Ganimede (astronomia)

Ganimede

Ganimede l'é el prinžipal satèlite del pianeta Giove e 'l pì grant de tut el Sistema sołare; el pasa via par dimension (ma no par massa) el pianeta Mercurio. Ganimede 'l fa na orbita intorno a Giove in poc pì de sète dì ed el é al dopio dela distanža da Giove rispeto a Europa e al quadriplo rispeto a Io.

El é fat pì che altro de silicati e giaž de aqua. El nucleo, ben distinto, el é fat de fèr fuso. Se pensa che esiste 'n oceano de aqua salađa a žirca 200 km de profondità dala superfis, compreso tra do strati de giaž. La superfis ganimediana la mósa do tipi de taren prevalenti: le region scure, vecie e piene de crateri, ke se pensa che le se sie formađe 4 miliarđi de ani fa e che scuerž en teržo del satelite; e le zone pì ciàre, de formažion en cic pì recente, piene de scosendimenti e cròti che scuerž el resto. La cauxa dele striature che se vet tele zone ciare no la é 'ncora compresa del tut, ma fursi le é el risultato dela atività tettonica ativađa dal riscaldamento dele maree.