Charles Darwin

Ritrato de Charles Darwin piturà da John Collier, 1883

Charles Robert Darwin (Shrewsbury, 12 febraro 1809 – Londra, 19 avril 1882) el xe stà un biologo, geologo, zoologo e botanico britanico. El xe famoso parché el ga formulà la teoria de l'evolussion de le specie animali e vegetali par selession natural de mutassioni casuali congenite ereditarie (orìxene de le specie), e par aver teorixà la disendensa de tuti quanti i primati (conpreso l'omo) da un antenato comun (orìxene de l'omo).

El ga publicà la so teoria su l'evolussion de le specie in tel libro On the Origin of Species ("su de l'orìxene de le specie", 1859), che xe restà el so laoro pi conossèsto. El ga catà su tanti dei dati su cui el ga fondà la so teoria durante un viajo intorno al mondo su la nave HMS Beagle, e in particolare co che la nave la se ga fermà a le Isole Galápagos.