Difarense intrà łe version de "Togo"
[Revixion njiancora controłà] | [Revixion njiancora controłà] |
p r2.7.1) (Bot: Zonto: yi:טאגא |
p Bot: Zonto: mrj:Того |
||
Riga 159: | Riga 159: | ||
[[ml:ടോഗോ]] |
[[ml:ടോഗോ]] |
||
[[mr:टोगो]] |
[[mr:टोगो]] |
||
[[mrj:Того]] |
|||
[[ms:Togo]] |
[[ms:Togo]] |
||
[[mt:Togo]] |
[[mt:Togo]] |
Version de le 06:28, 12 luj 2011
El Togo xe un paexe de l’Africa Oxidental. El confina col Ghana, col Benin, e el Burkina Faso. La cavedal xe Lomé xe su la costa de l’Oxeano Atlantico. El Togo xe picoleto (56.785 km2) e el gha sete milioni de abitanti. El Togo xe indipendente dal 1960. El nome vien da la lengoa ewe, e vol dir ‘ndar a l’acqua’.
Storia
Par savèrghene de pì, vardarse ła voxe Storia del Togo. |
No ghe documenti prima de l’arivo de i europei (i portoghesi xe rivà in Togo nel 1490). Da ricatamenti archeologici, se sa che le popolasion tamberna xe la piasè vecia. I ewe e i mina xe rivà da la Nigeria nel secolo XVIII. I europei xe rivà a la fin del secolo XV e i gha scominsià el marca dei sciavi. La colonizaxion la scominsiò nel 1884, co i todeschi gha fondà el protettorato del Togoland. I todeschi gha lavorà par modernizar la coltivasion del cacao e del coton. La colonia la durò pochi ani, parchè i todeschi, dopo la prima guera mondial, gha dovesto dar le colonie a i inglexi e a i francexi.
I do grupi piasè importanti, i mina e i ewe, gha vissù la colonizasion in maniera diversa. I mina, che xera xà in contato co i europei prima de la colonia, iera contenti del governo britanico. I ewe i sa sentio taja fora da le decisioni politiche e, piasè tardi, da la decision del Togo inglexe de tacarse al Ghana. A l’indipendenza, solo el Togo soto l’influenza francexe l’è divegnù el paexe che ancò conoscemo come Togo. El rimo presidente l’è stà Sylvanus Olympio.
La democrasia, parò, no l’è durà tanto. Nel genaro 1963 i militari gha fato el primo colpo de stato africano. Olympio gavea rifiutà de metar ne l’esercito nasional i veterani de l’esercito francexe. Sti quà i gha atacà el palazo presidentiale e copà el presidente. El fratel del presidente, Nicolas Grunitzky, gha ciapà el so posto. Nel 1967, el sergente Etienne Eyadéma gha fato n’altro colpo de stato e sa meso al posto del presidente. El gha dichiarà el partito unego, nasionalizà tute le industrie e ordinà a i togolesi de verghe solo un nome african, lasando da parte i nomi cristiani o europei. Eyadéma l’era un totalitario che no ghe pensaa do volte a copar i so nemici. Nel 1993, a le prime elezioni multipartitiche, Eyadéma diventò el presidente eleto con el 93% de i voti. El presidente morì el 5 febraro 2005.
Fambare Ouattara Eyadéma, fiol del vecio presidente e capo de l’esercito, se fato proclamar presidente da un parlamento soto controlo militar. Dopo le proteste internasionali, el novo presidente s’a presentà a le elezioni nasionali nel avril 2006 e, dopo verghe cambià tuti i risultati, s’à fato proclamar presidente n’altra volta.
Giografia
Par savèrghene de pì, vardarse ła voxe Giografia del Togo. |
El Togo l’è picoleto. La majoria del teren l’è savana e no ghe monti alti. El Pic Baumann, co i so 986 metri, l’è la colina piasè alta del paexe. La costa l’è paludosa e ghe anca de le lagune. I fiumi piasè importanti ie l’Oti, che va a finir in Ghana, e el Mono.
Popolasion
Anca se el paese l’è picoleto, en Togo ghe xe 45 etnie. Le piasè grande xe i ewe (46%), i kabye (22%), i uachi, i mina e i mossi.
Religion
La majoria de i togolesi i pratica el vudu, na religion tradisional che cree ne i dei che vive ne i boschi, ne le acque, e ne i ogeti. Un terso de la popolazion xe cristian (catoleghi 22%), e ghe un 18% de musulmani.