Miguel de Cervantes

Miguel de Cervantes Saavedra (ritrato imajinario, parké no existe nisuna image autentificà). Ritrà tribuío a Juan de Jáuregui

Miguel de Cervantes Saavedra, novełista, poeta e dramaturgo Spagna (*1547 - †1616). EL xe nà el 29 de setenbre de el 1547 e xe morto el 22 de apriłe de 1616 a Madrid (al xe stà interà el 23 de apriłe e popołarmente a se conozse sta data cofà queła de ła so morte). El xe considerà ła másima figura de ła Łiteratura Spagnoła. El xe oniversalmente conozsesto, soratuto par gaver scrito El injenioso nobiłeto Don Chisiote de ła Mancia, che raquanti críteghi ło describe cofà ła prima noveła moderna e na de łe mejo ópare de ła łiteratura oniversałe. Se łe ga dà a sto homo el soranome de Prínzsipe de łi Ingeniosi.

Vita

A se supone chel Miguel de Cervantes el xe nazsesto a Alcalá de Henares tegnendo anca conto de łe so dichiarazsion che łu prexiso gavea xurà inte ła Informazsion de Argel), ncora łe existe conjeture sora el so vèro posto de nàxita. El dí exato del so vegnere al mondo el xe parò ncora poco prexiso e conozsesto.

A xe curioxo chel so cognome Saavedra nol conpare mia inte i primi so scriti. Probabilmente el ga scumizsià dopararlo pa diferensiarse de on so omonimo.