Difarense intrà łe version de "S-ciavismo en Africa"

Da Wikipedia, l'ençiclopedia libara.
Navega in tel istorego in manjiera interativa
[Version verifegà][Version verifegà]
← Difarensa pì vèciaDifarensa pì nova →
Contenuto cancellato Contenuto aggiunto
VixuałeWikitesto
Pulisca
Escarbot (discusion | contribusion)
Bot
40 862 modifiche
p wikidata interwiki
Riga 77: Riga 77:


[[Categoria:Istoria de l'Africa]]
[[Categoria:Istoria de l'Africa]]

[[da:Slavehandel]]
[[de:Sklavenhandel]]
[[it:Schiavismo in Africa]]
[[nl:Slavenhandel]]
[[pl:Handel czarnymi niewolnikami]]
[[pt:Escravidão na África]]
[[ru:Работорговля]]
[[simple:African slave trade]]

Version de le 14:08, 13 mar 2018

Lo Sciavismo en Africa el xe senpre esistio. Lo steso nome del continente el vien da na raixa fenicia (AFR) che la vol dire sciavo, sotomeso. Se dee sotolineare che lo sciavismo el ga vù n’inpato diverso sol continento longo i secoli. En te i ultimi secoli, inportanti le xe stà le trate atlantiche, orientali e le nove forme de sciavitù che le ga meso la majoria de la popolazion africana en na situasion de sfrutamento e de limitasion de la libartà personale.

Sciavismo locale

Trasporto de sciavi en Africa en tel XIX secolo

I sciavi i xe senpre esistii en Africa. Ne la majoria de i casi, se tratava de forme de aservimento de nemici o de zente che no la podea pagar i debiti. Senz’altro, tanti sciavi i ga visù la so situasion come normale, parte de la vita. No ghe xe mancà, purtropo, anca forme catie, violente de sciavitù tra africani. Bisogna anca tegnar conto che i sciavi i no gavea na vita pi dura de i contadini soto paron. Da vari documenti se capise che quasi tute le siviltà pi grandi del pasà le vivea grasie al laoro de i sciavi. En te la region del Seneganbia, dal 1300 al 1900 on terzo de la popolasion la xera de sciavi. Lo steso se pol dir de i regni del Ghana, Mali, Segou, e Songhai. En tel XIX secolo, metà de la popolasion de la Siera Leon la xera formà da sciavi. De tuti i regni de cui ghemo documentasion se pol dir lo steso.[1][2][3][4][5][6]

Sciavismo in Songhai

El regno Songhai a lo so masima espansion

EN tel ergno del Songhai no ghe xeera na diferenza pratica fra sciavi e contadini vasali. Ste do categorie de lavoradori le xera utilizade da la clase dominante par i so interesi. I sciavi i podea verghe propietà privada e anca riscatar la so vita. I nobili i podea anca sposar na dona de le caste pi base.[7].

Etiopia

La majoria de i sciavi en Etiopia la vegnea usada par i laori de casa. I xera menbri de la fameja, ancse se considerà inferiori. I sciavi i gavea da magnare, i vestii e la protezion de i paroni.[8] Le sciave le gavea anca el ruole de concubine. I sciavi i podea far marcà e tegnarse i guadagni.[9] L’imperator Tewodros II (1855-1868) el ga stabilì la fine da la sciavitù,[10], anca se de fato la sciavitù la xe rimasta legale fin al 1923, co l’Etioipa la xe entrada en te la Lega de le Naxioni.[11] No bisogna dismentegarse che l’Etiopia la gavea on sistema de latifondismo do anca i omeni libari i dovea laorar par i signoroti come servi de la gleba. On quarto de la popolasion i xera sciavi.[12] La fin de sto sistema la xe rivà solo ch een tel 1942.[13][14][15]

Somalia

En tel sud de la Somali se cata de le popolasioni nere bantu. Sta zente no la xe originaria del Corno d’Africa. I xe i disendenti de i sciavi portà qi en tel XIXX e XIX secolo da i marcanti swahili e arabi. Ancò i bantu somali i xe 700 000, su na popolasion de 11 milioni de abitanti. I bantu i se sa sedentarisà e i pratica l’agricoltura. Ancora deso i xe discriminà da la majoria de la popolasion.[16]

Nord Africa

En tel nord d l’Africa, i sciavi i ghe xe senpre stà. La majoria de i sciavi i vegnea da le regioni a sud del Sahara, ma ghe xera anca tanti sciavi eoropei, rapì da i arabi e i berberi so le coste del Mediteraneo.[17][18] En te la società saharawi ghe xera tante caste, co na società fonrtemente stratificà. I haratin i e senpre stà la casta pi basa. Neri e sciavi, i haratin i xe sciavi anca ancò.[19][20][21]

Sciavi esportà

Trata setentrionale

La pi vecia trata de sciavi africani la xe quela trans-sahariana ocidentale. Dopo el X secolo, co l’arivo de i dromedari e la penetrasion araba longo el Nilo co la caduta de i regni cristiani de la Nubia, la trata la sa verto anca a la zona orientale del nord del continente. Dal X al XIX secolo, almanco on milion de africani i xe rivà so le coste mediteranee come sciavi. Bisogna tegnar conto de i miliari de africani che i xe morti durante el tragito.[22] El numaro el xe pi grande en tel sol XIX secolo. I sciavi vendui en te i mercati del Maghreb i deventava parte de la fameja che li conpraa. On bon numaro de sciavi i vegnea usadi come soldadi. Le done le diventava concubine.[23] La majoria de i sciavi maschi i vegnei castradi e alcuni i laorava en te i harem.[24] El sultan marochin Moulay Ismail el ‘sanguinario’ (1672-1727) el gavea n’armata de 150 000 sciavi neri chiamada la Guardia Nera, che lo ga jutà a sotometar el paese.[25]

Trata Orientale

Co i navigadori arabi i xe stà boni de controlar le rote de l’oceano Indiano (IX secolo), i ga tacà a far marca de sciavi. I primi tenpi, i vendea qualche miliaro de sciavi a l’ano. On po’ a la olta, la trata la vendea 40 000 sciavi a l’ano, co on pico de 50 000 en tel sol marcà de Zanzibar par tuto el XIX secolo.[26] Altretanti i ga lasà l’Africa pasando da i porti minori del Corno d’Africa e del nord del Mozanbico.[27]. I marcanti i ga catà su schei e richeze. Basta ricordarse de Tippu Tip, che a la so morte el gavea sete piantagioni a Zanzibar e pi de diesemila sciavi. I marcanti i atacava i vilagi, copando tuti quei che i se se difendea. Tanti i moria su la strada verso la costa.[28][29][30][31] Da i calcoli fati da i storici, se sa che almanco 17 milioni de sciavi i ga traversà el Mar Roso, l’oceano Indiano e el Deserto del Sahara tra el 650 e el 1900.[32][33]

La Trata Atlantega

La trata de i sciavi che pasava da l’oceano Atlantego la xe stà pi curta de le altre, ma altretanto violenta. I sciavi i servea a le piantagioni del sudamerica. Manodopera a baso costo e forte la dovea sopiantar i indiani latinoamericani che i morea soto lo sforso fisico, le malatie portà da i eoropei e la violensa de i coloni. Portoghexi e spagnoli i ga scominsià a usar i sciavi fin dal 1501.[34][35] En tel 1452, el Papa Nicola V el ga scrito on documento do el ge dava al re del Portogalo Afonso V el dirito de far sciavi el “saraceno, pagano o senza fede”. L’obietivo del Papa el xera quelo de sostegnar la lota contro i pirati arabi e berberi che infestava el Mediteraneo. Stò documento el xe, invese, utilizà par darghe valor legale a la trata. I paexi protestanti i no se sa mai fato on problema, e co el marcà nordamericano el ga volesto sciavi, i paexi del nord Eoropa i xe entrà en tel marcà. I inglexi i ga presto tolto el monopolio de la trata atlantega.[36] El pico de la tratta atlantega el xe stà en tel XIIX secolo. I marcanti i crompava i sciavi da i re locali de la costa africana. I regni de Oyo (yoruba), Kongo, Benin, Fouta Djallon, Kaabu, Dahomey, i xe diventà richi co la trata.[37][38]

Regni locali

I re del Dahomey i vendea i prisonieri de guera, che i saria stà destinà a la morte durante le feste nazionali de tuti i ani.[39][40][41] L’impero Bambara e i regni Khasso i gha scominsià a far guere propio par caturar sciavi da vendar.[42] L’impero del Benin el xe diventà rico en te i secoli XVI e XVII propio co la trata. I sciavi i vegnea vundudi a portoghexi e olandexi. El golfo de Benin el xera conosù come “La costa dei schiavi”.[43][44]

Efeti de la sciavitù

Efeti en Africa

Tuti i dixe che la trata de i sciavi la xe stà on fenomeno negativo par el continente. La discusion tra i storici la xe so i efeti che la trata la ga vù su i vari regni e popolasioni. La trata la ga impoverio vasti trati africani. A lo steso tenpo, alcune etnie le ga beneficià da el marcà de i sciavi. Basil Davidson, no storico inglexe de l’Africa chel ga speso mostrà na tendensa a difendare l’Africa pitosto che l’Eoropa, el dixe che vaste aree de l’Africa Ocidentale le ga vù on beneficio da la trata de i sciavi.[45] Altri storici i ga demostrà che, ad esenpio, la Guinea la gavea introiti anui de 3,5 milioni de sterline inglexi ne i ultimi ani del XIIX secolo. Ne i stesi ani, el RegnoUnio – la grande potensa economica del tempo –la gavea un introito de 14 milioni di sterline. L’afluensa economica la ga vù na ricaduta positiva su le società che le aministrava la tratta. Il trafico trans-sahaiano el xe stà pi limitato, co sciavi che i ndava a laorar en te le case de i paroni. La trata longo el Nilo, parò, la xe stà dramatica, come i ga scrito i testimoni del tenpo: Daniele Comboni, Gordon Pashà, Romolo Gessi. I misionari catoleghi che i xe rivà an te la region del Sudd i ga dito che tante zone le xera disabità par via de i sciavisti. Da la parte de i sciavi, el xe ciaro che la sciavitù no la posa esar vista come positiva. Lo sciavo el xe sempre stà opreso, maltratà, sensa libartà e sensa diriti umani.

Efeti in ocidente

La trata la ga dato on inpato economico a le economie ocidentali. Co i sciavi, i paexi colonisadori i ga podù svilupar le piantagioni e le miniere en te le Americhe. L’acumolo de capitale el ga parmeso lo svilupo industriale de l’Eoropa.

Varie società de i diriti umani le ga conbatù la trata, che la xe stà mesa fora lege solo co le considerasioni politeghe le ga favorì la fine de la sciavitù. I inglexi i ga capio che sensa sciavi le economie de le Amreiche le saria andà a remengo, e che el xera posibile utilixar la lota a i sciavisti par metar fine a el control islamico so la trata en Africa. L’abolision de la sciavitù la ga parmeso a i inglexi de diventar pi forti politegamente e economicamente, e de ocupare vasti trati de Africa co la scusa de la guera a la trata.[46] Simili considerazioni permisero la vittoria degli abolizionisti in Francia.[47]

Abolision

En Eoropa, anca a causa de la Rivolusion Francexe, la sensibilità a i diriti umani la xe cresuda en te i secoli XVIII e XIX. La Fransa la xe stà la prima nazion eoropea a abolir la sciavitù en tel 1794. Napoleone la ga rimesa en piè en tel 1802, e l’abolision definitiva la xe rivà en tel 1848. I inglexi i ga abolio la sciavitù en tel 1807.[48] En tel 1820 anca i Stati Unii de America i ga abolio la sciavitù.[49] I inglexi i ga dato ordine a la marina de fermar le navi de i sciavisti e de libarar i sciavi. Tra el 1808 e el 1860, el “West Africa Squadron” – Squadrone de l’Africa Ocidentale – el ga fermà 1.600 navi di sciavisti e el ga libarà 150 000 sciavi.[50] El Portogalo el ga continuà per qualche ano, ma la trata atlantega la xe terminada par la metà del secolo XIX. La trata de i paexi islamici la xe ndà vanti ancora par on toco. La marina inglexe no la podea controlar tuto el trafico fato co barche picole longo la costa. El porto de Aden el xe imasto on centro de sciavismo fin a i tenpi moderni. A l’interno de l’Africa, i sciavi i ghe ancora. Tuti i stati i ga abolio la sciavitù, ma la pratica la continua en Sudan, Ciad, Niger, Mauritania.[51] En Mauritania almanco 600 000 persone – 20% de la popolasion – i xe sciavi .[52][53] En Niger l’8% de la popolasion la xe de sciavi.[54][55] No se pol dismentegarse de le nove forme de sciavitù. En te i paexi che ga visto guere sivili (Congo, Sierra Leone, Liberia, Angola, Mozambico e altri), done, buteleti e anca omeni adulti i xe stà usà par jutare i militari, scavar en te le miniere, come ogeti sesuali. Lo steso se pol dir de i abitanti de le tante baracopoli africane, abità da zente che la guadagna manco de on dolaro al dì e vive in zone urbane do la vita la costa come en Eoropa.

Note

  1. ↑ Welcome to Encyclopædia Britannica's Guide to Black History
  2. ↑ Slow Death for Slavery - Cambridge University Press
  3. ↑ Digital History Slavery Fact Sheets
  4. ↑ Tanzania - Stone Town of Zanzibar
  5. ↑ Fulani slave-raids
  6. ↑ Central African Republic: History
  7. ↑ "Slavery In Arabia", "Owen 'Alik Shahadah".
  8. ↑ Ethiopia - The Interregnum
  9. ↑ "Ethiopian Slave Trade"africanholocaust.net.
  10. ↑ Tewodros II
  11. ↑ Kituo cha katiba >> Haile Selassie Profile
  12. ↑ Twentieth Century Solutions of the Abolition of Slavery
  13. ↑ The slave trade: myths and preconceptions
  14. ↑ Ethiopia
  15. ↑ Chronology of slavery
  16. ↑ Africa's Lost Tribe Discovers American Way
  17. ↑ Historical survey > The international slave trade
  18. ↑ Arabs and Slave Trade
  19. ↑ Slavery in The Sahara
  20. ↑ Fair elections haunted by racial imbalance
  21. ↑ Caste: One in every 25 people suffers from caste discrimination
  22. ↑ Fage, J.D. A History of Africa. Routledge, 4th edition, 2001. pg. 256
  23. ↑ Battuta's Trip: Journey to West Africa (1351 - 1353)
  24. ↑ "Myths regarding the Arab Slave Trade", "Owen 'Alik Shahadah".
  25. ↑ Lewis. Race and Slavery in the Middle East. Oxford University Press 1994.
  26. ↑ Swahili Coast
  27. ↑ Fage, J.D. A History of Africa. Routledge, 4th edition, 2001. pg. 258
  28. ↑ David Livingstone; Christian History Institute
  29. ↑ The blood of a nation of Slaves in Stone Town
  30. ↑ BBC Remembering East African slave raids
  31. ↑ Zanzibar
  32. ↑ The Unknown Slavery: In the Muslim world, that is -- and it's not over
  33. ↑ The Forgotten Holocaust: The Eastern Slave Trade
  34. ↑ John Henrik Clarke. Critical Lessons in Slavery & the Slavetrade. A & B Book Pub
  35. ↑ HEALTH IN SLAVERY
  36. ↑ The National Archives | Exhibitions & Learning online | Black presence | Africa and the Caribbean
  37. ↑ The Great Slave Empires Of Africa
  38. ↑ The Transatlantic Slave Trade
  39. ↑ Museum Theme: The Kingdom of Dahomey
  40. ↑ Dahomey (historical kingdom, Africa)
  41. ↑ Benin seeks forgiveness for role in slave trade
  42. ↑ Le Mali précolonial
  43. ↑ The Story of Africa
  44. ↑ African Slave Owners
  45. ↑ Basil Davidson, Black mother : Africa and the Atlantic slave trade Harmondsworth: Penguin Books, 1980.
  46. ↑ Digital History
  47. ↑ Guillaume Daudin « Profitability of slave and long distance trading in context : the case of eighteenth century France », Journal of Economic History, vol. 64, n°1, 2004
  48. ↑ The legal and diplomatic background to the seizure of foreign vessels
  49. ↑ 1820 U.S. Law on Slave Trade
  50. ↑ Sailing against slavery
  51. ↑ Human Rights Watch Slavery and Slave Redemption in the Sudan
  52. ↑ The Abolition season on BBC World Service
  53. ↑ Poverty, tradition shackle Mauritania's slaves
  54. ↑ Born to be a slave in Niger By Hilary Andersson, BBC Africa Correspondent, Niger
  55. ↑ The Shackles of Slavery in Niger


Ligadure foreste

Africa (mappa di Ortelius)
Africa (mappa di Ortelius)

Storia de l'Africa
Algeria · Angola · Benin · Botswana · Burkina Faso · Burundi · Camerun · Capo Verde · Ciad · Comore · Costa d'Avorio · Egito · Eritrea · Etiopia · Gabon · Gambia · Ghana · Gibuti · Guinea · Guinea Equatorial · Guinea Bissau · Kenya · Lesotho · Liberia · Libia · Madagascar · Malawi · Mali · Maroco · Mauritania · Mauritius · Mozambico · Namibia · Niger · Nigeria · Rep. Zentrafricana · Rep. Dem. del Congo · Rep. del Congo · Ruanda · Sao Tomè e Príncipe · Senegal · Sahara Ocidentale · Seychelles · Siera Leon · Somalia · Sudafrica · Sudan · Swaziland · Tanzania · Togo · Tunisia · Uganda · Zanbia · Zinbabue

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=S-ciavismo_en_Africa&oldid=584121"