Descargamento (informadega)

Da Wikipedia, l'ençiclopedia libara.

El descargamento o in lengua inglexe download el njien dito par dir in informadega a che l'asion de riçevare o catar fora da na rete tełematega (par exenpio on sito web) on file par dopo pasarlo sol disco duro del computer o so n'altra periferega de l'uxuario.

Inte la major parte dei caxi, el descargamento de on file, xe chel che njien dopo na domanda, pì o men veritiera, al uxuario de sistema. L'asion contrara ła se ciama cargamento o in inglexe upload.

El proçedare[canbia | canbia el còdaxe]

Schema senplifegà

Tute le olte che on computer conetà a Internet el domanda na pajina o on calsiasi contegnuo so internet, on computer remoto el invia el mestiero domandà traerso na rete de calcoladori fin al computer chel ghea invià la domanda, che dopo el riçeve i dati soto firma de pacheti da ricostruir.

A drento de sto mecanismo, la domanda de descarga (download) chel computer fa al sistema remoto, el prevede on envio de informasion al sistema remoto, ma nol njien definio proprio come upload (cargamento), dato che njien trasferie solo le informasion neçesarie par sincronixar el trasferimento de dati. Par sto motivo, el descargamento de on file el porta de neçesità anca a la doparasion de parte de banda de l'upload; ma inte el caxo andove la banda in caricamento la sia piena, la veloçità del descargamento el se autolimitarà.

Ła veloçità pì granda co la cual se pole descargar pacheti, la xe ligada co forsa co la banda de descargamento o anca ciamà downstream, dependendo da la linea de colegamento, sia che la sia separada rixida (Adsl) o dinamegamente (fibre oteghe) da la banda de upload, l'upstream.

En particolar inte la tecnolojia de entrada a la rete Internet co ADSL, al corivo (fluso) de descargamento intrà el destinatario e da andove riva la comunicasion, xe asoçià a na banda de traxmision majore de chela de cargamento (asimetria o sbałansamento), in cuanto tal el ultimo corivo (che ciapa el trafego de segnalasion) xe pì baso a chelo de trasferimento de informasion che pole servir a l'uxuario e setà a valor pì baso par otegnere on risparmio de la banda total del canal full-duplex de comunicasion.

Tante olte eldescargamento el se fa anca traerso tecneghe de Compresion dei dati dei file, par scursar la grandesa dei file da descargar e, donca, el tenpo de descargamento. Xe ovio che se el file el njien compreso par sti motivi, dopo na olta scaricà el ga da esar decompreso par esar doparà.

Protocoli e modeli[canbia | canbia el còdaxe]

Vegnendo, xe riportai alguni protocoli a livel de aplicasion del modelo TCP / IP, e i metodi o i modeli pì doparai par el descargamrnto de file so Internet.

Protocoli (a livel de aplicasion)[canbia | canbia el còdaxe]

HTTP - Protocolo stàndar pal scanbio de documenti ipertestuali e de multimedia, doparai dai navegadori par la vixualixasion de pajine Web.

FTP - protocolo stàndar pal scambio de file intrà computer co calsiasi sistema operativo.

Metodi / Modeli[canbia | canbia el còdaxe]

Client-Server : El server dà le rixorse (in sto caxo, i file del computer) che el client dimanda (el vole descargar?).

P2P - On sistema de comunicasion Internet che no ga client o server fissi, ma na serie de lighi che i se conporta inte el steso tenpo ai client e ai server altri lighi inte la rete.

Altri projeti[canbia | canbia el còdaxe]


lingambi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Descargamento_(informadega)&oldid=1086859"