Difarense intrà łe version de "Stasion feroviària"
[Revixion njiancora controłà] | [Revixion njiancora controłà] |
p r2.7.1) (Bot: Zonto: is:Lestarstöð |
p r2.6.5) (Bot: Zonto: ta:இரயில் நிலையம் |
||
Riga 152: | Riga 152: | ||
[[sv:Järnvägsstation]] |
[[sv:Järnvägsstation]] |
||
[[szl:Banhow]] |
[[szl:Banhow]] |
||
[[ta:இரயில் நிலையம்]] |
|||
[[th:สถานีรถไฟ]] |
[[th:สถานีรถไฟ]] |
||
[[tr:Gar]] |
[[tr:Gar]] |
Version de le 02:49, 6 xug 2012
Na stažion feroviaria la è an inpianto feroviario par al aceso de i passejeri e de le merci a la ferovia e par quel che reguarda al esercižio e al movimento feroviario.
Na stažion feroviaria la à almanco do binari e an scanbio par er la possibilità de far incroci o precedenže tra treni e de meter insieme e divider fora i treni. Altri punti de acesso de i passejeri a la ferovia, ciamadi fermade, i è senža interscanbi (quindi, a diferenža de le stažion, no i assa far manovre, precedenže e incroci). Na via de mež tra le doi la è la stažion disabilitada. Ten sto caso ghe n'è binari e scanbi, ma tuti i dispositivi i è blocadi da ciau e sistemi de sicureža e al inpianto al gnen doperà solche come fermada. Te 'l caso che ghe sie bisogn la stažion la pol gner riabilitada e an Dirigente Movimento abilità al pol cavar via legalmente i inpedimenti in maniera da poder usufruir de tute le potenžialità de la stažion. La presenža fisica de 'l Dirigente Movimento no la è senpre necessaria. Esiste difati de le stažion telecomandade e le varie operažion le gnen fate da 'l Dirigente Central Operatiu.
In base a la posižion su la trata feroviaria, se destingue do tipi de stažion:
- stažion (intermedie o nodai) de passajo, che le è la gran part;
- stažion de testa, aonde che tuti i binari i se feniss co 'n respingente.
Secont al Regolamento Circolazione Treni, de le Ferrovie dello Stato italjane, la definižion de stažion la è la seguente:
(VEC)
«4. Diconsi stazioni le località di servizio normalmente delimitate da segnali di protezione, utilizzate per regolare la circolazione treni, munite di impianti atti ad effettuarvi le precedenze fra treni nello stesso senso e, sul semplice binario, gli incroci fra treni in senso opposto.»— art.2, comma 4
Classificažion de le stažion feroviarie italjane
Classificažion par orden de inportanža
In relažione a la so inportanža le stažioni se pol destinguer in:
- Stažion piciole - de solito dotade de do o tre binari colegadi da scanbi aonde che no pol passar, de solito, pì de do treni te 'l stesso vers. de solito se ferma treni regionai. Le pol esser dotade de pensiline, biljeteria automatica, obliteratrici e sala de atesa.
- Stažion medie - de solito le à an bon numero de binari in maniera da operar co diversi treni insieme. Se ferma anca treni merci, interejonai, intercity e eurostar. Se i è de capolinea le pol er anca al deposito locomotive. De norma le è dotade de diversi serviži come biljeterie automatiche e servide, obliteratrici, sale de atesa a 'l quert e bagni publici, edicole e bar, pensiline e sotopassagi par traversar i binari.
- Stažion grande - le è le stažion de transito o qualche olta de testa che ghe n'è te le cità grande. Passa treni passejeri a qualunque ora e de qualunque sort, inveže quei merci i transita solche ten žerte finestre tenporai. Le à na gran oferta de serviži par i viandant: bar, edicole, biljeterie, sale de atesa, bagni publici, uficio de la posta, bancomat, negoži, tabachin, ecc...
Tante le controla tramite telecomando al trafico e al moviment te le stažion arent. Le pol er tanti binari e an bon numero de motrici da manovra par meter insieme e desfar fora i treni. kle fa anca da interscanbio co le stažion de 'l tram, de le corjere e de la metropolitana. Žerte olte le pol anca esser fate su diversi livei co interscanbio tra linee svelte e suburbane.
Insieme de le stažion se pol considerar anca le fermade, posti particolari de servižio publico par passejeri disponeste su 1 o 2 binari passanti senža la possibilità de far gnessuna manovra. Ten sta categoria rientra anca le stažion disabilitade. de solito no le à gnessun servižio acessorio aparte obliteratrici. Žerte olte le à anca na tetoja e na biljeteria automatica.
Classificažion comercial RFI
Ultimamente, RFI SpA la à fat na nova classificažion te tipo comercial e promožional par le so stažion basada su la dimension de i inpianti, de 'l trafico de đent e de altri parametri. la sudivision la prevede quatro categorie:
- Bronze: la conprende inpianti pižoi che i fa solche servižio rejonal;
- Silver: inpianti medio-pižoi che i fa anca qualche servižio de media percorenža, frequentažin media par serviži metropolitani, rejonai e de longa percorenža ma manco de quei de la categoria "gold";
- Gold: par inpianti medio-grandi co na alta frequentažion; i posti servidi da ste stažion i à da er an žerto intaresse da 'l punto de vista turistico, cultural, institužional e archiettonico. da 'l punto de vista comercial le à da er na bona potenžialità.
- Platinum: ten sta classe le rientra le stažion caraterizade da na frequentažion sora na media de 6000 utenti a 'l dì e da 'n numero grant de treni. le cità che le à sti inpianti le à da er inportanža da 'l punto de vista turistico, cultural, institužional e architetonico. No tute le stažion platinum le è gestide da la società Grandi Stazioni.
Le stažion che par al momento le è te la categoria platinum le è[2]:
- Bari Central
- Bologna Central
- Firenže Santa Maria Novela
- Genova Piaža Principe
- Milan Central
- Milan Porta Garibaldi
- Napoli Central
- Napoli Piaža Garibaldi
- Padova
- Palermo Central
- Pisa Central
- Roma Termini
- Roma Tiburtina
- Torino Porta Nova
- Venezia Santa Lužia
- Verona Porta Nova
Classificažion par funžion
Le stažion le pol gner classificade anca in base a la so funžion:
- Stažion solche par servižio passejeri:
- Stažion de transito e fermada.
- Stažion de origine de i treni co parco veture, rifornimento e puližia de i vagoi.
- Stažion solche par servižio merci:
- co scalo merci de tipo tradižional munì de banchine par carico e scarico, conposižion e sconposižion treni merci.
- co scalo par an unico servižio industrial specifico (te i grandi stabilimenti industriai)
- co scalo portual o stažione maritima par inbarco, sbarco e movimentažion de i treni.
- co gran scalo de smistament o stažion de smistament (par sconposižion e conposižion de intjeri treni merci)
- intermodal co atrežadure adate par la movimentažion e al interscanbio de container
- Stažion solche par servižio feroviario:
- Stažioni solche de servižio aonde che se fa incroci e precedenže e operažion de movimento e no le è acessibili a 'l publico:(cfr.articolo 2, Regolamento Circolazione Treni - FS)
- Posto de movimento: stažion co funžion esclusivamente ligade a 'l servižio o a la circolažion feroviaria.
- Posto de Comunicažion: Località de servižio te la qual do linee paralele le se interconet tra de lore.
- Bivio: località de servižio da la quale la linea la si dirama ten do o pì linee diferenti.
- stažion de confin, aonde che se fa essenžialmente operažion doganai.
Tante olte diverse funžion de quele citade prim le se conbina te na unica stažion. [3]
Note
- ↑ Ferrovie dello Stato:Regolamento circolazione treni.Articolo 2 comma 4
- ↑ Tratto da rfi.it URL consultato il 10-02-2008.
- ↑ Ivo Angelini,Treni e Ferrovie:ieri,oggi,domani.Editrice Salani,Firenze