Difarense intrà łe version de "Juto:Come scrivare na voxe"

Da Wikipedia, l'ençiclopedia libara.
Contenuto cancellato Contenuto aggiunto
p Bot: Migrasion de 9 interwiki links so Wikidata - d:q4966605
VajotwoBot (discusion | contribusion)
p Robot: Coresion rindirisamenti
Riga 119: Riga 119:
<div class="toccolours vecwiki_template_avviso rad" style="margin-bottom: 0.5em">
<div class="toccolours vecwiki_template_avviso rad" style="margin-bottom: 0.5em">
[[Imagine:WikiLettreMini.svg|left|Stubby|40px]]
[[Imagine:WikiLettreMini.svg|left|Stubby|40px]]
Chesta voce è solo un abbozzo ([[ajuto:Aboso|stub]]). Se poi contribuisçi [{{SERVER}}{{localurl:{{NAMESPACE}}:{{PAGENAME}}|action=edit}} adesso] a mijoràrla secondo łe [[Ajuto:Manuałe de stiłe|convenxioni de Wikipedia]]. Par l'ełenco conpleto dei stub, vedi ła rełativa [[:categoria:stub|categoria]]</div>
Chesta voce è solo un abbozzo ([[ajuto:Spigaso|stub]]). Se poi contribuisçi [{{SERVER}}{{localurl:{{NAMESPACE}}:{{PAGENAME}}|action=edit}} adesso] a mijoràrla secondo łe [[Ajuto:Manuałe de stiłe|convenxioni de Wikipedia]]. Par l'ełenco conpleto dei stub, vedi ła rełativa [[:categoria:stub|categoria]]</div>
Ła '''gabella''' xè n'[[imposta]], o in xenere na tasa, utiłixada speçiàlmènte inte' periodo [[età de mezo|medievałe]]; in particołare xera on tribuo che se dovèva pagar a on comun co çinta daxiaria, o a ono Stato, co' se introdusevano merçi e xeneri de consumo.
Ła '''gabella''' xè n'[[imposta]], o in xenere na tasa, utiłixada speçiàlmènte inte' periodo [[età de mezo|medievałe]]; in particołare xera on tribuo che se dovèva pagar a on comun co çinta daxiaria, o a ono Stato, co' se introdusevano merçi e xeneri de consumo.



Version de le 10:34, 23 luj 2020

Sporteło informasion

Par scrivare o modificare na voxe de Wikipedia, se gà da badare a dełe regołete generałi, cussì che queo che femo no deventa un rovejoto de parołe sensa senso, ma 'na beła serie de conceti fata da cristiani. Par 'sto motivo xe sta fate dełe paxene de servissio e de ajuto (varda Ajuto:Ajuto e Ajuto:Guida esensiałe) che, se ghe se dà reta, łe ne dà na man a far cressare łe nostre voxi in na maniera ciara e organixà.

Regołe par lavorar ben insieme

Scoltare chel fià de regoe che se semo dai xe uno dei primi doveri del bon wikipedian. Non se pol pretendare che uno che łeze se metta su tute łe voxi a vardare pułito el stiłe e come che xe organixà el testo, ma se ła nostra ensiclopedia sarà na enciclopedia che se pol lexare fasiłe, co tute e paxene che se someja, e ała fine na so personalità precisa che parmeta a tuti de distinguarla dałe altre, alora gavaremo sentrà el nostro obietivo.

Queo che ghemo dito fin desso i pararia parołoni da xente studià, ma invesse xe roba che se pol ricordarse sensa sforsi. Raxon de più par conossarli e tegnerli cari.

Parlando invesse deło stiłe che na voxe gà da ver, ghe xe anca un manuałe de stiłe che ve sugerimo de conossare (e far vedare ai novi wikipediani).

Prinsipi generałi

  • Prima de tacar, fa na riserca par vardare se ea voxe ghe xe zà o no.
  • Saria mejo tacar scrivare na voxe partindo da un cołegamento zà fato (uno dei "cołegamenti rossi" che te manda a dełe voxi che nell'enciclopedia no ghe xe gnancora; lexi fra un fià che ghe sarà scrito de più).
  • Ricordate de stabiłire el contesto, butando zò, par dire, un capeło de qualche paroła in sima ała nova voxe. No sta scrivare "Sto qua el xe el so terso romanso..." parché ti te podarissi anca saver che te si riva łà dal cołegamento dała voxe sul lustrisimo scritor Nane Oche, ma chi che lexe podaria essare rivà łà da un posto qualsiasi.
  • Vanti de darghe el titoło ała nova voxe, lexi e convension de nomenclatura. Un nome scelto pułito xe ła mejo maniera de essare sicuri che ła voxe gavarà i cołegamenti giusti ałe altre e no ghe sarà più bisogno de darghe n'altro nome.
  • Taca a scrivare 'na frase fata e finia come Dio comanda, no na definission da dissionario faxendo vedare ben coi carateri cicioti ła paroła del titoło, cussì come che capita sule altre paxene.
  • Serca su queo che te ghe scrito altre voxi de particołare importansa e mostrałe metendołe in meso ałe dopie parentesi quadre (te pol farlo anca beo guaivo, dopo che te ghe scrito tuto, schisando su "canbia").

Doparar i modełi de voxe

Una dee robe che saria mejo fare qua, xe organisare queo che se scrive in te na maniera sempre compagna, inventandose dei modełi da doparar quando che se fa dełe voxi co dei argomenti che se someja ( e che quindi xe ben tratare neła stessa maniera). Se ga da fare in sta maniera cołe voxi che parla dei ani, i deceni, i singołi dì dell'ano, e biografie, i elenchi, i elementi chimici e tante altre robe. Se se dopara un modeło comune par le voxi che parla de robe che se pol dir deła stessa categoria, se riesse a mantegner na serta coerensa e łe voxi se lexe mejo.

Doparar i modełi xe question de mettarse d'acordo, che vol dir che un modeo no xe eterno e zò pache a chi che ło cambia, ma che se pol cambiarli dopo che se ga discusso. Deto questo, però, finché in vec.wiki no se xe d'acordo su come che se ga da cambiarli, xe ben rispetarli.

Nea paxena Ajuto:Schede ghe xe za de modełi pronti, e semo drio prepararghene dei altri. Se capisse, che preparando sti modełi par ła prima volta, semo 'ndai drio a queo che i gaveva fato in te ła Wiki in Talian, anca parché el projeto, anca se el xe in tante łengue diverse, el xe unico.

Maniere par scomisiar na paxena nova

  1. Scomisiar na paxena da un cołegamento esistente
  2. Scomisiar na paxena cambiando el URL (cioè scrivendo el indirisso http://vec.wikipedia.org/wiki/titoło dea me voxe)
  3. Scomisiar na paxena dala paxena dei pastroci (cioè scrivendoghe un cołegamento ala voxe che vojo scrivare)

Scomisiar na paxena da un cołegamento esistente

Se pol scomisiar dal cołegamento al titoło dea paxena nova. Fin che te geri drio lezare na voxe de wikipedia, te gavarè visto che xe dei cołegamenti do che se pol schisare a dełe voxi che no ga ancora scrito nisun (come sto qua: Campion de titoło de voxe n.b.: sto cołegamento no funsiona!). Sti cołegamenti i xe scriti in rosso. Strucando sul cołegamento, se riva a na paxena che dise :

Wikipedia non ła gà gnancora na vóxe con sto titoło

  • Par scrivere ła vóxe, dòpara ła caseła de testo chi sóto (varda ła pajina de aiuto par magióri spiegasion).Quando te ghè finìo, struca el botón "Salva ła pàxena". El to contributo el sarà vixibiłe subito, perciò se te vol soło fare dei sperimenti, par piaxer dòpara ła pajina dei pastroci. Grasie!

Desso te pol tacar a scrivare ła to voxe in tel quadreto del testo. Co te ghe finio, strucando su Mostra anteprima te pol controłare cossa che xe drio vegner fora, e vedare se te ghe fato dei sbaj. Po te struchi su Salva ła paxena par salvar queo che te ghe scrito (saria ben scrivare anca l'ogeto dea modifica, e in sto caso te pol scrivare solo che "g'ho scrito na voxe nova").

Scomisiar na paxena cambiando l'URL

Una dełe maniere più fasili de fare na paxena nova xe copiare n'indirisso compagno de queo qua soto neła bara dei indirissi del to browser:

http://vec.wikipedia.org/wiki/Titoło_de_esempio

metendo al posto de "Titoło_de_esempio" el nome che te voi dar ała to voxe.

Par esempio, par creare na voxe su frumpysnarf, scrivi:

http://vec.wikipedia.org/wiki/Frumpysnarf

Se verxarà na paxena che dixe:

In sto momento ła pàxena richiesta xè voda. Xè posibiłe çercar sto titoło ne łe altre pàxene del sito oppure modificar ła pàxena 'desso.

Te struchi su modificar ła pàxena 'desso e te si pronto de łongo a scrivare ła to voxe. Se te ste tento a scrivare puito e ała neutrałità de queo che te scrivi te vegnarè considerà un bravo fiol.

Faxendo in sta maniera però, se corre el riscio de fare na voxe orfana --overo sensa cołegamenti che vien drento da n'altra voxe (varda Ajuto:Paxene che le punta qua). E orfane no xe dełe robe fate ben, bisognaria che tute łe voxi gavesse dei cołegamenti. In sostansa saria sta mejo se te ghessi tacà łavorar metendo un wikilink do chel gaveva da 'ndar.

Scomisiar na paxena dała paxena dei pastroci

N'altra maniera xe de doparar eła paxena dei pastroci!

  • Scrivi queo che ti vol suła paxena dei pastroci e po crea un cołegamento novo doparando 'na paroła o 'na frase del to testo.
  • Varda ła antaprima par controłar se el to cołegamento te manda su 'na paxena che ghe xe za (cołegamento azuro) o a una nova (cołegamento rosso) e salva.
  • Desso te pol crear ła to nova paxena strucando sul cołegamento che te ghe pena fato ti.

Ocio: el contenuto dea paxina dee prove nol xe stàbie (la vien scanceà periodicamente), quindi tiene inamente de salvar un segnalibro aea paxina che te ghè creà, par continuar a modificarla in futuro. Se te sì un utente rejistrà, vegnarà foratra i "Me contributi" in teaa Quickbar.
In pì, anca le voxi creà partendo daea paxina dee prove no le xe imùni dal tutavia spiegà in tel paragrafo precedente. Te podi rimediar a posteriori catandoghe aea to voxe nova dei parenti adotivi: modifica na voxe xà esistente, de argomento che ghe someja, inserendoghe un coegamento aea toa.

Inserir materiài in deposito

Se te ghè a disposixion del materiàe lìbaro da copyright, che podarìà vegner còmodo par a conpilasion de voxi de l'ensiclopedia e te lo voli mètar a disposixion soto license GNU FDL e CC-BY-SA, te lo podi mètar da parte provisoriamente in te na sotopaxina del Wikipedia:Deposito. Sto materiàe se podarà dopararlo in un secondo tenpo, ti o altri utenti, par la redasion de voxi o par l'integrasion de quele xà esistenti.

Parcossa gałi scanseà ła me voxe?

Dełe volte eła xente riva qua cołe mejo intension, i scrive na voxe nova e, dopo un fià i se ła vede scanseà opure rabaltà. Ghe pol essar tanti boni motivi parché semo sta cussi cativi. Ste qua xe łe più importanti.

  1. Ła voxe xe promoxionałe (te si drio far publicità a ti o a un'altra persona/roba/dita/associassion...
  2. Ła voxe xe sta copià da n'altro sito o da n'altra enciclopedia (dopararli come fonti de ispirasion va ben, ma no se pol far finta che el copyright no ghe sia; el saver se pol mandar torno anca sensa copiare come i simioti).
  3. Ła voxe parlava de na roba che no xe sta considerà bona par stare su na enciclopedia (par esempio parché ła parla de uno che nisun sa chi chel sia, o parché queo che ghe xe scrito te te ło si inventà ti, roba che no se pol far)
  4. Ła voxe gera proprio massa curta (dixemo 'na riga a tegnerse łarghi).

Sta roba no vol dire che na voxe nova gabia da essare łonga come l'ano deła carestia: na voxe de poche righe, do che ghe xe scrite e robe fondamentałi co un fià de sesto ła vien bona ło stesso. Tra nialtri ła ciamemo stub, tocheto, e se ghe mete in sima 'na riga {{stub}} che la se trasforma in un carteło che dise a quei che ghe ne sa de più de darse da fare e scrivarghe calcossa altro.


'Na voxe fata mal

Femo un fià de pratica: sto qua xe un campion de voxe (in sto caso gabeła che, cussì scrita no ła va proprio ben qua su Wikipedia. Ve ła łassemo in Tàlian perché se capixe mejo el discorso sul copyright, che catar enciclopedie in łengua veneta xe difisiłe

Nel passato, spec. in periodo medievale, imposta, tassa in genere; con sign. particolare, tributo che si doveva pagare a un comune con cinta daziaria, o a uno Stato, per merci e generi di consumo che vi si introducevano; l'ufficio che era preposto alla riscossione di questo tributo e il luogo dove questo si trovava.

Gianni Rossi

Cossa gała sta voxe che no va ben? Un fraco de robe.

  1. Par prima roba xe proprio faxiłe che ła sia sta copià de paca da n'altro testo; łe abreviaxioni łe parla bastansa ciaro. Quindi ła xe proteta da copyright e no ła pol star qua. Parlemo un atimo dełe abreviaxioni: xe vero che in te łe enciclopedie fate de carta łe ghe xe, ma noialtri no ghemo miga da sparagnar suła carta, e podemo permettarse de scrivare łe robe intere.
  2. Sta qua xe ła definixion deła paroła. Wikipedia xe na enciclopedia, no un dixionario.
  3. Łe voxi po no ga da essar firmà. Su tute łe voxi vien tegnuo in automatico un ełenco a parte do che ghe xe scrito chi che ga fato cossa (eła cronologia); se se scrive su 'na discusion invese xe creansa firmarse sempre.
  4. In ultima, chi che ga scrito eła voxe non xe sta tento ałe convenxioni de stiłe. Tute łe enciclopedie e tuti i siti ga el so stiłe e anca noialtri gavemo el nostro. Se nisun ło controła gavemo da rangiarse da sołi.


Modifeghe façiłi

Łe prime modifeghe che se pol far łe riguarda apunto ło stiłe de presentasion deła voxe, e łe xe łe pì façiłi, visto che no łe richiede praticamente ulteriori riçerche.

Le voxi in Wikipedia e dovarìa tacar co na curta definision de do o tre righe (che magari restarà par un fià de tenpo l'unico testo, se gavemo un stub); bisogna indicar el termine dea definision in nereto (lo se fa saràndolo fra tri àpici: '''gabella'''); e infine bisogna sercar de coegar la voxe ad altre de argomento pì generàe xà presenti in tel'ensiclopedia. Par vèdar se na paròa a ghe xe xà, te podi doparar la casèła de riserca che te cati a sinistra. In sto caso e paròe ciave e xe "imposta" e "medievale", che corisponde a "medioevo"; inte' primo caso el cołegamento se fa scrivendo a paròa tra do parentesi quadre, [[imposta]], mentre nèl secondo caso se scrive el nome deła voxe che se cata in tel'ensiclopedia e queo deła paròła che vołemo far vèdar, separài da na sbara verticàe, [[età de mezo|medievale]]).

Łe informaxioni ulteriòri, dopò ła definixion, se posòno ajiungère lasçiandò na riga voda; in chesto modo el sistema sa de dover inixiar on novo paragrafo. Infine, par evitar l'acusa de viołaxion de copyright, ocore riformułare co parołe nostre el testo. El risultà diventa cussì

{{stub}}

Ła '''gabella''' xè n'[[imposta]], o in xenere na tasa, utiłixada speçiàlmènte inte' periodo [[età de mezo|medievałe]]; in particołare xera on tribuo che se dovèva pagar a on comun co çinta daxiaria, o a ono Stato, co' se introdusevano merçi e xeneri de consumo.

El termine xè anca passà a indigar l'ufiçio che jera preposto ała riscosion del tribuo e il logo dove chesto se trovava, oltre che indigar in xenerałe na tassa considerà iniqua.

che verà visuałixà cofà

left|Stubby|40px

Chesta voce è solo un abbozzo (stub). Se poi contribuisçi adesso a mijoràrla secondo łe convenxioni de Wikipedia. Par l'ełenco conpleto dei stub, vedi ła rełativa categoria

Ła gabella xè n'imposta, o in xenere na tasa, utiłixada speçiàlmènte inte' periodo medievałe; in particołare xera on tribuo che se dovèva pagar a on comun co çinta daxiaria, o a ono Stato, co' se introdusevano merçi e xeneri de consumo.

El termine xè anca passà a indigar l'ufiçio che jera preposto ała riscosion del tribuo e il logo dove chesto se trovava, oltre che indigar in xenerałe na tassa considerà iniqua.

Operasion de alta scòla

L'esenpio mostrà qui sora xè già pì che sufiçiente; ma se sito sta preso da sacro furor, puto ancora ajiungere nove informaxioni.

Tute łe voxi dovrèbero infati aver almanco na categoria de apartenenxa; andando a vèdere Categoria:Argomenti e scendendo in Categoria:Scienze sociali, cati Categoria:Diritto che potrèbe andar bèn (par ła preçixion, esiste anca ła categòria: Inposta, ma non xè cussì façiłe catarla!) Puto ełora xòntar in fòndo ała voxe na riga [[Categoria:Diritto]], che sarà mostrà al fondo deła paxèna.

Se seto łe lengue, puto anca verificar se ła voxe xè già tratata in na Wikipedia de n'altra lengua: nel nostro caso, abiam el françese Gabelle du sel, e l'inglexe e el todesco Gabelle. Si posono ełora sfrutar łe informaxioni de quełe versioni par anpliar ła voxe; ma comunque xè senpre posibiłe xòntar i puntadori ałe versioni in altre lengue, metendołi in fondo ała paxèna (dopo łe categorie), uno par riga co sto formado: [[fr:Gabelle du sel]].

Sfrutando łe informaxioni dełe altre Wikipedie, puto par esenpio scovrir l'etimołoxia del termìne, e notar cofà el so uso prinçipałe sia sta in Fransa; xòntando łe informaxioni storighe al riguardo, puto cussì arivar a na voxe conpleta cofà questa:

El termine gabeła (dał'arabo diałetałe gabēla, variante de qabāla, pasando par el latino medievałe gabulum) jera utiłixà orixinariàmente in Francia par indigar łe tase so merçi de całunque tipo. Co'l pasar dèl tenpo el significà se restrinse graduàlmènte fin a indigar l'inposta sol sałe. Ła gabeła emigrationis jera ła tasa corispòsta da on emigrànte par el capitałe che portava co sé. Ła gabeła hereditatis jera ła tasa dovua par mandar all'estèro on dono o n'eredità.

Co'l pasar del tenpo l'inposta sol sałe divene ona dełe pì odiae, oltre che meno equamènte distribuìe, tase del Paese. Nonòstànte ła disaprovazion de numeròsi riformadori, fu soło in te' 1790 che l'inposta vene abołia.

Ła gabeła vene riscosa par ła prima volta durànte el regno de Filippo IV cofà sostègno finanxiario, par poi diventar n'istituxion permànènte soto Carlo V. Ogni persona al de sora dei oto anni jera tengnua a acquistar ogni setimana na minima quantità de sałe ad on prexo inposto; ła tasa consistèva quindi in te' provènto de on monopołio de stato. Co' ła gabeła vene introdotà par ła prima volta, fu inposta a tute łe provinçe deła Fransa ało steso modo, ma par on lungo periodo storego variò in modo considèrevołe fra łe varie provinçe, a secònda dełe esenxioni che jerano state acordae nel tenpo.

Ulteriori informasion

Durante ła creaxion de nove pajine, saria na bona cosa pasar el testo a on coretor ortografego automategò, prima de salvarlo so Wikipedia. Poarissi catàr pì comodo scrivère ła voxe usàndo on editor de testo e poi copiàrla so Wikipedia. Inserir argòmenti novi de xeca xè on otimo modo par jutar Wikipedia ad acresère łe so dimènsioni (e ła soa profòndità).

Nota: Wikipedia xè n'ençiclopedia a contenuto averto. Tu steto contribuèndo a on database de informaxioni gratuito e de publico utiłixo. Sii consapevòłe che automaticàmente rilasi ogni tuo contrìbuto co liçenxe GNU Free Documentation License e CC-BY-SA; puto far chesto soło co i materiałi par cui detienito el copyright (neło spesifico, se łi gheto creai ti), o se'l materiałe xè de publico dominio. Varda Ajuto:Copyright par i detaji. Non sta MAI usar materiałe coverto da dirito d'autor (copyright) in mancanxa de espresa autorixasion.

Varda anca

Modeło:Percorso vetrina

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Juto:Come_scrivare_na_voxe&oldid=859506"