Lengoe africane

Mapa de la didtribusion de le lengoe africane.

En Africa se parla pi de domila lengoe. Le lengoe africane apartien a diferenti famije, co varie soto-fameje. Le lengoe eoropes gha vù na forte influensa so le lengoe africane e so la formasion de lengue creole. Ghe de le lengoe difuse en tanti paexi e parlà da milioni de persone, come el swahili, el wolof, e el chewa; ma ghe anca lengoe parlà da poche persone, come el ndorobo, el sahbo e el dahalo. Se cata lengoe che usa i 'click' (sciochi fati co la lengoa sul palato o contro i denti), e altre che usa i fisci.

Fameje lengoistiche

La majoria de I studioxi divide le lengoe africane en quarto fameje:

• afro-axiatiche
• nilo-sahariane
• nigerine-congolexi
• khoisan

Oltre ste quatro fameje, ghe de le lengoe de origine indo-eoropea e austranesiane (del sud de l'Axia).

Lengoe afro-axiatiche

Le lengoe afro-axiatiche – conosude anca come amitico-semite – xe lengoe parlade in nord e est africa, e anca nel sud-ovest de l’Axia. Se conose 375 lengoe parlà da 285 milioni de persone. Le sottofameje pi importanti xe lengoe semitiche, berbere, cuscite, ciadiane. Le lengoe semitiche xe le sole che se cata anca fora da l’Africa. Esempi d este lengoe xe l’amarico (semitico, Etiopia), l’oromo (cuscita, Etiopia), el hausa (ciadiano, Africa Ocidental). L’antico Egisiano e l’Accadico fa parte de sta fameja.

Lengoe nilo-sahariane

Le lengoe nilo-sahariane xe pi de on centinaro e xe parlà ne l’Africa Orientale, ma anca in zone de l’Africa Ocidental. Le sotofameje e le lengoe sahariane (fur e songhai de l’Africa Ocidental), sudaniche centrali (darfuriano, Sudan), kunama (kunama, Eritrea), sudaniche orientali. Sta ultima sotofameja la xe divisa a so olta en lengoe nubiane e nilotiche, che vien a so olta distinto en nilotico orientale, medirionale e ocidental. Le lengue nilotiche xe el grupo pi groso tra le lengoe nilo-sahariane.

Lengoe nigerine-congolexi

Questo xe el pi groso grupo lenguistico del mondo. La carateristica pi importante de ste lengoe xe el sistema di clasi par el nome. La majoria de ste lengoe xe tonale, el significato de na parola cambia col tono co che la se pronuncia. Ghe do sotofameje: le Congo A (lengue kordofaniane), e e Grupo B (lengoe Bantu).

Lengoe khoisan

En sto grupo se cata 50 lengoe parlà in Namibia, Botswana, Angola e Tanzania, da un grupo d eno pi de dozentomila persone. Le lengoe khoisan xe tonali e gha il sistema de i click, sciochi fati co la lengoa che corisponde a de le consonanti, ma anca a parole intiere.

Altre lengoe

En Africa se cata lengoe d eorigine non-africana. En Madagascar se parla el malgasio, na lengoa austronesiana portà da i primi abitanti de sta ixola. En Sudafrica se parla afrikaans, che xe na lengoa indo-eoropea. Tuti i paexi africani usa anca lengoe indo-eoropee portà da i colonialisti.

Creoli

En Africa se cata molti esempi de creolo. La majoria se basa so lengoe eoropee (el krio en Sierra Leone da l’inglexe, creolo de la Guinea Bissau da el portoghexe, seicellexe da el francexe); ma ghe anca creoli basà so l’arabo (Juba arabic en Sudan) o so lengoe africane (sango en te la Republica del Centro Africa).

Portałi:
• Portałe de Africa
|