Carlo Mazzacurati

Carlo Mazzacurati (Padoa, 2 de marso 1956) el xe un regista e scenegiador veneto.

Fiolo de l'ingegner Giovanni Mazzacurati, el xe stà animador del cineclub padoan Cinema Uno insieme con Piero Tortolina.

Nel 1979 el ga realixà grassie a na eredità un film in 16 mm, Vagabondi, che nel 1983 el ga vinto el premio de distribusion oferto da la Gaumont al festival milanese Filmmaker. Ma la successiva smobilitasion de la casa de distribusion la ga impedìo al film de rivar in te le sale.

Dopo el se ga trasferìo a Roma, in do el ga laorà ai testi de alcune trasmision televisive e nel 1985 el ga scrito insieme a Franco Bernini la scenegiadura de Notte italiana, che xe stà trasformà in film nel 1987.

El ga conquistà el Leon d'Arxento nel 1994 co la pelicola Il toro.

Come scenegiador el ga colaborà tra i altri con Daniele Luchetti e con Gabriele Salvatores, vinsendo el Premio Solinas par la scenegiadura de Marrakech Express. El ga resità in parti picenine in quatro film de Nanni Moretti.

I so film i xe spesso ambientà in Veneto, come La lingua del santo che el se svolge tra Padoa, i Coli Euganei e la laguna veneta, o La giusta distanza ambientà prinsipalmente nel delta del Po.

Filmografia

Regista

• Vagabondi (1979)
• Notte italiana (1987)
• Il prete bello (1989)
• Un'altra vita (1992)
• L'unico paese al mondo (1994)
• Il toro (1994)
• Vesna va veloce (1996)
• L'estate di Davide (1998)
• La lingua del santo (1999)
• Ritratti: Mario Rigoni Stern (2000) - documentario
• Ritratti: Andrea Zanzotto (2000) - documentario
• Ritratti: Luigi Meneghello (2002) - documentario
• A cavallo della tigre (2001)
• L'amore ritrovato (2004)
• La giusta distanza (2007)

Scenegiador

• L'albero dei diamanti (1984)
• Notte italiana (1987)
• Domani accadrà (1988)
• Il prete bello (1989)
• Marrakech Express (1989)
• Un'altra vita (1992)
• Il toro (1994)
• Vesna va veloce (1996)
• L'estate di Davide (1998)
• Ritratti: Andrea Zanzotto (2000)
• La lingua del santo (2000)
• A cavallo della tigre (2002)
• L'amore ritrovato (2004)
• La giusta distanza (2007)

Attor

• La messa è finita de Nanni Moretti (1985)
• Palombella rossa de Nanni Moretti (1989)
• Caro diario de Nanni Moretti (1994)
• Il Ponte de Stefano Missio (2005)
• Il Caimano de Nanni Moretti (2006)

Colegamenti par fora

• Scheda de l'Internet Movie Database