Difarense intrà łe version de "Sebenego"

Da Wikipedia, l'ençiclopedia libara.
Contenuto cancellato Contenuto aggiunto
nova
(Nisuna difarensa)

Version de le 21:32, 28 set 2011

Modeło:Città Sebenico (ciamada in croato Šibenik) la xe na zità de la Croazia, catada in Dalmazia. La ga 46.372 abitanti e la xe el caologo e la zità più popolada de la region de Sebenico e Tenin. La zità la se cata sul sboco sul del fiume Cherca, che'l crea un porto e canal natural longo 2,5 km.

Storia

La zità la xe partignuda al'Ongaria fin al 1322 quando che la xe divignuda parte de la Repùblica de Venezia fin al 1797, fora che per el breve ténpo intrà el 1358 e'l 1412 durante el qual la xe ritornada ongarese. Intrada a far parte del'Inpero austrìaco a sèguito del tratà de Canpofòrmido 'ntel 1797, ghe xe restada cavada a n'interuzion dovuda a la dominazion franzese soto Napoleon (1805 - 1813), fin a la fin del Prima Guera Mondial (1918), quando che la xe passada al Regno dei Serbi, Croati e Sloveni (daspò Jugoslavia).

La popolazion de etnia italiana, in mazoranza ai prinzipi del XIX sècolo la xe calada per scalinasion, fin a divignir menoransa rispeto a quela croata, anca soto el stìmolo de le autorità austrìache che le temeva sai l'iredentismo italian. A la fin del XIX sècolo la popolazion italiana la jera squasi el 20% dei abitanti, almanco a quanto che i riporta i discusi censiménti austrìazi. La xe stada jugoslava e daspò (dal 1991) croata, se no se consìdera na bréve interuzion in tei do ani0 1941-1943 durante i quai la xe stada ciolta drénto dal'Italia (provincia de Zara).

A Sebenico xe nassudo in nel 1802 el famoso scritor, crìtico e patriota italian Niccolò Tommaseo.

Patrimonio artìstico

Catedral de San Giàcomo

La costruzion de la Catedral de San Giàcomo la xe scominziada in tel 1431, su un edifizio che ghe jera prima, e afidada a Giorgio Orsini. Edificada co piere che le vigniva da le ìsole dee Braza, Cùrzola, Arbe e Veja, la xe finida in tel 1536 da Niccolò Fiorentino.

In torno a la catedral, fora le àbside, ghe cor un frizo scolpido con téste rafiguranti 71 abitanti de la zità, ai ténpi de la costruzion de la césa. Indrénto ghe xe na fonte batizimal tignuda da tre ànzoli disegnadi dal'Orsini e realizai da Andrea Alessi.

In tel 2000 la catedral de San Giàcomo la xe stada mésa indrénto la lista dei patrimoni del'umanità del'UNESCO.

Loza granda

Al lado de la catedral se cata la Loza granda, séde del conséjo comunal 'ntei ténpi de la dominazion veneziana, in orìzene costruido intrà el1533 e'l 1546 da Michele Sammicheli, ma conpletaménte ritirà su fedelmente daspò la distruzion in tel 1943 daspò un bombardamento.

Forteza de San Michièl

La zità la xe dominada dai résti de la Forteza de San Michièl, su na colina a la qual se riva 'ndando su per la zità vecia.

Bibliografia

Altri progetti

Errore script: nessun modulo "Interprogetto".

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sebenego&oldid=412963"