Ayaan Hirsi Ali

Ayaan Hirsi Ali

Ayaan Hirsi Ali (nata Ayaan Hirsi Magan el 13 novembre 1969 a Mogadiscio, Somalia) la xe na politica e scritrice olandese, de origini somale. La xe nota in tuto el mondo par el so inpegno par i diriti umani e par i diriti de le done, e par le so posizion fortemente critiche rispeto a la religion Islamica.

Nata in Somalia, nel 1992 la xe scapà via par evitar un matrimonio combinà, e la ga domandà asilo politico nei Paesi Bassi, dove in seguito la ga vu la citadinanza e la xe sta eletta in Parlamento. Nel 2004 la ga scrito la scenegiatura del film cortometragio "Sotomision" (Submission), dove se denuncia tuti i abusi che subise le done nei paesi islamici. El stesso anno el regista del film Theo Van Gogh el xe sta copà da un fanatico marochin, e da alora a la Hirsi Ali ghe toca ndar in giro soto scorta par paura de atentati. Dal 2006 la vive nei Stati Uniti, e nel 2007 la ga publicà la so autobiografia Infedele.

Portałi:
• Portałe de Africa
|