Difarense intrà łe version de "Totila"

Da Wikipedia, l'ençiclopedia libara.
[Revixion njiancora controłà][Revixion njiancora controłà]
Contenuto cancellato Contenuto aggiunto
p Bot: Aggiungo: bg:Тотила
TXiKiBoT (discusion | contribusion)
p Bot: Aggiungo: scn:Totila
Riga 34: Riga 34:
[[ro:Totila]]
[[ro:Totila]]
[[ru:Тотила]]
[[ru:Тотила]]
[[scn:Totila]]
[[sr:Тотила]]
[[sr:Тотила]]
[[sv:Totila]]
[[sv:Totila]]

Version de le 00:15, 9 ago 2009

Totila xè el nom con el cual l'è stà tramandà el nom Baduila, re dei Ostrogoti dal 541 al 552, dopo la morte del suo zio Ildibaldo e l'asasinio de suo cuzin Erarico. Morì 'ntela bataja de Tagina 'ntel 552.

Dopo le pesanti sconfite subìe contro el general Belisario e dopo la catura de Vitige 'ntel 540, i Ostrogoti i xè riusìi faticosamente a tegnar en vita uno stato a nord del fiume Po. Totila l'era el comandante de le trupe gote sul Tarvisio, e el fu nominà re 'ntela metà del 541.

El suo obiettivo el fu subito quelo de sventar la politega de l'imperador Zustinian I, che el mirava a la presa de poseso de l'Italia. Totila el gà bùo a l'inizio piassé suzeso, profitando del fato che le trupe del Zustinian le fusse impegnà dal 540 in na guera contro i Sasanidi 'ntel Impero Roman d'Oriente. Elo el gà conseguìo notevoli suzesi sul canpo de bataja asediando e sachezando Alatri 'ntel 543, reclutando contadini e servi par raforzar l'eserzito, e el xè riusìo a conquistar la zità de Roma par ben do volte, ala fin del 546 ed al'inizio del 550. Roma la xè stà depredada e le sue mure smantelade, mentre i so abitanti i xè stà caziadi o copadi. 'Ntela primavera del 547 Belisario al xè riusìo a libararla. 'Ntel autuno del 549 Totila al gà posto soto asedio Roma par la tersa volta, e l'è riusìo a reconquistarla grasie ad un novo trademento dei guardiani che i gà verto le porte al so eserzito. La zità la gà contà pochi sopravisudi e el Senato el se gà trasferìo a Bisanzio.

La seconda guera gotica la fu piassè sanguinosa de la prima nei ani tra el 535 ed el 540. Dopo la seconda conquesta de Roma, Totila el ga tacà na campagna de propaganda, 'ntela quale el gà meso a confronto el stil de vita dei Ostrogoti ai tenpi de Teodorico el Grando, con i ani de la soferenza, dela guera e dela politega fiscal de Zustinian I. El gà bùo manco suzeso coa politega estera, in quanto no el xè riusìo a strenzar aleansa coi Franchi.

'Ntel 551, Zustinian I el ghe gà afidà el comando de l'eserzito a un vecio eunuco de corte, Narsete, e el lo gà mandà a ocupar l'Italia: le so trupe le xè entrade in Italia da nord atraverso i Balcani, evitando le linee defensive gotiche. Totila alora el gà abandonà Roma, portando con elo 300 zovani ostagi sielti tra le fameje piassè importanti de la zità. El 30 de giunio del 552, l'eserzito gotico el xè cascà en Unbria soto le freze dei tirador d'arco de l'eserzito de Narsete, en na bataja fra Gubio e Gualdo Tadino. Totila el xè scapà verso le odierne Marche dove el xè morto par le ferìe riportade en bataja; i Ostrogoti i se gà riunìo soto l'ultimo re Teia: questo el gà fato copar i 300 zovani ciapadi en ostagio da Totila, e la stesa fine la gà fato tuti i prizonieri e le fameje senadòrie. Tutavia, a causa de la perdita dela magior parte de la cavalaria, el sogno dei Ostrogoti de un'afermasion en Italia el gà bùo fine, mentre Totila el gà continuà a vivar da fegura eroica.

La tomba de Totila l'è stà rinvenua 'ntel diciotesemo secolo a Matelica, rente el pian dei cavalieri, ciamado en origine pian de le tonbe. L'identificasion la xè avegnuda grasie la descrizion de la bataja fornìa dal cronista Procopio. 'Ntela cripta, de chiara orìzene gotica, i gà catà un cadavere tumulà secondo le usanze dei nobili goti, con 'n anelo d'oro al dièl, quatro corpi de soldai de guardia e na spada. Modeło:Commons

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Totila&oldid=244432"