Wikimedia Foundation

Logo de ła Wikimedia Foundation,
disegnà da el wikipedian Neolux

El logo Wikimedia
in un raffinà ricamo

La Wikimedia Foundation Inc. xè l’organixassion prinsipałe de Wikipedia, Wiktionary (Wikizionario), Wikiquote, Wikibooks, Wikisource, Wikinews, Commons, Wikispecies e Nupedia. Xè na società non-profit organixà secondo łe legi de ła Florida, USA.

Ła so esistensa la vegne uficialmente anuncià dall’aministrador de ła Bomis e co-fondatore de Wikipedia Jimbo Wales el 20 de giugno, 2003. El nome "Wikimedia" fu conià da Sheldon Rampton in'te na mail invià a ła mailing list [WikiEN-l] nel Marso 2003. Sucesivamente, i nomi de dominio http://wikimedia.org e http://wikimediafoundation.org i è stà asicurai a ła Fondassion da el wikipedian Daniel Mayer.

I scopi de ła fondassion i xè de incoragiare ła cresita e lo sviłupo de projeti open content, basai su el Wiki e fornir gratuitamente e sensa alcuna publicità i contenuti. Par gestire l'ençiclopedia generałe moltilengoe xà sviłupà e l’almanaco ciamà Wikipedia ghe xè un dissionario moltilengoe e un thesaurus ciamà Wiktionary, un’ençiclopedia de citassion ciamà Wikiquote e na cołession de risorse e-book dedicae in particolare a i studenti (come libri de testo e libri comentai de pubblico dominio) ciamà Wikibooks. La Fondassion inoltre la gestise łe operassion de el projeto Nupedia (che non xè wiki ma xè open content).

Con ła creassion de ła Foundation, Wales el ga anca trasferio el poseso de tuti i nomi de dominio de tute łe Wikipedia, Wiktionary e de Nupedia a Wikimedia insieme a i copyright par tuti i materiałi cołegà a i projeti che i era creai da impiegati de ła Bomis o da Wales steso. Ła fornitura stesa de computer usà par i projeti Wikimedia xè stà donà da Wales a ła Fondassion.

Wales el ga dito in diverse ocaxion che ła Bomis ła gavarìa continuà a fornire corente e banda gratis par sti projeti. Se spera che l’esistensa de na fondassion non-profit la rende posibiłe generare abbastansa schei tramite łe donassion e łe sovension statałi, par garantire ła continua cresita de ogni projeto Wikimedia.

Ghe xè sta tante discusion su łe responsabilità de el consijo, e tentativi de inisiare a scrivere un manuałe de el consijo. Anca metodi piasè egalitari de governo i xè sta valutà. Non xè ciaro come sta roba ła influensa el novo proceso Wikimedia.

Projeti

I projeti gestii da ła Wikimedia Foundation i xè diversi, ma i se caraterixa tuti par el contenuto libaro e par esere redati in maniera cołaborativa da volontari. Tuti i projeti, inoltre, i xè moltilengoe.

Wikipedia	N'ençiclopedia con piasè de 2 milioni di articołi in piasè de 200 lengoe.
Wikimedia Commons	N'archivio de imagini, soni e filmati el contegne piasè de 200.000 file.
Wikibooks	Na cołession de libri de testo e materiałe educativo.
Wikizionario	Un dissionario che el cataloga significati, sinonimi, etimologie e tradussion.
Wikinotizie	Na fonte de notissie originałe redate da giornałisti-utenti vołontari in tuto el mondo.
Wikisource	Un projeto par fornire e tradure gratuitamente documenti e testi, come i libri de publico dominio.
Wikiquote	Na cołession de citassion de personaij çełebri, libri, film e altro.
Wikispecies	Un indiçe de dati su łe specie de animalia, plantae, fungi, bacteria, archaea, protista e tute łe altre forme de vita.

Donassion

Wikimedia la aceta donassion atraverso el proprio sito. Atualmente, łe donassion no le pode esere fate eletronicamente tramite PayPal o inviae par posta.

Voçi corełae

• Wikimedia CH
• Wikimedia Deutschland
• Wikimédia France
• Wikimedia Polska
• Wikimedia Itałia
• Wikimedia Serbia

Altri projeti

Altri progetti

• Wikinotizie
• Wikimedia Commons
• Wikispecies

• Wikinotizie el detien notìsie de atuałità so Wikimedia Foundation
• Wikimedia Commons el detien imàjini o altri file so Wikimedia Foundation
• Wikispecies el detien informasion so Wikimedia Foundation

Cołegamenti esterni

• Il sito della Wikimedia Foundation (dove xè disponibiłe lo Statuto tradoto in tałian)
• L’ato costitutivo de ła Wikimedia Foundation Inc. un *.tif de do paxene su el sito de el Dipartimento de Stato de ła Florida, Divixion de łe Società
• Ła registrassion publica de ła Wikimedia Foundation Inc. da el sito de el Dipartimento de Stato de ła Florida
• L’annuncio de ła fondassion de Wikimedia
• Ła metapaxena de Wikimedia
• La mail de Sheldon Rampton su WikiEN-l