Epidemia

La se definise epidemia (dal greco ἐπί + δῆμος, let.: sora del popolo, sora de le persone) el difondarse de na malatia, in genare na malatia infetiva, che colpise cuasi simultaneamente na coletività de individui, overo na data popolasion umana, con na ben delimitada difuxion n'te lo spasio e n'te i tenpi, avente la stesa orìxene.

Dal momento che, in na data popolasion, ogni ano, el xe atesx el verificarse de un serto numaro de eventi morboxi, un'epidemia conporta un numaro de caxi in eceso rispeto ai valori atexi par cuela determinada comunità, e so la baxe de le esperiense e del numero de caxi storeghi de morboxità.

L'epidemia de colera a Londra n'tel 1854 la xe sta studià da John Snow che ga dixegnà cuesta mapa e el relativo studio epidemiolòxego. I punti li indica i caxi de morte, le croxi i posi de acua dove che i maladi gaveva bevù.

N'te la stòria

Epidemie de particolare intensità n'te la stòria europea le xe sta de solito pandemie cauxà da zoonoxi, overo originà da la convivensa dei eseri umani co animali da alevamento. Tutavia par alcune, come la malatia del sudor, le cauxe no le xe gnancora conpletamente ciare. Segue na cronoloxia de le epidemie conosude.

• La febre tifoide di cui se ga trovà testimonianse n'te la Gresa del V secolo vanti Cristo;
• La peste antonina testimoniada n'te la Roma del III secolo dopo Cristo;
• La peste de Marsiglia del 1720 s-ciopada n'te l'omonima sità e poi slargàdase n'te le are sitadine limitrofe, ad esclusion de Parixi.
• La malatia del sudor che ga colpìo l'Inghiltera n'tel XVI secolo;
• L'influensa spagnola al'inisio del XX secolo;
• L'Epidemia de Ebola del 2014;
• L'epidemia de dengue del 2019-2020 che se ga difuxa n'tel Sud-est Axiatico e in Sud America.
• La pandemia de COVID-19 del 2019-2020 , comunemente ciamata "malattia da nuovo coronavirus", che la xe causada dal SARS-CoV-2. Provegnente da Wuhan (Cina) la se ga difuxa rapidamente in tuto el resto del mondo n'tel 2020. L'11 marso 2020, la xe deventà la prima epidemia ad eser dichiarada pandemia dall'OMS dopo la publicasion de le ligne guida del 2009.

Voci correlate

• Baterio
• Colera
• Endemia
• Pandemia
• Postulati de Koch
• Reato de epidemia
• Eceso de ris-cio