Trìpułi

Panorama de Tripoli

Tripoli la xe la cavedal de la Libia. La se cata en tel nord de el paexe, su la costa de el mar Mediterano. La xe na sità antica, fondada da i fenici en tel secolo VII a.C. Anca se la xe la cavedal, no ghe ministeri a Tripoli.

Storia

No se gha notisie serte prima de l’arivo de i fenici. I fenici i gha fondà la sità de Oea su na penisola rociosa che formava na baia naturale. Dopo i fenici, i greci e dopo i cartaginesi i gha controlà la sità e el porto.

I romani i xe rivà a la fin de el secolo II a.C. e i la gha ciamà Regio Syrtica. En tel secolo III d.C. la xe stà ribatezà Regio Tripolitana – regione de le tre sità, che le xera: Oea, Sabratha e Leptis Magna.

Co l’arivo de le invasioni arabe del secolo VIII, Tripoli la xe finia soto el controlo de el Cairo, prima co i Fatimidi e dopo co i Mameluchi. El controlo islamico el xe durà fin al 1510, co i spagnoli gha caturà la sità e, e tel 1523, i le gha data a i Cavalieri de san Giovani che i la gha fortificà. I cavalieri i gha tegnù la sità fin al 1551, co i turchi iè stà boni de conquistar el nord Africa (Impero Otoman). I turki i governava traverso on Pashà, che se fidava de i Gianzeri. En tel 1711, Ahmed Karamanli, un gianizero de origine turche, el gha copà el Pashà e eò sa fato governator de la Tripolitania. El xera sotomeso a Costantinopoli solo de faciata, de foto, el xera el re indiscuso de la region. I Karamanli i xe restà al poder fin al 1855, co i turchi iè stà boni de tornar al poter.

El 29 setembre 1911, l’Italia – co el pretesto de protezar i italiani che vivea a Tripoli – la gha dichiarà guera a l’impero otomano. Dopo la batalia de Prevesa, 1 otobre 1911, i turchi i gha firmà el Tratato de Losana dandoghe la Libia a l’Italia, che la xe restà fin al 1943, co le trupe aleate le gha ocupà Tripoli.

Portałi:
• Portałe de Africa
|