Sìndico

El Sìndico (anca Sìnico o Sìndaco), in un saco de Stati, el xe el raprexentante pi alto de un Comun. In Itałia el Sìndico el xe el cao de ła Xónta Comunałe che ga el poter executivo e l'è eło che 'l nòmina i Asesuri da métarghe rento.

In caxo de emergense e catàstrofi naturałi xe al Sìndico che ghe vien dà i poteri straordinari par coordenar łe operasion de recùparo.

Deso in Vèneto el Sìndico el vien votà dal pòpoło in modo direto co sistemi difarenti drio łe dimension del Comun che l'à da raprexentar. Na volta, el vegnéa ełeto dal Conséjo Comunałe.

Durante el periodo fasista, el sìnico el xera ciamà podestà e no'l vegnéa mìa votà da ła zente.