Difarense intrà łe version de "Senegal"
[Revixion njiancora controłà] | [Revixion njiancora controłà] |
p r2.7.2+) (Bot: Zonto: tt:Сенегал |
p r2.7.1) (Bot: Zonto: hsb:Senegal |
||
Riga 137: | Riga 137: | ||
[[hif:Senegal]] |
[[hif:Senegal]] |
||
[[hr:Senegal]] |
[[hr:Senegal]] |
||
[[hsb:Senegal]] |
|||
[[ht:Senegal]] |
[[ht:Senegal]] |
||
[[hu:Szenegál]] |
[[hu:Szenegál]] |
Version de le 14:13, 17 maj 2012
La republica del Senegal xe no stato de l’Africa occidental. A Ovest la confina co el Oxeano Atlantico, a nord co la Mauritania, co el Mali a est, co la Guinea Conakry e la Guinea Bissau a sud. El Gambia xe no stato incunea’ rentro en tel Senegal. La lengoa ofisial xe el francexe. La cavedal xe Dakar.
Storia
Par savèrghene de pì, vardarse ła voxe Storia del Senegal. |
El Senegal l’è stà abità fin da ła preistoria. El paexe el xe stà colonizà da vari regni regionałi par la so importansa par le piste comerciali. El Islam l'è rivà nel XI secolo. El impero de i mandingo controlava na parte del Senegal nei secoli XIII e XIV. El regno de i jolof controlava el nord a ło steso tenpo. I europei fasea marcà ne i porti su la costa dal XVI secolo. Nel 1677, i francexi gha comprà l’isola de Gorée, poco fora de Dakar. Da qui partea le navi co i sciai. (Bisogna parò stare atenti, el forte de i sciavi che i turisti visita ancò na gha gniente a che fare co la trata dei sciavi de na olta). Nel 1850, i francesi gha scomincià a far guera co i regni de l’interno (Waalo, Cayor, Baol, and Jolof) par conquistar el teritorio su la teraferma.
Nel janaro 1959, Senegal e Sudan Francexe i se univa en federasion auto-governata. La federasion la xe durada poco. Nel agosto de lo steso ano, i do paexi i se gha diviso con la creasion de le republiche del Senegal e del Mali. Léopold Senghor fu eleto primo presidente del Senegal. Nel 1980, Senghor sa ritirà da la politica, on dei pochi presidenti africani a lasar el poder de so volontà. El novo presidente el xe stà Abdou Diouf.
Nel 1982, el Sengal e el Gambia i sa unìo en te na federasion, che parò l’è stà disolta nel 1989. A lo steso tempo, la region de la Casamance, a sud de el Gambia, gha scominsià a far na guera de autoderminasion che la va avanti fin ancò. En tel 1990-91 ghe stà na breve guera de confin co la Mauritania, specialmente ne la zona de Rosso. Diouf l’à govarnà par quatro legislature e gha promoso l’economia. Nel 2000, Abdoulaye Wade, capo de l’oposision, l'è diventà el terzo presidente de el Senegal.
Giografia
Par savèrghene de pì, vardarse ła voxe Giografia del Senegal. |
El Senegal l'è un paese pianegiante, la colina pi alta l’è rente a Nepen Diakha e la xe alta solo 584 metri. Al nord ghe el fiume Senegal che fa da confin co la Mauritania. Al sud, ghe foreste tropicali. L’est del paexe fa parte del Sahel.
Economia
L’industria produse cemento, fertilizanti chimici, prodoti texili, e prodoti alimentari. El turismo l’à na industria importante. La pesca la serva par el marcà interno e par l’esportasion. L’agricoltura la serve el marcà interno, anca se el Senegal espora bagigi, coton e fruta. L’Itałia xe uno dei stati pi inportanti par el marcà col Senegal.
Popolasion
La majoria de la zente la vive ne le zone rurali. I wolof xe el grupo pi importante (43%), i Peul e i Toucouleur i xe al 24%, el resto xe grupi etnici picoleti: Serer (15%), Lebou (10%), Jola (4%), Mandinka (3%), Naarkajors, Soninke, Bassari. Tuti sti grupi gha la so lengoa, anca se el wolof xe ła łéngoa franca parlà da tuti.
Religion
La majoria de i senegalexi i xe musulmani. El islam de el Senegal xe organizà atorno a le fratelanze Sufi. I do pi importanti grupi xe i Tijaniyya e i Murydyyya. I Catoleghi xe el 5%, ma i forma na comunità influente. El primo presidente del Senegal xera un catolego.
Curiosità
La cità de Dakar l’è ciama così par la presenza de i tamarindi, dakar en wolof. La cità de Rufisque la deve el nome al fiume da le acque fresche, rio frisco en portoghexe.