Franz Kafka

Kafka inte'l 1906

Franz Kafka el xe stà un famoso scritor ceco de lengua todesca, citadin de l'Inpero austro-ungàrego fin al 1918 e, sucessivamente, cecoslovaco.

Le temàteghe de Kafka, el senso de smarimento e de angossia da rente a l'esistenza, i carga la so òpara de contegnùi folisòfeghi che i ga stimolà l'esesesi de la so òpara spezialmente a partir da la metà del Novecento. No i xe pochi i crìtici che i ga intravisto lementi esistenzialìsteghi tant spicai e tai da farghene un esistenzialista o in manco un anticipador de l'esistenzialismo contenporàneo.

Biografìa

1883-1901

Kafka a l'età de cerca cinque ani

Kafka el xe nassùo el 3 de Lugio inte na famegia ebrea de la media borghesìa de Praga, cavedal de la Boemia. Cofà che giera comun par la borghesìa praghese de lora, la famegia le giera de marelengua todesca.

So pare, Hermann Kafka, el giera un bothegher che el gaveva un enporio Galanteriewaren a Praga. So mare, Julie Löwy, la giera anca ela de orìsene ebrea.

Hermann Kafka, el giera el quarto fiòl de Jacob Kafka, un becher che el se gaveva trasferìo a Praga da Osek, un vilagio ebràego, situà vicin a Pisek, inte la Boemia meridional, onde che se cïacolava la lengua cega.

El ga scuminzià a laorar cofà rapresentante e quindi el ga verto na botega, su de che la insigna giera figurà na grola (cornacïa)(in cego kavka).