Freetown (Siera Leon)

Vista de Freetown

Freetown la xe la cavedal de la Sierra Leone. La se cata su la penisola de Freetown longo la costa de l’Oceano Atlantico. L’economia de la sità la xe ligà al porto e a le esportasioni agricole, manifaturiere e minerali.

Storia

La sità de Freetown – che vol dir sità libara – la xe stà fondà da i sciavi libarai da i inglexi en tel 1787. El primo grupo de case el xe stà brusà da la popolasion locale en tel 1790. On secondo tentativo el xe stà fato en tel 1792. I abitanti de Freetown i gha provà a ribelarse a i inglexi en tel 1800, ma no i xe stà boni a torse l’indipendensa. Dal 1808 a el 1874, Freetown la xe stà la cavedal de le colonie inglexi de l’Africa Ocidental. I sciavi libarà durante el XIX secolo vegnea de speso portà qi. Ancora ancò i disendenti de sti sciavi i gha on posto de prestigio tra la popolasion de la Sierra Leone. Dopo ani de instabilità politica e de guera civile, ancò el paexe el xe tornà a la pace. L’economia la xe en svilupo, specialmente el marcà de i diamanti.

Portałi:
• Portałe de Africa
|