Victor Hugo

Victor-Marie Hugo (Besançon, 26 de febraro 1802 – Parigi, 22 de majo 1885) xe stà un [[scritor |scritor]], [[poeta |poeta]] e [[dramaturgo |dramaturgo]] [[Fransa |fransexe]], considerà el pare del Romanticismo in Fransa.

El ga savesto tegnerse łontan dai modełi małenconeghi e sołitari che i caraterixava i poeti del tenpo, riuscendo a acetar łe vicisitudini non senpre fełici deła so vita par farne esperiensa existensiałe e catare i vałori e łe sfumadure de ł'anemo uman.

Victor Hugo fotografà da Walery (1830-1890).

Autografo de Victor Hugo.

I so scriti i xe rivà a coersare tuti i xeneri leterari, dała poexia łirica al drama, dała satira połitega al romanzo storego e sociałe, susitando consensi in tuta Eoropa.

Biografia

Ł'infansia

Victor Hugo da xovane.

El xe nato el 26 de febraro 1802 a Besançon 'nte ła Franca Contea, dove so pare Joseph-Léopold-Sigisbert (1773-1828), conte napołeonico e miłitare de ł'exercito de Giuseppe Bonaparte, el se catava de guarnigion, e el ghe ga tegnù drio, insieme a so mare Sophie Trébuchet (1772-1821) e ai frade Abel-Jospeh (1798-1855) e Eugène (1800-1837), prima a Parigi, po' anca a Napułi e in Spagna: a Napułi so pare el ga rivestìo on ruoło decixivo 'nte ła catura del brigante Fra Diavoło e par questo el xe sta nominà governador de Avełin; in Spagna ł'otien da Giuseppe Bonaparte el grado de generałe. El xovane Victor el ga senpre mantegnù memoria de sti posti visti da putin.

Dal 1813 tutavia i so genitori i se separa e so mare, insieme al general Victor Fanneau de la Horie, ła se stabiłise a Parigi. Chi Hugo el frequenta el Połitecnico dal 1815 al 1818, par vołer de so pare, ma ben presto ł'abandona i studi tecnici par dedicarse ała łeteratura.

El scrive łe Odi, che łe xe sta ła so prima conpoxision łetararia. Insieme ai fradei el fonda el foglio Il conservatore letterario (1819), e 'nte ło steso anno el vinse on concorso de ł'Académie des Jeux floraux. El scuminsia po' a frequentar el liceo Louis-le-Grand, e el partecipa ai incontri del Cenacoło de Charles Nodier, cuła del Romanticismo nasente. El scrive po' Odi et poesie diverse (1822) e tanti altri scriti, fino a Odi e ballate, che i ghe vałe 'na rendita de miłe franchi da parte del re Luigi XVIII.

El matrimonio

Juliette Drouet

El 12 de otobre del 1822 el spoxa, 'nte ła cexa de Saint-Sulpice de Parigi, Adèle Foucher, 'na so amiga d'infansia; a nasarà sinque fiołi:

• Léopold (16 de lujo – 10 de otobre 1823);
• Léopoldine (28 de agosto 1824 – 4 de setenbre 1843);
• Charles (4 de novenbre 1826 – 13 de marso 1871);
• François–Victor (28 de otobre 1828 – 26 de diçenbre 1873);
• Adèle (24 de agosto 1830 – 21 de apriłe 1915), ł'unica a soravivare al pare ma che ła pasarà pareci ani inte 'na caxa de ripoxo a cauxa del so stato mentałe alterà.

Ła scoverta, dopo qualche ano, del tradimento de so mujer con ł'amigo de fameja Sainte-Beuve ło ga portà a fare 'na vita de łibertinajo; so amante par sirca sinquant'ani ła sarà Juliette Drouet, on'atrice teatrałe conosesta durante łe prove de Lucrezia Borgia, 'ntel 1833.

Pare del Romanticismo

La "battaglia di Hernani"

'Na svolta epocałe 'nte ła storia deła łeteratura ła xe avegnù 'ntel 1827, con ła sortìa del drama storego Cromwell, considerà el manifesto dełe nove teorie romantighe. 'Nte ła łonga prefasion, Hugo el se opone ałe convension del teatro clasic], tra cui łe tre unità aristotełiche (el contesta soratuto łe unità de tenpo e de łogo) e ł'obligo de bienséance (che esclude asion o anca soło parołe considerae volgari o quotidiane, umiłi), e espone łe so teorie sol teatro e so ła łeteratura in generałe, che el metarà po' in pratica 'ntel drama Hernani, del 1830, data che segna, convensionalmente, el scuminsio del Romanticismo in Fransa. Ł'Ernani el sarà po' meso in mùxega e rapresentà da Giuseppe Verdi (Ernani, 1844).

A taca on periodo parecio produtivo par ło scritore: el publica on romanzo, Notre-Dame de Paris, del 1831, acolto da on grande suceso; racolte de poexìe, Łe foje d'autuno deło steso ano e I canti del crepuscolo del 1835; altri drami, come par exenpio Ruy Blas 'ntel 1838. Incontra Hector Berlioz, Chateaubriand, Franz Liszt, Giacomo Meyerbeer; 'ntel 1841 el vien ameso a ł'Académie française, dove el ocupa el segio numaro 14.

Ła vita połitega

I rapresentanti rapresentài, caricatura de Honoré Daumier del 1849

'Ntel 1843 o more tragicamente ła fioła Léopoldine e el xenaro Charles Vacquerie, negandose 'ntel corso de 'na gita in barca; Hugo ło vien a saver al rientro da 'na vacansa, lexendoła sol giornal Le Siècle. Ła tragedia, unìa a ł'insuceso del so łaoro teatrałe I Burgravi del 1845, el ghe ga causà 'na grave depresion che ło ga tegnù distante dal mondo leterario par diexe ani.

Intanto el vien nominà Pari de Fransa dal re Luigi Filippo d'Orléans. 'Ntel 1848 el entra a far parte come deputato de ł'Asenblea Costituente, ma el colpo de stato che 'ntel 1851 el ga portà al poter Napoleone III el segna el scuminsio del so declino połitego: prima Hugo apoza ł'ełesion del xovane Luigi-Napoleone Bonaparte ałe presidensiałi, ma po — quando el novo presidente, futuro inperador, el scumensia a ciapare provedimenti anti-łiberałi quałi ł'abrogasion deła lexe ełetorałe del 1850, riduxendo de on terzo i aventi dirito al voto — el ne ciapa łe distanse; inutiłe el sarà el tentativo del Comitato de rexistensa republicana, de cui el fa parte insieme a Schœlcher, par sołevar ła popołasion parigina: a Hugo, strenuo difensor de on regime łiberal, a no resta che ataccarlo con scriti e discorsi contro ła mixeria e łe represion, che łe diventa 'ntel fratenpo senpre pì intołeranti.

Dopo el 2 de diçenbre 1851, Hugo el deve partir par ł'exiłio. El parte inisialmente par Bruxelles, po el se trasferise 'nte ł'ixoła de Jersey e infine a Guernesey, rifiutando ł'amnistia proclamà da ł'inperador.

L'exiłio

Hauteville House, caxa de exiłio de Hugo a Guernesey

A ga tacà chi a ciapar forma ła somitica figura poetica e ideal de "Pare deła patria in exiłio"; i ani pasà a Guernesey i ło rexo cusì famoxo ca ghe arivava letare indirisae a "Victor Hugo — Oçeano". Chi el ga riprexo ła so atività leteraria 'ntel segno deła satira połitega, 'nte ła racolta de poemi I castighi (1853), che el ciapa de mira el Secondo Inpero; el ricordo deła vita pasà e in particołar deła fioła Léopoldine ła vien fora 'nte ła racolta Le contemplazioni (1856); questi i xe anca i ani de ł'inpegno su un piano politico più alto, idealizzato, che dà vita a La leggenda dei secoli (publicà in tre parte tra 1859, 1877 e 1883), che ła ripercore ła storia de ł'umanità dała Genesi al XIX secoło, cusì come a I miserabili, romanzo del 1862, I lavoratori del mare del 1866 e L'uomo che ride del 1869.

Il poeta in una celebre foto, durante l'esilio

A partir dai anni sesanta el ga viajà par tuto el Lussemburgo e el xe 'ndà drio al Reno, ma 'ntel 1870 el vien espulso dal Belgio par aver dà axiło a dei communard ricercà 'nte ła cavadal fransexe, el cata rifujo da novo 'ntel Granducato, par tri mexi, e in seguito a Vianden, Diekirch e Mondorf-les-Bains.

El rientro in patria e ła morte

Hugo sol leto de morte, fotografà da Nadar (1820-1910)

El so rientro in patria el xe avegnù el 5 de setenbre 1870, dopo ła fine de Napoleon III e ł'instaurarse deła Tersa Republica fransexe: Hugo el xe acolto da 'na foła aclamante e entuxiastega, e ła so caxa ła diventa da novo posto de incontro tra leterati; fin ała so morte, el restarà on nume tutełare deła republica restaurà.

El riprende in sti ani ła produsion łeteraria col romanzo Novantatré (1874); el scrive anca poexie, alcune riguardanti ła so vita familiare, come I miei figli (1874), e altre satirico-połiteghe, come Il Papa (1878) e Torquemada (1882), on'opera sol fanatismo de ł'inquixision. 'Ntel 1876 el ritorna a far part del Senato.

Ła tonba di Victor Hugo al Panthéon

'Ntel 1878 el xe colpìo da 'na congestion cerebrałe, mentre i festejamenti par el so otanteximo conpleano — publicamente cełebrà — i vien ofuscà dała morte de Juliette Drouet. El muore el 22 de majo 1885, e ła so salma ła vien esposta par 'na note soto ł'Arco de Trionfo e veglià da dodexe poeti, anca se, in otenperansa ałe so ultime vołontà, łe exequie łe ga avù łogo 'ntel corbillard des pauvres. El 1 de giugno, dopo aver exità par el simitero del Père Lachaise, el xe portà al Pantheon apena inaugurà.

Opare

Victor Hugo el xe sta on scritore mai straco; ła so opara ła conprende soratuto conponimenti poeteghi, drami, romanzi, oltre a testi de caratare łeterario, połiteg o fiłoxofego, e a on consistente epistołario. El xe autore anca de pareci disegni.

• Odi e poesie diverse (Odes et poésies diverses, poesia, 1822)
• Han d'Islanda (Han d'Islande, romanzo, 1823)
• Nuove odi (Nouvelles Odes, poesia, 1824)
• Bug-Jargal (romanzo, 1826)
• Odi e ballate (Odes et ballades, poesia, 1826)
• Cromwell (dramma, 1827)
• Le orientali (Les Orientales, poesia, 1829)
• L'ultimo giorno di un condannato a morte (Le Dernier Jour d'un condamné, romanzo, 1829)
• Hernani (dramma, 1830)
• Notre-Dame de Paris (romanzo, 1831)
• Marion Delorme (dramma, 1831)
• Le foglie d'autunno (Les Feuilles d'automne, poesia, 1831)
• Il re si diverte (Le Roi s'amuse, dramma, 1832)
• Lucrezia Borgia (Lucrèce Borgia, dramma, 1833)
• Maria Tudor (Marie Tudor, dramma, 1833)
• Letteratura e filosofia insieme (Littérature et philosophie mêlées, 1834)
• Claude Gueux (romanzo, 1834)
• Studio su Mirabeau (Etude sur Mirabeau, saggio, 1834)
• Angelo, tiranno di Padova (Angelo, tyran de Padoue, dramma, 1835)
• I canti del crepuscolo (Les Chants du crépuscule, poesia, 1835)
• Le voci interiori (Les Voix intérieures, poesia, 1837)
• Ruy Blas (dramma, 1838)
• I raggi e le ombre (Les Rayons et les ombres, poesia, 1840)
• Il Reno (Le Rhin, 1842)
• I Burgravi (Les Burgraves, dramma, 1843)
• Napoleone il Piccolo (Napoléon le Petit, poesia, 1852)
• I castighi (Les Châtiments, poesia, 1853)
• Lettere a Luigi Bonaparte (Lettres à Louis Bonaparte, lettere, 1855)
• Le contemplazioni (Les Contemplations, poesia, 1856)
• La leggenda dei secoli (La Légende des siècles, poesia, 1859)
• I miserabili (Les Misérables, romanzo, 1862)
• William Shakespeare (saggio, 1864)
• Canzoni delle strade e dei boschi (Les Chansons des rues et des bois, poesia, 1865)
• I lavoratori del mare (Les Travailleurs de la mer, romanzo, 1866)
• Parigi-guida (Paris-Guide, 1867)
• L'uomo che ride (L'Homme qui rit, romanzo, 1869)
• L'anno terribile (L'Année terrible, poesia, 1872)
• Novantatré (Quatrevingt-treize, romanzo, 1874)
• I miei figli (Mes Fils, 1874)
• Atti e parole - Prima dell'esilio (Actes et paroles - Avant l'exil, articoli e discorsi, 1875)
• Atti e parole - Durante l'esilio (Actes et paroles - Pendant l'exil, articoli e discorsi, 1875)
• Atti e parole - Dopo l'esilio (Actes et paroles - Depuis l'exil, articoli e discorsi, 1876)
• La leggenda dei secoli - 2^ serie (La Légende des siècles - 2e série, poesia, 1877)
• L'arte di essere nonno (L'Art d'être grand-père, poesia, 1877)
• Storia di un crimine - 1^ parte (Histoire d'un crime - 1re partie, romanzo, 1877)
• Storia di un crimine - 2^ parte (Histoire d'un crime - 2e partie, romanzo, 1878)
• Il Papa (Le Pape, poesia, 1878)
• La pietà suprema (La Pitié suprême, poesia, 1879)
• Religione e religioni (Religions et religion, poesia, 1880)
• L'asino (L'Ane, poesia, 1880)
• I quattro venti dello spirito (Les Quatres Vents de l'esprit, poesia, 1881)
• Torquemada (dramma, 1882)
• La leggenda dei secoli - 3^ serie (La Légende des siècles - 3e série, poesia, 1883)
• L'arcipelago della Manica (L'Archipel de la Manche, 1883)

Opere postume

• Teatro in libertà (Théâtre en liberté, drammi, 1886)
• La fine di Satana (La Fin de Satan, poesia, 1886)
• Cose viste - 1^ serie (Choses vues - 1re série, memorie e commentari, 1887, titolo non di Hugo)
• Tutta la lira (Toute la Lyre, poesia, 1888)
• Alpi e Pirenei (Alpes et Pyrénées, quaderno di viaggio, 1890)
• Dio (Dieu, poesia, 1891)
• Francia e Belgio (France et Belgique, quaderno di viaggio, 1892)
• Tutta la lira - nuova serie (Toute la Lyre - nouvelle série, poesia, 1893)
• Epistolario - Tomo I (Correspondances - Tome I, lettere, 1896)
• Epistolario - Tomo II (Correspondances - Tome II, lettere, 1898)
• Gli anni funesti (Les Années funestes, poesia, 1898)
• Cose viste - 2^ serie (Choses vues - 2e série, memorie e commentari, 1900, titolo non di Hugo)
• Poscritto della mia vita (Post-scriptum de ma vie, saggi filosofici, 1901)
• Ultimo fascio (Dernière Gerbe, poesia, 1902, titolo non di Hugo)
• Mille franchi di ricompensa (Mille Francs de récompense, dramma, 1934)
• Oceano. Ammasso di pietre (Océan. Tas de pierres, poesia, 1942)
• Pietre (Pierres, 1951)

Poeta

Manoscrito de La leggenda dei secoli.

Primi versi

Hugo el ga scuminsià a scrivare versi fin da xovane: a vint'ani el publica le Odi, publicae quatro volte tra el 1822 e el 1828).

'Ntel 1828, el taca da novo a scrivare dove a vien fora soratuto el mito de Napoleon.

Sucesivamente Hugo el se avisina a ł'exotismo co łe Orientałi, 'ntel 1829.

Ła maturità

Łe racolte sucesive — Le foglie d'autunno (1832), I canti del crepuscolo (1835), Le voci interiori (1837), I raggi e le ombre (1840) — i introduxe i temi magiori inte on quadro ancora łirico: ła dona, Dio, ł'amicisia, ła natura, el potere.

Ł'exiłio

Léopoldine Hugo 'ntel 1836, ritrata da Auguste de Châtillion

El momento de ł'exiłio el segna 'na svolta 'nte ła produsion poetica de Hugo: dała fuxion tra sublime storico e profondità intima a nase łe grandi racolte come I castighi (1853) e Le contemplazioni (1856).

I ultimi ani de vita de Hugo i xe indebołìi da 'na congestion serebrałe che ła ga meso praticamente fine ała so atività de scritor anca se a xe continuà a vegner fora regołarmente racolte de poemi fati prima, databiłi 'nte i ani 1850-1870, come La pietà suprema, L'asino, I quattro venti dello spirito, che i ga contribuio ała so łexenda de scritor mai stufo e inexauribiłe fin ai so ultimi momenti.

Dramaturgo

A se ghe zà dito de come Hugo el gabìa dà 'na svolta al teatro, col prołogo al Cromwell e co ła pièce Hernani: el ga teorixà e meso in pratica on novo tipo di asion sènica, queła del drama, deła mescołansa dei stiłi tragichi e comichi, alto e basso, sublime e grottesco), che el ga aplicà par ła prima volta a vintisiè ani, 'ntel Cromwell apunto (1827): rifiuto dełe convension clasiche come ł'unità de tenpo e de łogo, moltiplicasion dei personaji, dei łoghi, dei registri łenguisteghi... a tal punto che ła pièce — łonga quaxi 6000 versi — ła risulta masa conplesa e difisil da portar in sèna.

El ga avù suceso 'ntel 1830, co' Hernani, co' Lucrezia Borgia, del 1833) e fiaschi come Il re si diverte, del 1832).

El declin el xe scuminsià 'ntel 1843, col flop de I Burgravi che ło induxe a abandonar el teatro.

Romansiere

Victor Hugo el ga scrito nove romanzi. I ga coerto ł'intiero arco deła so vita, dal primo, Bug-Jargal, scrito quando che 'l gaveva sedexe ani, a ł'ultimo, Novantatré. I so romanzi i toca inoltre tuti i xeneri łeterari, senza ca ghe sia posibiłe darghe 'na definision univoca.

I primi romanzi i nase 'nte ani del grande suceso de Walter Scott; ma nonostante che ł'ispirasion primaria ła sia queła del romanzo storego, Hugo no 'l perde mai 'na serta indipendensa e rełatività dova ca ga senpre sopravento ł'atuałità drio ła storia. A xe cusì in Han d'Islanda (1823) e in Bug-Jargal (1826), ma soratuto par el so primo grande capołaoro, Notre-Dame de Paris, del 1831, afresco deła Parigi medieval e deła so catedrałe gotica, che ła riprende dai drami dei stesi anni ła tendensa ała mescołansa dei stiłi, de registri, ała conpenetrasion de sublime e grotesco, in particołar 'ntel personajo de Quasimodo.

Ł'atension ai problemi de ł'attualità sociałe ła ciapa corpo in łote apasionae contro ł'ingiustisia e ł'oscurantismo: L'ultimo giorno di un condannato (1829) e Claude Gueux (1834) i xe ało steso tenpo romanzi storeghi e sociałi inpegnai inte 'na łota — ł'abołision deła pena de morte — che ła supera i łimiti deła finsion. Cusì a xe anca par I miserabili (1862), che el vien fora intel periodo reałista e che el ciapa da questo pochi ełementi: dal mełodrama al didatico.

File:Victor Hugo-Cossette.jpg

Iłustrasion de Cosette par I miserabili, da Émile Bayard

Co I lavoratori del mare (1866) e L'uomo che ride (1869), ł'autore el se riavisina a ł'estetega romantica dei primi scriti, dominà da personaji deformi, mostruoxi, e da 'na natura spaventoxa. Pì visin ała storia el xe invezase ł'ultimo romanzo, Novantatré (1874), che el mete in sèna on tema parecio caro a ł'autor: el ruoło fondante deła Rivolusion fransexe 'nte ła cosiensa łeteraria, połitega, sociałe e morałe del XIX secoło.

Ła carateristega portante de tuti i romanzi de Hugo — come in xenerale de quaxi tuta ła so produsion — ła xe de non fermarse mai ała senplice piasevołesa: i xe senpre al servisio de on'idea.

Pensador

Sia 'nte łe opare poetiche o romansesche, sia inte i testi a sé stanti quałi saji, studi, łetare, Hugo el se bate par on'idea, on'ideołogia połitega, 'na concesion del mondo.

Ła poetica

I Romantici, caricatura de De Barray

Ła poetica de Hugo ła se esprime traverso łe so opare: sia in poexia, a teatro o 'nte ł'anbito deła narasion, el se pol considerar come queło che el ga introdoto el Romanticismo in Fransa ma el xe anca on artista par conto suo, che a no xe posibil clasificar soto 'na eticheta.

In poesia Hugo el aplica i stesi prinsipi deła misiansa dei stił; el se bate inoltre par on verso pì libaro, pì naturałe, che el se manifesta 'ntel rifiuto deła cexura e 'ntel largo utiłiso de enjambement, oltre che con 'na spontaneità che ła se rende traverso el frequente canbio de registro stiłistego e łenguistego: in particołar, el se bate par reinserir 'nte ła poexia tute quełe parole che łe ne gera sta bandìe, parché considerae massa banałi, di tuti i dì e quindi volgari.

Ła połitega

El ritorno de Victor Hugo, caricatura de André Gill

A partir dal 1849, Hugo el decide de dedicar on terzo deła so opara ała połitega, on terzo ała rełijon e on terzo ała fiłoxofia. El so pensiero el xe severo 'nte i confronti del so tenpo e deła società dove el vive, rifiutando tutavia quałunque condana arbitraria e qualsiaxi posision meramente manicheista.

El xe on riformista e el vurìa canbiar ła società: inte sto senso, el denuncia ł'ineguajanza sociałe, e in particolar i siori. Ało steso modo, el xe contrario ała viołenza se ła xe praticà contro on governo democratico, ma ła giustifica par tirar zo on potere iłegitimo: par questo 'ntel 1851 el lancia 'na ciamada ałe armi che però no ła vegnarà sunà su.

Riguardo ała pena de morte, Hugo el xe on abołisionista iriduxibiłe.

Fotografia de Victor Hugo 'ntel 1884

Pì in xenerałe, i discorsi pronunciài da Hugo sui grandi temi de ł'attuałità i xe pareci; ła major parte ła xe ragrupà in Ati e parołe, 'na racolta de discorsi, dichiarasion e testi połiteghi publicà tra el 1875 e el 1876. Tra questi:

• contro el laoro infantil (discorso alla Chambre des pairs, 1847);
• contro ła mixeria (9 de lujo 1849);
• so ła condision deła dona (in ocaxion dei funerałi de George Sand, 10 de giugno 1876);
• contro ł'insegnamento rełigioxo e a favor deła scoła łaica e gratuita (Discorso a propoxito deła lexe so ł'insegnamento, 15 de genaro 1850);
• a favore deła pace (in ocaxion de ł'apertura del Congreso deła pace, 21 de agosto 1849);
• a favore del sufragio universal.

Victor Hugo el se ga espreso anca so ła cołonisasion]] de ł'Algeria, prinsipałe aventura cołoniałe deła Fransa in quei ani. Se el xe sensibiłe al discorso deła cołonisasion come civiłisasion, el resta comunque sietico riguardo ałe capacità civiłisatrici deła pacificasion miłitare, e ł'individua 'nte ł'Algeria conquistada on post sfrutà par deportarve quei che a se oponeva al colpo de stato de Luigi Napoleone Bonaparte. A se nota che, riguardo ała schiavitù, zà presente 'ntel precoce romanzo Bug-Jargal (scrito 'ntel 1818) — dove tutavia el pare condividare i pregiudisi dei so contenporanei a propoxito dei neri — el mantien on siłensio sorprendente quando ła vien abołìa, 'ntel 1848, intervegnendo soło par domandare ła grasia de ł'abołisionista statunitense John Brown. Ła so vixion poxitiva deła mision de ł'uomo ła xe condensà inte uno dei so versi pì sełebri:

Hugo a Jersey, sullo scoglio detto "dei proscritti"

Łigamenti foresti

• Victor Hugo
• (FR) Il portale Victor Hugo
• (FR) La casa di Victor Hugo a Parigi
• Victor Hugo disegnatore
• Opere di Victor Hugo

Prèdecesòr:	Segio 14 de ł'Académie française	Sucesor:
Népomucène Lemercier	1841 - 1886	Charles Marie René Leconte de Lisle