Albion

Albion (Ἀλβιών in grego antigo) el xe el nome antigo de la Gran Bretagna. Uncuò el vien doparà poeticamente par riferirse a tuta l'isola o solo a l'Inghiltera. El xe anca la basa del nome gaelego de la Scozia, Alba.

Etimolozia

El termene galo-latin Albiōn (irlandese mezan Albbu, protoceltego *Alb-i̯en-), insieme a de altri toponimi europii e mediteranei (Albania), (Alpe) el ga do possibii etimolozie, intrambe plausibii: *albho-, par "bianco" (in riferimento a le bianche scogere meridionai de l'isola), opur *alb-, protoindoeuropeo par "colina". Ma pì provabilmente el riva dal gaelego albio, col signifegà de tera, o mondo; de fati cofà riferimenti incrosi se pol constatar anca i altri nomi gaeleghi de le nazion britaneghe: la Scozia la gera chiamada Alba (e de le volte anca l’Irlanda), invence el Gales el gera anca nomenà Yr Alban.