Difarense intrà łe version de "Zudea"
[Revixion njiancora controłà] | [Revixion njiancora controłà] |
p Bot: Zonto: hu:Júdea |
p Bot: Canbio: eo:Judeo |
||
Riga 40: | Riga 40: | ||
[[el:Ιουδαία]] |
[[el:Ιουδαία]] |
||
[[en:Judea]] |
[[en:Judea]] |
||
[[eo: |
[[eo:Judeo]] |
||
[[es:Judea]] |
[[es:Judea]] |
||
[[eu:Judea]] |
[[eu:Judea]] |
Version de le 20:40, 26 ago 2010
La Zudia (Zudio: יהודה, Zudio Moderno Yəhuda, masoretego Yəhûḏāh, grego: Ιουδαία; Latin: Iudaea) la xe na region storega de la Palestina, coincident co'l teritorio asignà a la biblica tribù de Zuda. La so cità principal la xe Zerusaleme.
Storia
Insidiamenti umani in Zudia i risal a un periodo precedente l'età de la Piera e la region la xe conossua dai paleoantropologhi cofà una de le strade che l'homo sapiens el ga traversà par insir da l'Africa e colonizar el resto del mondo cerca 100.000 ani fa. Resti archeolozeghi de insidiamenti umani risalenti a pì de 11.000 ani fa i xe stai catai inte la cità de Zerego, considerada el pì vechio insidiamento ininterotamente abità del mondo.
La Zudia la xe central inte'l conto de la Bibia, co i patriarchî Abramo, Isacco e Jacopo che i vien sepolii a Hebron inte la Tonba dei Patriarchî. La ga fà parte de l'antigo regno de Israel fin a la morte del re Salomon, cerca inte'l 931 a.C., quando che el regno el se ga diviso in do, el regno de Israel a Nord e el Regno de Zuda a Sud.
El regno setentrional el xe cascà soto i Assiri inte'l 722 a.C., invence che la Zudia la ga costituio un stao independente fin al 587 a.C., quando che la xe stà conquistada dai babilonesi.
Da chel momento la ga sevio le vicende storeghe de la Palestina, passando soto le dominazion lenistega, romana, bizantina e mussulmana, e par un periodo curto soto ministrazione inglese dopo de la prima guera mondial.
Dal 1948, co la fondazion del moderno stao de Israel, la Zudia la xe dividua infra sto qua e la Zordania. La parte zordana la xe soto ocupazion israeliana dal 1967, e se prevede che la fazza parte del costituendo stao palestinese.