a lujo el se ga inbarcà ała volta del mar Nero, mentre 'ntel marso del 1835 el xe sta in Tunixia, restando tutavia in contato con i maziniani.

Garibaldi el ga decixo quindi de partir ała volta del Sud America con ł'intension de propagandare i ideałi maziniani. Ł'8 de setenbre 1835 el xe partìo da Marsiglia sol brigantin Nautonnier.

Exilio in Sud America

Tra el diçenbre 1835 e el 1848 Garibaldi el ga trascorso on łongo exiłio in Sud America. Prima a Rio de Janeiro, acolto dała picoła comunità de itałiani aderenti ała Giovine Italia.

Po, el 4 de majo 1837, el ga otegnù 'na 'patente de corsa' dal governo del Rio Grande do Sul, ribełe a ł'autorità de ł'Inpero del Braxil, e el ga ciapà a sfidar on impero col suo pescheregio, batezà Mazzini.

Dopo tanti epixodi, incluxa 'na fuga in Uruguay, e po' a Gualeguay, in Argentina, el ga ciapà parte ałe so prime bataje terestri. Ł'11 de apriłe 1838 el ga respinto on intiero batajon de ł'exercito inperiałe braxilian (bataja del Galpon de Xarqueada). El ga partecipò, quindi, ała canpagna che ga portà ała prexa de Laguna, cavedal deła visina provincia de Santa Catarina, el 25 de lujo 1839.

El 15 de novenbre ł'exercito inperial el ga riconquistà ła sità, e i republicani i xe scapà 'nte i altipiani, dove ca ghe xe sta bataje con fortune alterne. In particołare Garibaldi el xe sta inpegnà par ła prima volta inte on conbatimento esclusivamente terestre, 'nte i presi di Forquillas: el ga atacà co i so marinai el nemigo e ło ga costretto ała ritirata.

Batù ła rebelion separatista, 'ntel 1842 Garibaldi el xe riparà in Uruguay, dove el ga comandà ła flota uruguaiana inte 'na bataja naval contro i argentini e el ga partecipà quindi ała difexa de Montevideo co i so vołontari, tui vestìi co camixe rosse. Chi el ga maridà 'ntel 1842 Ana Maria de Jesus Ribeiro. El ga avù da eła quatro fiołi, ma una ła xe morta par el vajoło.

El xe rientrà in Itałia poco dopo ło scopio dełla prima guera de indipendensa.

Prima guera d'indipendensa

Tornà in Eoropa 'ntel 1848 par partesipar ała prima guera de indipendensa contro i austriaci, dopo esar sbarcà a Niza co' Anita, i tre fiołi e i conpagni, Garibaldi el xe 'ndà el 5 de lujo a Roverbeła, visin a Mantova, par ofrirse vołontario al re Carlo Alberto che no ło ga vołù.
El ga partesipà comunque ała guera come vołontario al servisio del governo provisorio de Miłàn. Co' ła Łegion che gaveva organizà el ga otegnuo du sucesi tateghi picinini, sui Austriaci del d'Aspre, a Luino e Morazzone.

Republica Romana

1849, Dopo ła fine deła Republica Romana Giuseppe Garibaldi e Anita Garibaldi in fuga, i ga catà rifujo a San Marin

Dopo ła sconfita piemontexe de Novara (22-23 de marso 1849), Garibaldi el ga partecipà ai conbatimenti in difexa deła Republica Romana, minacià dałe trupe fransexi e napołetane che łe difendeva i intaresi del papa Pio IX.

Fuga da Roma e morte de Anita

Dopo che Roma ła gera cascà, Giuseppe Garibaldi el ga łasà ła sità con ł'intension de rivare a Venesia dove a rexisteva ancora ła Republica de San Marco. Inseguìo, ancora 'na volta, dałe trupe del tenente-feldmaresiało d'Aspre, che el comandava el corpo de ocupasion austriaco in Toscana, el ga perso anca so mujer Anita che, in stato de gravidanza e straca, ła xe morta par mancansa de cure 'nte łe pałù de Comacio.
Con 'na fuga aventuroxa el xe riusìo a scapare ała catura, 'rivando fin in Łiguria, 'ntel Regno de Sardegna. Chi el xe sta invità a non fermarse e inbarcà par ła Tunixia, po' par Tangeri. Pasài lì alcuni mexi, el se ga trasferìo a New York (1850) dove el ga laorà 'nte ła fabrica de candełe de Antonio Meucci. Dopodeché el se ga portà anca in Perù par catar un ingajo come capitan de mare.

Rientro in Itałia e seconda guera d'indipendensa

Giuseppe Garibaldi

Garibaldi el xe tornà in Itałia 'ntel 1854. El ga conprà metà de ł'ixoła de Caprera metendose a far l'agricoltore.

Sinque anni dopo el ga partecipà ała seconda guera de indipendensa guidando, inte 'na briłante canpagna, i Cacciatori delle Alpi contro i austriaci 'nte ła Łonbardia setentrionałe.


Da Quarto al Volturno

'Ntel 1860 Garibaldi el ga organizà 'na spedision par conquistar el Regno dełe Do Siciłie (ła Spedision dei Miłe). Sunà su on corpo de spedision de miłe omeni, łe Camixe Rosse, Garibaldi el xe rivà in Sicilia, sbarcando 'ntel porto de Marsala, el se ga proclamà ditator deła Siciłia in nome de Vitorio Emanuełe II, ciamandoło 're d'Itałia'[4].
El 13 de majo, rinforsà da xentenara de vołontari, el ga batù i borbonici a Calatafimi. Dopo 'na aventuroxa marcia tuto intorno a Pałermo, el 27 de majo el ga dà ł'asalto ała sità.

Vinta ła rexistensa de ła piazaforte de Miłazo, Garibaldi, e soratuto el so łogotenente Nino Bixio, i se ga rexi protagonisti de una strage a Bronte [5]. El 20 de lujo, a xe sta patuia 'na łonga tregua co ła guarnijon de Messina, che ła acetava de non infastidir i vołontari, a condision de mantegnere el controło deła citadeła.

El 19 de agosto ła trupa ła xe sbarcà in Calavria a Melito. Ła ga girà e ła ga batù i borbonici a Regio Całavria el 21 de agosto. A xe tacà 'na rapida marcia verso nord, che ła xe finìa, el 7 de setenbre, con ł'ingreso in Napułi. Ła cavedal ła gera sta abandonà dal re Francesco II, che el gaveva portà ł'exercito a nord del fiume Volturno. Ła bataja del Volturno ła xe sta ła mejo de quełe conbatue da Garibaldi inte sta canpagna: ł'1-2 de otobre łe forse garibaldine łe ga respinto ben ł'ataco de ł'exercito borbonico, riorganizà a nord de Napułi da Francesco II, dopo i sbandamenti sucesivi a ła Miłazo.

Anca se Francesco II el gaveva perso łe speranze di recuperare Napułi, Garibaldi no 'l disponeva dełe forse necesarie a condure ł'asedio dełe forteze indove ł'exercito sconfito el se gera ritirà (Capua e, soratuto, Gaeta). A xe sta quindi risołutivo ł'arivo de ł'exercito del Regno de Sardegna, guidà da Manfredo Fanti e da Enrico Cialdini.

Garibaldi el ga incontrà Vitorio Emanuełe II el 26 de otobre 1860, visin a Teano (in realtà łocałità Taverna della Catena, 'ntel comune de Vairano Patenora) e el ghe ga consegnà ła sovranità sol Regno dełe Do Siciłie. Garibaldi el ga aconpagnà po el re a Napołi el 7 de novenbre e, el dì dopo, el xe partìo par Caprera, rifiutando de acetar qualsiasi riconpensa par i so servisi.

Par Roma łibera

Par ł'intiera existenza Garibaldi el ga sercà in tuti i modi de ocupare Roma e de łiberarla dal potere tenporałe, parando via el papa.

Garibaldi el gaveva, in ogni caso, otegnuo on incredibiłe suceso, e so che ł'onda, 'ntel 1862, el ga organizà 'na nova spedision: el se ga inbarcà a Caprera par andar a Pałermo indove el xe sta acolto dal tripudio popołare. El ga traversà indisturbà ła Siciłia sunando su vołontari e el xe pasà ło Streto.

Napoleon III, ł'unico ałeato del neonato Regno d'Itałia, el gaveva meso Roma soto ła propria protesion e el tentativo el gera, quindi, destinà a fałire e el governo itałian no 'l ga podesto far altro che mandarghe contro l'exercito in Całabria.

Garibaldi, probabilmente, el cuntava sol proprio prestijo per avanzar indisturbà, sertamente el ga sercà de evitare ło scontro, pasando de sconton par ł'Aspromonte. Ma el xe sta comunque intercetà, i bersaglieri i ga verto el fogo ciapandoło a ł'anca e al piè sinistro[6]. Arestà, el 2 de setenbre Garibaldi el xe sta trasportà a La Spezia e sarà 'ntel carcere del Varignano. El 20 de novenbre Garibaldi el xe sta trasportà a Pixa dove el xe sta vixità dal professor Paolo Tassinari e el 23 el profesor Ferdinando Zannetti ło ga operà per tirar fora ła bała del fuxil.

Che el tentativo del 1862 el fuse vełeitario, i ło ga provà i sucesivi eventi del 1867. Garibaldi el ga organizà 'na tersa spedisione so Roma, partia stavolta da Terni, ai confini co' ło Stato Pontificio: el ga ciapà ła piazaforte pontificia de Monterotondo, ma no 'l xe riusìo a susitar ła rivołuzion a Roma e el xe sta batù dałe trupe del papa e dai rinforsi dotai de novi fuxiłi automateghi mandà da Napoleon III ała bataja de Mentana.

Tersa guera d'indipendensa

El tełegrama de Garibaldi

Quando ca xe tacà ła Tersa guera de indipendensa itałiana a xe sta riorganizà el corpo vołontario denominà Corpo Volontari Italiani, ancora 'na volta al comando de Garibaldi. Anche ła mision ła gera simiłe a queła condota fra i łaghi łonbardi 'ntel 1848 e 'ntel 1859: agire inte 'na zona de operasion secondaria, łe prealpi tra Bresia e el Trentin, a ovest del Lago de Garda, con ł'inportante obietivo strategico de tajar ła via fra el Tiroło e ła forteza austriaca de Verona. Ciò el gavarìa łasà ai Austriaci ła soła via de Tarvixio par aprovigionare łe proprie forse e forteze fra Mantova e Udine. Ł'asion strategica prinsipałe ła gera, invese, afidà ai du grandi exerciti de pianura, afidà a La Marmora e a Cialdini.

Garibaldi el ga operà inisialmente a coertura de Bresia, par po pasar decixamente a ł'ofensiva a Ponte Caffaro el 25 de giugno, el 3 de lujo a Monte Suello el ga costreto al ripiegamento i austriaci, ma el ga riportà 'na ferìa ała cosìa par on maldestro colpo partìo a on so vołontario. El se ga verto, co ła vitoria 'nte ła bataja de Bezzecca e Cimego del 21 de lujo, ła strada verso Riva del Garda e quindi ł'iminente ocupasion de Trento. Salvo esare fermà dała firma de ł'armistisio de Cormons. In st'ocaxion, avua ła notisia de ł'armistisio e ł'ordine de abandonare el teritorio ocupà, el ga risposto tełegraficamente "Obediso", paroła che sucesivamente ła xe diventà moto del Rixorgimento italian e sinboło deła disiplina e dedision de Garibaldi.

In Fransa

Durante ła guerra franco-prussiana del 1870-1871, Garibaldi el ga guidà on exercito de vołontari a sostegno de ł'exercito deła nova Fransa republicana (bataja de Digione). Dopo ła rexa fransexe, 'ntel 1871 Garibaldi el xe sta ełeto deputato ała nova Asenblea Nasionałe fransexe 'nte łe łiste dei republicani radicałi come deputato deła Côte-d'Or, Paris, Algeri e, naturalmente, Niza: sta quadruplice ełesion ła xe sta, tutavia, invałidà da ł'Asenblea.

Ciò el xe avegnù uficialmente a causa dełe so poxision contrarie ała anesion de Niza ała Fransa, pì reałisticamente par paura deła so popołarità de eroe "sociałista": ła stesa asenblea, d'altra parte, ła se sarìa presto ocupà deła represion deła Comune de Parigi. Ł'ategiamento deła Asenblea verso Garibaldi, el ga spinto ałe dimision un deputato del całibro de Victor Hugo.

Morte

'Ntel 1880 el ga sposà ła piemontexe Francesca Armosino, dona de umiłi orixini e so conpagna da 14 ani e dała quałe el ga avù tre fiołi; de cui una, Rosita, morta picinina. Ła so ultima canpagna ła xe sta połitega, e ła riguardava ł'ałargamento del dirito de voto.

El se gera auto-exiłià a Caprera dove el 2 de giugno 1882 el xe morto. 'Ntel testamento Garibaldi el domandava espresamente de esare cremà. Dexiderio dixateso dała fameja, pare presà da Francesco Crispi, che ła ga preferìo, adiritura, farlo inbalsamare.

Cronologia

Garibaldi in Fransa el gera soranominà "El leon deła łibertà"
Targa dedicà a Garibaldi in Via Nomentana, angoło Via de Sant'Agnese, Roma:
S.P.Q.R
GIVSEPPE GARIBALDI
DIMORÒ IN QVESTA VILLA
NELL'INVERNO MDCCCLXXV
  • 1807 El nasce a Niza.
  • 1821 El xe iscrito 'nte i registri dei marinai.
  • 1824 Primo viajo in mar verso el Mediteraneo Oriental.
  • 1828 El sbarca a Costantinopołi, dove el ga vivesto fin al 1831.
  • 1833 A Taganrog entra in contato co i maziniani.
  • 1834 El partecipa ai moti de Genoa.
  • 1835 Parte exułe da Marsiglia verso el Sud America.
  • 1839 Combate col Rio Grande do Sul contro el Braxil sentrałista.
  • 1839 Incontra Anita, che ła sposarà 'ntel 1842.
  • 1841 Conbate con ł'Uruguay contro ł'Argentina roxista.
  • 1849 Conbate par ła difexa deła Republica Romana.
  • 1852 El va da Lima a Canton par comprare guano.
  • 1859 Partecipa ała Seconda guera d'Indipendensa come generałe de ł'exercito piemontexe, al comando dei Caciatori dełe Alpi.
  • 1860 Inpresa dei Miłe.
  • 1862 'Nte ł'intento de liberare Roma, el parte dała Siciłia con 2.000 vołontari, ma el xe fermà so ł'Aspromonte.
  • 1864 El va a Łondra, dove el xe acolto trionfalmente e incontra Henry John Temple (Terzo Visconte Palmerston) e Mazzini.
  • 1866 Partecipa ała Tersa guera d'Indipendensa. El comanda on corpo de vołontari che combate in Trentin. El bate i austriaci a Bezzecca.
  • 1867
    • A setenbre el partecipa a Ginevra al Congreso par ła pace.
    • A otobre el se mete a capo dei vołontari che i ga invadesto el Łasio, ma el vien fermà el 3 de novenbre a Mentana.
  • 1870-71 Partecipa ała guera franco-prusiana a fianco dei fransexi.
  • 1874 el vien ełeto deputato del Regno.
  • 1879 el fonda a Roma ła Lega deła Democrazia.
  • 1882 Muore a Caprera el 2 de giugno.

Garibaldi e Cavour

Garibaldi no 'l ga mai avù boni raporti con Cavour. Da on łato, semplicemente no 'l gaveva fiducia 'ntel pragmatismo e 'nte ła realpolitik de Cavour, ma el provava anca rixentimento personałe par aver cedù ła so sità natdal de Niza ała Fransa, 'ntel 1860.

Serto, scrivendo a ł'anbasador sardo in Fransa, Cavour el prometeva a ł'inperador che el gavarìa fermà Garibaldi. Ma, in realtà, no 'l ga ostacołà seriamente ła partensa da Quarto deła spedision dei Mille. Inveze ła ga finansià, permetendo a diversi ofisiałi de ł'Exercito sabaudo de 'ndare da Garibaldi in Siciłia. Infine, el ga mandà łe le trupe che łe ga permeso ła definitiva sconfita de Francesco II.

Influensa culturale

Muxega

Filmografia

Monumenti a Garibaldi

In gran parte dełe sità italiane a existe almanco 'na statua de Garibaldi, quaxi tute ste statue łe ga 'na carateristega comune, in ese ło sguardo de Garibaldi el xe senpre voltà verso Roma, sità che no 'l xe riusìo mai a conquistare. Ła statua presente so ł'ixoła de Caprera invese ła varda verso łe boche de Bonifacio in diresion deła so nativa Niza.

I fiołi de Garibaldi

Garibaldi dała prima mujer Anita Garibaldi, morta 'ntel 1849 visin Ravena el ga avù 4 fiołi:

No 'l ga avù fiołi da Giuseppina Raimondi, che el ga sposà a Fino Mornasco el 16 de genaro 1860 (11 anni dopo ła morte deła prima mujer Anita), salvo lasarla poco dopo ła cerimonia.

Dała domestega Battistina Ravello, invese, Garibaldi el ga avù:

  • Anita Garibaldi che ła xe morta a 16 ani de meningite.

El ga avù tre fiołi inveze dała seconda mujer Francesca Armosino:

Genealogia de Giuseppe Garibaldi

─> Angelo Garibaldi (ca.1670-1749)
      Sposa Maria Riceto
      │
      └──>Domenico Garibaldi (1709-1747) 
                sposa Giulia
                │ 
                └─>Angelo Garibaldi (Val Garibaldo 1741-1811) 
                      sposa 1765 Isabella Puccio di Chiavari
                        │
                        │
                        │
           Domenico Garibaldi (1766-1841) 
               sposa Rosa Raimondi (1776-1852)
               ├──>  Maria Elisabetta Garibaldi (1798-1799)
               ├──>  Angelo Garibaldi (1804 - 1853)
               ├──>  Giuseppe Garibaldi (1807-1882) 
               │        * sposa  Anita Garibaldi, (1849) presso Ravenna 
               │           ├──> Domenico "Menotti" Garibaldi (1840-1903)
               │           │   * sposa Francesca Italia Bidischini dall'Oglio (1852-1927) e el ne ga avudo siè fiołi
               │           │      ├──>Anita Garibaldi (1875 - 1961)
               │           │      │  * ła ga adotà i neodi deła soreła Rosa, fiołi de so fioło de eła, Giulio Ravizza, che pertanto i porta el cognome de Ravizza Garibaldi.  
               │           │      ├──>Rosita Garibaldi (1877 - 1964)
               │           │      │  * sposa nel 1897 el conte Vittorio Ravizza d'Orvieto (1874 -1947)
               │           │      │     ├──> Giulio Ravizza  (1898-1950)
               │           │      │     │  * sposa Gabriella Barluzzi
               │           │      │     │    ├──>Maria Stefania Ravizza Garibaldi (1927)
               │           │      │     │    ├──>Giuseppe Filippo Ravizza Garibaldi (1928)
               │           │      │     │    └──>Francesco Ravizza Garibaldi (1933)
               │           │      │     └──> Odoardo Ravizza (1901-1967)
               │           │      ├──>Giuseppe "Peppinello" Garibaldi (1887 1969)
               │           │      │   * sposa Gabriella Maria-Antonietta Rassauw(1887 -)
               │           │      │         └──>Teresa Garibaldi(1925 2002)
               │           │      │                └──>Stefano Garibaldi(1964)
               │           │      │                    Walter Garibaldi (1969) 
               │           │      ├──>Gemma Garibaldi (1878 - 1951)  
               │           │      ├──>Giuseppina Garibaldi (1883 - 1910)
               │           │      └──>Giuseppe Garibaldi (1884 - 1886)
               │           ├──> Teresa Garibaldi (1845-1903), detta Teresita, 
               │           │   * sposa Stefano Canzio (1837-1909) ed ła ga avù 12 fioł.
               │           │      ├──> Mameli Canzio (1862 - 1912/1929)
               │           │      │  * sposa  Clorinda Petito (1876-1959)
               │           │      │     ├──>Giuseppe Canzio ( 1900 -1986) 
               │           │      │     │  *Caterina Tarantola
               │           │      │     ├──>Rosina Canzio (1906 -1988) 
               │           │      │     │ sposa nel 1929 Giuseppe Lo Bianco
               │           │      │     │  ├──>Carla Lo Bianco
               │           │      │     │  └──>Giuseppe Lo Bianco
               │           │      │     ├──>Stefania  Elvira Canzio (1908 - 1990)) 
               │           │      │     │  ├──>Clorinda Canzio
               │           │      │     │  ├──>Davide Campione
               │           │      │     │  └──>Rosetta Caruso                                  
               │           │      │     ├──>Pasquale Canzio (1909 - 1993) 
               │           │      │     │  * sposa 'ntel 1925 Margherita Iole Gravina.
               │           │      │     │     ├──>Mameli Elio Canzio
               │           │      │     │     └──>Giovanni Canzio            
               │           │      │     └──>Stefano Canzio (1910) 
               │           │      │       * sposa nel 1925 Rosa Gravina 
               │           │      │          ├──>Clorinda Lidia Canzio (1942)
               │           │      │          └──>Mameli Elio Canzio  (1947)
               │           │      ├──> Anzani Canzio (1864 -1926)
               │           │      │     └──>Manlio Anzani Canzio (1916 -2002)
               │           │      │       * sposa Rosa Elena Alvarez
               │           │      │          ├──>Maria Antonieta Canzio (1945)
               │           │      │          │  * sposa Zoilo Medina Bastidas(1941)
               │           │      │          │     ├──>Miguel Medina Canzio (1973)
               │           │      │          │     │     ├──>Francisco Miguel Medina 
               │           │      │          │     │     └──>Vanesa Natalia Medina
               │           │      │          │     ├──>Janet Nadia Medina  (1977)
               │           │      │          │     ├──>Cinthya Giovanna Medina (1983)
               │           │      │          │     └──>Susan Mery Medina (1985)
               │           │      │          ├──>Jose Anzani Canzio (1947)
               │           │      │          │  * sposa Alicia Meneses Franco (1949)
               │           │      │          │     ├──>Rocio Alicia Canzio (1974)
               │           │      │          │     ├──>Cecilia Zarela Canzio (1978)      
               │           │      │          ├──>Carlos Alberto Canzio (1950)
               │           │      │          │  * sposa Doris Bertha Ildefonso (1952)
               │           │      │          │     ├──>Claudia Patricia Canzio (1972)
               │           │      │          │     │     ├──>Nicole Argelis Suematzu 
               │           │      │          │     │     └──>Mishelle Vaness Suematzu                
               │           │      │          │     └──>Carlos Anzani Canzio(1978)
               │           │      │          │        * sposa Jussely Calderón Pérez (1981)
               │           │      │          ├──>Mario José Canzio (1956)
               │           │      │          │  * sposa Elena Leonor Julca Patiño(1958)
               │           │      │          │     ├──>Jacqeline Angela Canzio (1988)
               │           │      │          │     └──>Stefani Elena Canzio  (1986)
               │           │      │          └──>Luis Arturo Canzio (1958)
               │           │      │             * sposa María Eugenia Murias(1962)
               │           │      │                └──>Renzo Anzani Canzio(1989) 
               │           │      ├──> Lincoln Canzio (1865 - 1870)
               │           │      ├──> Annita Canzio  (1866 - 1878)
               │           │      ├──> Brown Canzio   (1867 - [[]])
               │           │      ├──> Leo Canzio (1869 - [[]])
               │           │      │  * sposa  Jole Rossi
               │           │      ├──> Decio Canzio (1870 - 1955)
               │           │      │  * sposa  Luigia Lenci  
               │           │      │     ├──>Stefano Canzio (1898-1976) 
               │           │      │     │  * sposa  Paola Confalonieri 
               │           │      │     │     └──>Decio Canzio (1930)
               │           │      │     │        * sposa Silviana Vercelli 
               │           │      │     │           └──>Stefano Canzio (1966)
               │           │      │     ├──>Michele Canzio (1901)
               │           │      │     │  * sposa Maria Canzio
               │           │      │     │     ├──>Giuseppe Canzio 
               │           │      │     │     └──>Maria Luisa Canzio 
               │           │      │     └──>Giovanni Canzio  (1902) 
               │           │      │        * sposa  Pina Pastori 
               │           │      │           ├──>Stefania Canzio 
               │           │      │           └──>Luigia Canzio  (1930)
               │           │      ├──> Cairoli Canzio(1872)
               │           │      │  * sposa  Elsa Fazzari
               │           │      │     ├──>Stefania Canzio  (1912- 1968)
               │           │      │     │  * sposa  Mario Sabatini 
               │           │      │     │     └──>Andrea Sabatini 
               │           │      │     │           └──>Mario Sabatini 
               │           │      │     ├──>Stefano Canzio (1915 - 1991)
               │           │      │     │  * sposa nel 1946 Velia Ricciotti, disendente de Nicola Ricciotti 
               │           │      │     │     ├──>Elsa Canzio 1946
               │           │      │     │     ├──>Corrado Canzio (1948 - 2002)
               │           │      │     │     │ * sposa nel 1972 Eva Kallinger
               │           │      │     │     │    ├──>Stefano Canzio 1972
               │           │      │     │     │    └──>Walter Canzio 1975
               │           │      │     │     └──>Alessandro Canzio detto Cino 1954
               │           │      │     │       * sposa Morlupo Francesca Pintus 
               │           │      │     │          └──>Stefano Canzio 1992
               │           │      │     └──>Anna Francesca  Canzio  (1908 o 1918 - 1998) 
               │           │      │        * sposa  Giacomo Chiesa 
               │           │      │           ├──>Luciana Chiesa  ( -2002)
               │           │      │           │  * sposa  Lombardo
               │           │      │           ├──>Marisa Chiesa 
               │           │      │           │  * sposa  Gianni Pieragostini
               │           │      │           └──>Viviana Chiesa  
               │           │      │             * sposa  Mimmo Quagliero
               │           │      ├──> Foscolo Canzio (1873 - 1906)
               │           │      │  * sposa  Elsa Fazzari
               │           │      │     └──>Teresita Canzio (1905) 
               │           │      │        * sposa  Eugenio Tolva 
               │           │      │           └──>Maria Grazia Tolva (1927-1984)
               │           │      │              * sposa  Oscar Guglielmelli
               │           │      │                ├──>Barbara Guglielmelli (1955)
               │           │      │                └──>Paolo Guglielmelli (1958) 
               │           │      ├──> Giuseppe Canzio(1875 - 1875)
               │           │      ├──> Giuseppe Canzio(1876 - 1876)
               │           │      ├──> Rosa Carlotta Canzio(1877 - )
               │           │      ├──> Annita Canzio(1879 - )
               │           │      │        * sposa  Riccardo Camerini
               │           │      ├──> Francesca Carlotta Canzio(1881 - 1961)
               │           │      │        * sposa  Sabato Angrisani
               │           │      ├──> Giuseppe Garibaldi Canzio (1883 - 1949)
               │           │      │  * sposa  nel 1905 Maria Teresa Ceretti
               │           │      │     ├──>Garibalda Teresita Concetta Canzio (1907) 
               │           │      │     ├──>Garibalda Canzio (1908 -1908) 
               │           │      │     └──>Stefania Canzio (1910) 
               │           │      └──> Garibalda Canzio (1886-1969)
               │           │        * sposa Riccardo Camerini
               │           ├──> Rosa Garibaldi, dita Rosita, morta a ł'età de 2 ani a Montevideo (1843 - 1845)
               │           └──> Ricciotti Garibaldi (1847-1923)
               │              * sposa Costance Hopcraft (1853-1941)
               │                 ├──>Giuseppe Garibaldi (1875 - 1875)
               │                 ├──>Costance Rosa Garibaldi (1876-1958)      
               │                 ├──>Anita Italia (1878-1962)
               │                 ├──>Peppino Garibaldi (1879 - 1950)
               │                 │  * sposa Maddalyn Nichols
               │                 ├──>Irene Teresa Garibaldi (1880-1880]])
               │                 ├──>Ricciotti Garibaldi jr (Roma 1881 - ivi, 1951) 
               │                 ├──>Menotti Garibaldi jr (1884 - Sri Lanka 1934)
               │                 ├──>Sante Garibaldi (1885-1946)
               │                 │  * sposa Beatrice Borzatti
               │                 │     └──>Annita Garibaldi (1942)
               │                 ├──>Arnaldo Garibaldi (1887-1888)
               │                 ├──>Bruno Garibaldi (1889 - m. nellle Argonne, 1914)
               │                 ├──>Costante Garibaldi (Roma 1892 - Argonne 1915)
               │                 ├──>Ezio Garibaldi (1894 - 1969)
               │                 │  * sposa Hope  Mac Michael
               │                 │    └──>Anita Garibaldi (1931)
               │                 │     * sposa Raymond Hibbert
               │                 │        └──>Francesco Garibaldi-Hibbert
               │                 │        * sposa Cristina Frigerio
               │                 │           └──>Jousè Lorenzo Garibaldi (2006)
               │                 │  * sposa a San Marino Erika Knopp
               │                 │     ├──>Giuseppe Garibaldi (1947) 
               │                 │     └──>Vittoria Garibaldi (1950)
               │                 └──>Giuseppina 'Josephine' Garibaldi (1895-1971)
               │        * sposa  1860 Giuseppina Raimondi ma ła łasa poco dopo ła cerimonia
               │        * con domestica Battistina Ravello
               │           └──>Anita Garibaldi che ła xe morta a 16 ani de meningite.
               │        * sposa 1880 Francesca Armosino
               │           ├──>Clelia Garibaldi (1867 - 1959)
               │           ├──>Rosita, morta picinina (1869 - 1869)
               │           └──>'Manlio Garibaldi (1873 - 1900)
               ├──>  Michele Garibaldi (1810 - 1866)
               └──>  Felice Garibaldi (1813 - 1855)

Voxe corełàe


Note

  1. ↑ Conferensa fata 'nte ła primavera del 2007 preso ł'Istituto per l'Oriente de Roma.
  2. ↑ Alcune so province, come ł'Egito, łe se gera de fato zà fate autonome fin dal 1805, con Mehmet Ali, mentre altre, come ła Grecia, łe anbiva ała pì totałe indipendensa.
  3. ↑ A no xe però del tuto escluxo che tałe definision ła podese aver a che fare anca co' i ideałi deła Masoneria che, del resto, Garibaldi el ga aderìo pì tardi con forte convinsion.
  4. ↑ Ł'apełativo de "ditator" el xe da riferirse ała figura del dictator, 'na magistratura de ł'antica Republica Romana a cui a ghe gerano asegnà i pieni poteri par risolvare emergense.
  5. ↑ Fa riferimento a tałi fati ła voxe Strage de Bronte, ło scritore e vołontario garibaldin Cesare Abba, La "Storia della Sicilia" di editoriale Agorà e Bronteinsieme.it
  6. ↑ Sto fato el xe sta cełebrà inte 'na bałada popolar so on ritmo de 'na marcia dei bersaglieri


Bibliografia

Scriti de Garibaldi

  • Memorie, publicae da A. Dumas; prima version de L. E. Tettoni, Milano, 1860.
  • Le memorie, 'Nte ła redasion definitiva del 1872, a cura deła reałe comision, Bologna-Rocca S. Casciano, 1932.
  • I mille, Torino, 1874.
  • Clelia : il governo del monaco, Roma nel secolo 19., romanzo storico-politico, Milano, 1870.
  • Cantoni il volontario, romanzo storico, Milano, 1909, che el ga come protagonista el garibaldin forlivexe Achille Cantoni, eroicamente caduto a Mentana
  • Elisabetta d'Ungheria: drama storego in sinque atti, Roma, 1879.
  • Manlio: romanzo contemporaneo; a cura de Maria Grazia Miotto; introdusion de Graziano Gug, Napoli, 1982.

'Nte ł’ Edision nasional dei scriti de Giuseppe Garibaldi a xe sta publicà 6 vołumi a Bołogna da ł’editor Cappelli 'nte i ani 1936-1937. Ła publicasion ła xe riprexa a cura de ł’ Istituto par ła storia del Risorgimento italian, che 'nte i ani 1973-1997 ła ga publicà 10 vołumi de ł’ Epistolario (volumi 7-16 de ł’edision nasionałe).

Scriti so Garibaldi

  • C. Agrati, I Mille nella storia e nella leggenda, Miłan, A. Mondadori, 1933;
  • Alexandre Dumas, GARIBALDI IN SUD AMERICA ,Milan, L.E. Tettoni, 1860;
  • Felix Mornard, Garibaldi, Parigi, Faure, 1866;
  • Jesse White Mario, "Vita di Giuseppe Garibaldi" , Milan, 1882;
  • Dennis Mack Smith, Cavour and Garibaldi, 1860. A Study in political Conflict, Cambridge;
  • C.U. Press, 1954 (trad. ital.: Garibaldi e Cavour nel 1860, Turin, Einaudi, 1958).
  • Candido, Salvatore, Giuseppe Garibaldi, corsaro Rio-grandense (1837-1838), Roma, Istituto per la Storia del Risorgimento italiano, 1964
  • Milani Mino, Giuseppe Garibaldi: biografia critica, Milan, Mursia, 1982
  • Monsagrati, Giuseppe, Garibaldi Giuseppe, in Dizionario Biografico degli Italiani, vol. LII, Roma, Istituto della Enciclopedia Italiana, 1999, pp. 315-331 (on-line)
  • Scirocco, Alfonso, Garibaldi: battaglie, amori, ideali di un cittadino del mondo, Roma-Bari, Laterza, 2001
  • Piero Pieri, Storia militare del Risorgimento, Turin, Einaudi, 1962.
  • Ufficio Storico dello Stato Maggiore dell'Esercito, Scritti sul 1860 nel centenario, Roma, Tip. Regionale, 1960.
  • Ufficio Storico - Stato Maggiore Esercito. Cesari Cesare. La campagna di Garibaldi nell'Italia Meridionale. (1860). 1928, Roma;
  • Ufficio Storico - Stato Maggiore Esercito. Autori Vari. Garibaldi condottiero. 1957, Roma;
  • Ufficio Storico - Stato Maggiore Esercito. Autori Vari. Il generale Giuseppe Garibaldi, 1982, Roma;
  • Ufficio Storico - Stato Maggiore Esercito. Tamborra Angelo. Garibaldi e l'Europa. 1983, Roma;
  • Ufficio Storico - Stato Maggiore Esercito. Mola Alessandro Aldo. Garibaldi Generale della Libertà. Atti del convegno Internazionale. 1984, Stabilimento Grafico, Gaeta;
  • Ufficio Storico - Stato Maggiore Esercito. Brancaccio Nicola. Garibaldi a Talamone. (1860). In: Memorie Storiche Militari. 1909. 1909, Roma, pp. 7-35;
  • Del Boca Lorenzo, Indietro Savoia! Storia controcorrente del Risorgimento italiano, Piemme,
  • Del Boca Lorenzo, Maledetti Savoia, Piemme,
  • Oneto Gilberto, L'Iperitaliano. Eroe o cialtrone? Biografia senza censure di Giuseppe Garibaldi, Il Cerchio, Rimini 2006;
  • Sauro Mattarelli, Claudia Foschini, Memoria e attualità dell'epopea garibaldina, Longo, Ravena 2002;
  • Alfredo Oriani, Don Giovanni Verità e altri scritti sul 1848-49, a cura di Ennio Dirani, Longo, Ravenna 1999;
  • Anton Giulio Barrili, Con Garibaldi alle porte di Roma, a cura di Francesco De Nicola e Vincenzo Gueglio, Gammarò Editori, 2007

Altri projeti

Errore script: nessun modulo "Interprogetto".


Łigamenti foresti

Bicentenario della nascita

Modeło:Link FA Modeło:Link FA Modeło:Link FA

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giuseppe_Garibaldi&oldid=461674"