V10

El V10 el xè on modor con configurasion a V con diese silindri. Ei silindri seli disposti su do bancae, conposte da sinque silindri xascuna, angolae tra de lori.

La configurasion V10 la xè de par sé stesa poco equilibrà. En moto le se genera vibrasioni sora el pian vertical che le se ripercuote sora tuta la lunghesa del modor. El dienta partanto indispensabile inserir on contralbero che el bilanxi el modor riduxendo cussita le vibrasioni. Par ridure le vibrasioni, sia verticai che orizontai, el mejor angolo de bancata col qual realisar sti modori xè queo de 72°.

I modori V10 seli pitosto conplesi da progietar, richiedendo l'utilixo pesante del sistema CAD. Par questo la loro introdusion sul mercato la xè scominsià sol 'ntei ani otanta. Par ridure i costi de svilupo i modori V10 tuali seli basai so modori V8, che parò li ghà on angolo de 90°, situasion non otimal par el equilibrio del modor.

Inpiego

El modor V10 xè pitosto raro 'ntee veture stradai, sule quai el subixe la concorensa del pì grando e bilanxao modor V12.

'Ntei oltimi ani 'ntei Stati Uniti d'America el xè registrà on incremento ne l'inpiego de sta tipologia de modori. La Dodge Viper la utilixa on V10 da 8,0 L, poi portà a 8,3 L, de silindraa derivà da on modor par veicoli comersiai montà sul pick-up Dodge RAM Sport.El V10 el vien montà anca sora i pick-up dela Ford F250 e F350 e sul veicolo SUV Ford Escursion. La Volkswagen Phaeton e el SUV Touareg li pol montar, prime auto dela loro categoria, on V10 a gasolio da 5 L de silindraa. Audi gha introdoto on so modor V10 5.0 sula Gallardo.

El modor V10 el xè stà introdoto 'ntee conpetisioni dala Peugeot durante le fasi finai del Canpionato Endurance del 1990.

Rexentemente l'inpiego piassé inportante del V10 el xè avùo 'ntela Formula 1, dove el xè stà introdoto dala Renault 'ntel 2002.

Altro modor da conpetision V10 el xè el Judd da 4 o 5 L de silindraa utilixà 'ntee gare del canpionato Gran Turismo e de durata.