Nadal

El Nadal o Nadałe el xe na festività cristiana che la celebra la nassua de Gesù, pai cristiani fiol de Dio e de la Verzene Maria. El casca ai 25 de Decenbre (ai 7 de Zenaro inte le chiese orientai, pal sbrissamento del lunario zulian).

El termine veneto Nadal el riva dal latin natalis che el vol dir "nadalizio", "relativo a la nassua". Zà inte el lunario roman el termine Natalis el vegneva doparà par tante festività, cofà el Natalis Romae (21 de Avril) che el comemorava la nassua de l'Urbe, e el Dien Natalis Solis Invicti, la festa dedicada a la Nassua del Sol (Mitra), anca ela ai 25 e Decenbre, introdota da Aurelian inte 273 d.C, sostituia sucessivamente inte'l III secolo da la ricorenza cristiana. El Nadal el xe chiamà anca Nadal de Gesù o Natività del Signor e precedup de le volte da l'azetivo santissimo..