Morea

ìmaxene ciapada da satełite de ła Morea

La Morea la xe na region storega e zeografega de la Grecia meridional, che la forma intra el Mar Jonio e el Mar Ezeo na penisola (uncuò deventada isola par vìa de la costruzion del Canal de Corinto).

Le cità principali le xe: Argo, Kalamata, Patrasso, Pirgo.

Storia

Abità fin dal Neolìtego, el Peloponeso el ciapa el so nome da Pèlope, fiol del re Lidia Tantalo che el ga conquistà la region. Da qua xe nassùa a civiltà micenea, che in sèvito la ga scancelà e sostituìo quela minòica, orizenaria de Creta. El ga visto l'invasion de popolaxion elèneghe e sucessivamente dei Dori, cerca inte el XVII sècolo a.C. El dominio de Sparta el se ga inposto intra el X secoło v.C. e l'VIII sècoło v.C. e el ga resistìo fin a la invasion dei Macèdoni (366 a.C. circa). In sèvito i Romani i ga ciapà possesso de la region inte el 140 a.C..

Ła Morea ła ga fato parte del stato da mar veneto dal 1685 al 1715 a sèvito de la guera de Morea, ma łe do çità de Modone e Corone (ciamàe Venetiarum ocellae, che vor dir i oci de Venesia), łe xera stà venete zà nel periodo 1204-1500.

Altri progetti

• Wikimedia Commons

• Wikimedia Commons el detien imàjini o altri file so Morea