Difarense intrà łe version de "Montel"

Da Wikipedia, l'ençiclopedia libara.
[Revixion njiancora controłà][Revixion njiancora controłà]
Contenuto cancellato Contenuto aggiunto
{{W}}
Nessun oggetto della modifica
Riga 38: Riga 38:
[[Categoria:Montagne del Vèneto]]
[[Categoria:Montagne del Vèneto]]


[[it:Montello]]
[[it:Montello (monte)]]

Version de le 23:33, 1 maj 2008


El Montel el xe na cołina su ła destra Piave.

Storia

Fin da tenpi assae remoti l'homo ghe ga abità. La prova ła vien da veri e propri depositi de selce lavorada par ponte de frece, lame, manère etc. risalente al paleolitico che se trova in maniera particołarmente abondante.

Par ła Serenisima se tratava del bosco publico overo de ła reserva de legname più vezsina in termini geografeghi, co tuto quel che questo vol dir dal punto de vista strategico. La Republica ła podeva farghe conto par far rivar a l'Arsenal legname in tenpi de record pa' łe nave e anca pa łe fondamente de la zsità.

I tronchi i vegnéa spedìi in laguna via acqua su ła Piave (fluitazsion). Naturalmente jera proibìo, pa' le popołazsion de ła zona, de tajar i àlbari, e anzsi a l'arsenal jera gestìo un vero catasto dei tronchi che ghe permeteva al Proto, el diretòr generàl, de ordinar esatamente el tajo de i tronchi pì adati. La stesa cosa vałeva pa' i altri boschi publici. Sensa questo tipo de difesa, severisimo e parfin crudel, molto probabilmente el bosco sarìa stato meso a sachejio ben prima de la fine de ła republica.

Le cronache łe riporta che dopo ła fine de ła Republica aristocratica, a partir dai tenpi de la conquista sabauda, el Montel el jera despojà dai abitanti stessi dełe comun limitrofe. La povera jente par tuto el periodo de l'alterna dominassion francese e todesca ła gaveva dovesto subir na serie continua de carestie e de sacheji dei eserciti de na parte o del'altra dei contendenti francesi e autro-ungareschi. E però in te un modo o in te naltro i governi, sopratuto quel austriaco i jera stati boni de preservar in parte el bosco come risorsa publica. Col Regno d'Italia l'arzene aministrativo se rompe. In tel jiro de 20-30 ani el bosco xe devastà. A cuesto senpio gaveva partecipà anca i stesi dissendenti dei guardiani che ła Republica meteva a guardia del bosco, i sołi a 'ver el permesso de abitarghe, i "bisnenti" (forse da bis-gnente, do' volte gnente).

Più o meno a l'epoca de ła lege Bertołini (un pèr de mesi dopo, vedi soto), Paładini in tel so libro “Asolo e il suo territorio” descrive el Montel cussì: ”Povera selva! Era una gran bellezza della nostra provincia: la si vedeva da ogni altezza, come una lama bruna sulla destra del Piave. Ciascuno di noi, credo, sentisse per essa una viva simpatia ché certo tutti avevamo nel sangue qualche effluvio dei suoi fortificanti aromi. Il suo carattere di grandiosità, di forza, di mistero, seduceva la fantasia: aveva del ciclope e del negromante. Venti chilometri di estensione, querce secolari enormi, burroni inesplorati, foschità paurose. E ci balenava alla immaginazione in un velo di leggenda e di tradizioni tragiche: santi, romiti, maghi, streghe, grassatori, lupi, viperai. Ad essa inoltre mettevan capo le fila di gentili ricordi: tutti avevano passato dentro essa, qualche bella giornata di gioventù, o gite sollazzevoli, o in caccie squillanti, terminate da cene e balli indimenticati. Ma a chi si sente degnamente della patria era anche un ricordo superbo e sacro: da essa Venezia aveva tratto copia di legname per le sue gloriose galee. Povera selva! Quante mani unghiute acciuffarono la tua magnifica chioma, prima che tu mostrassi calva , la nuca! Povera selva! Io penso che dal tuo tetro grembo uscirono forse le galee di Dandolo, di Morosini, di Venier, unici lampi di valore, di gloria, in una lunga agonia di servitù e miseria…. Io penso all'aria imbalsamata che diffondevi nei paesi intorno, ove le tempre degli uomini son forti e soave è la beltà delle fanciulle…. Io penso a questa nuova specie di farisei che ha sempre sul labbro la patria, e poi si mangerebbe le sue memorie, le sue glorie, le sue bellezze in un pasto solo, e avrebbe fame ancora”.

Dopo l'anesiòn al Regno Sabaudo, in tel 1892 par opera del Senatòr Bertolini de Montebełuna, l'area del bosco Montel ła xe stata parcełizada e concesa in proprietà ai bisnenti. L'intenzion ła jera de incorajar el sfrutamento agricoło o pastoral de ła zona. I risultati no i podeva che essar deludenti. L'acqua, de fati, ła xe senpre stata el problema più grando e ła so' scarsità ga seriamente compromeso se no inpedìo un sfrutamento vantajoso dal punto de vista agricoło. Cussi ła xe 'ndada a finir che el "Bosch" come che el vien ciamà da łe so' parti, el xe restà altro che un bosco, dato che sołamente ła flora boschiva ghe prospera, co ła difarensa che łe albare grande e monumentałe (rori, castagneri, qualche frassene etc.) łe xe del tuto sparìe. Al so posto ghe xe 'na parensa de bosco che in realtà el xe pì che altro un bosco da tajo a basso fusto prinçipalmente par legna da fògo a sfrutamento familiar.

Durante ła Prima Guera Mondial, dopo ła disfata de Caporeto, ła linea del fronte la s'avéa fermà su ła Piave, coi Tałiani su ła destra, e i Austriaci su ła zanca: el Montel el jera de gran inportansa strategica, e sede de fortificasion taliane (ancora deso se pol visitar diversi monumenti, come el Oservatorio del Re a Croseta del Montel, na costrusion blindada che varda da l'alto la val de ła Piave). Na tracia permanente de ła miłitarisassion dea cołina se ła riconose dal traciato stradal. La cołina ła xe divisa in do' parti sul crinal in senso longitidinałe su ła linea Est-Ovest(avendo pi' o meno ła forma de na ciopa de pàn longa)da queła che dèso ła xe ła strada provincial, e in senso traversałe da un certo numaro de strade paralele che łe va da na parte a l'altra perpendicołarmente su ła linea Nord-Sud. Quasi tute ste strade łe xe note come "prese" e no łe ga veri nomi; se łe distingue ciamandołe co un numaro ex.: presa 11, 5, 10, etc. Solamente qualcheduna ła porta nomi de generałi, ex. "General Vaccari". Questo fa pensar, e ansi el dà rajonevolmente na certessa, che tute ste strade de acesso łe sia state costruìe a scopo miłitar.

Poco se sa in genere de l'antiga Abasìa de Nervesa, de che se pol vedar ormai sołamente pochi ruderi restai dopo la distrusiòn dei conbatimenti apunto de ła prima guera mondial. Epur, proprio là xe el posto dove che Monsignor de La Casa el ga scrito el so' famoso Galateo e altro.

Uncuò el Montel l'è na zona famosa pa' i fonghi (i ciodet del Montèl) pa' łe patate e par i agriturismi. L'è diviso tra i comuni de Montebełuna, Croséta del Montèl, Volpago del Montèl, Javera del Montèl e Nervésa de ła Bataja.

Geologia

Par pacifego che ła cołina del Montèl ła sia de natura morenica, cioè che ła se gapia formà durante na 'grande glaciazione' soto ła incredibiłe pression de un enorme ghiacciaio. Le so' crode, de fati, łe xe conglomerati de sassi conpressi e calcificài insieme. Sòra el strato rocioso se trova un spessor primigenio de terén conpato e argiłoso co forte contenuto de minerałi ferrosi, che el pòl andar da pochi centimetri a diversi metri, del carateristego cołor rosso dei ossidi ferosi. In cuesto senso se nota na somejansa assae forte col terén de l'Istria. La strutura geologica ła xe tipicamente carsica co' na notevołe scarsità de aqua in superfice.

Paesagistega

Par efeto de 'na połitica bastansa justa de salvaguardia, i insediamenti urbani i xe restai scarsi e vincołai col risultato che ancora al dì de un cuò se pol gòderse 'na (rełativa) pase, paesaji e vedùe fascinose e fresche piene de luce. Insoma el Montèl ga 'ncora el so' fascino, a despeto de tuto, e el resta na atrativa ançestral pa' i vesini abitanti de Treviso ma anca de ła teraferma Venessiana. In fin dei conti Treviso fin dal 1339, se sà, ła xe senpre stata stretamente ligada co Venessia, praticamente na Venessia in teraferma.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Montel&oldid=141966"