Łonbardia

Łe province lombarde

Ła Lombardia xè nà rejon aministrativa deł'Itałia nord-osidentałe. Eła xè ła pì popołà de ł'Itałia: eła conta sirca nove miłioni de aneme. El sò capoluogo xè Miłan. Ea Lombardia ea confina al nord cò ea Svisera (Canton Ticin e Grigioni), al ovest cò el Piemonte, al est cò el Veneto e cò el Trentin-Alto Adexe/Südtirol, e al sud cò l'Emilia-Romagna.

Ea sede prinsipałe deła rejion xè el Gratasieło Pirelli, de Miłan.

El nome

El nome Lombardia el deriva dała paroła jermanica-łongobarda, Langbardland o Langbardaland, cò łé tradusion sucesive, latinizsasion, e itałianizsazion ea se gà trasformà in prinsipio in Langbard, dopo in Longobardia o Langobardia e in fin in Lombardia, che voł dire "Tera dei Longobardi"