Difarense intrà łe version de "Giovanni Battista Belzoni"

Da Wikipedia, l'ençiclopedia libara.
[Revixion njiancora controłà][Revixion njiancora controłà]
Contenuto cancellato Contenuto aggiunto
Nessun oggetto della modifica
Nessun oggetto della modifica
Riga 35: Riga 35:
Ea causa penae che xe seguia xe sta lunga e ghe ga tocà restare in Egito un bel toco, invese de tornare in Europa come che el gaveva previsto. E eora el se ga meso in viajo da novo, stavolta in serca dea oasi de Siwa, nel nord-ovest del paese, dove che ghe xe el tenpio del oracoeo de Amon, famoso nea antichità pa verghe predio el futuro a [[Alesandro Magno]]. Aea fine el ga scoperto n' altra oasi, quea de Bahariya, credendo che ea fuse quea de l' oracoeo<ref name="ancient-egypt"/>, e anca qua nol ga trovà gninte de speciae e el xe tornà al Cairo.
Ea causa penae che xe seguia xe sta lunga e ghe ga tocà restare in Egito un bel toco, invese de tornare in Europa come che el gaveva previsto. E eora el se ga meso in viajo da novo, stavolta in serca dea oasi de Siwa, nel nord-ovest del paese, dove che ghe xe el tenpio del oracoeo de Amon, famoso nea antichità pa verghe predio el futuro a [[Alesandro Magno]]. Aea fine el ga scoperto n' altra oasi, quea de Bahariya, credendo che ea fuse quea de l' oracoeo<ref name="ancient-egypt"/>, e anca qua nol ga trovà gninte de speciae e el xe tornà al Cairo.
=== Ritorno in Europa ===
=== Ritorno in Europa ===
El proceso co Droveti, grasie al aiuto de Salt, el xe ndà finire in gninte, e eora el ga sbrigà e ultime formaità e el ga easà l' Egito nel setenbre del 1819 rivando a Padoa i primi de Disenbre. Qua ea acojensa xe stà granda. L' eco dee so imprese e e do statue che el ga regaeà al comune ga spinto e autorità a farghe grandi onori, tra cui el conio de na medaja comemorativa. A Padoa el ga conosuo l' architeto [[Giuseppe Jappelli]], dandoghe ea ispirasion pal progeto dea saea egisia del [[cafè Pedrochi]]<ref name="ancient-egypt"/>. Dopo do soi mesi el xe partio par Londra, dove che el xe rivà a fine marso del 1820.
El proceso co Droveti, grasie al aiuto de Salt, el xe ndà finire in gninte, e eora el ga sbrigà e ultime formaità e el ga easà l' Egito nel setenbre del 1819 rivando a Padoa i primi de Disenbre. Qua ea acojensa xe stà granda. L' eco dee so imprese e e do statue che el ga regaeà al comune ga spinto e autorità a farghe grandi onori, tra cui el conio de na medaja comemorativa. A Padoa el ga conosuo l' architeto [[Giuseppe Jappelli|Giusepe Japei]], dandoghe ea ispirasion pal progeto dea saea egisia del [[cafè Pedrochi]]<ref name="ancient-egypt"/>. Dopo do soi mesi el xe partio par Londra, dove che el xe rivà a fine marso del 1820.
[[File:Náprstek Museum - NM Prague 74.JPG|thumb|350px|L' interno dea tonba de Seti I ne na splendida foto conservà in un museo de Praga]]
[[File:Náprstek Museum - NM Prague 74.JPG|thumb|350px|L' interno dea tonba de Seti I ne na splendida foto conservà in un museo de Praga]]
Anca qua l' acojensa xe stà speciae, presto el xe stà invità frequentare i saeoti più importanti e el xe entrà nea logia masonica del' arca reae, dove che gera afilià anca el duca del Sussex<ref name="ancient-egypt"/>. El se ga meso scrivere el libro dee memorie dei so viaj, ilustrà da beisimi aquarei sui e del so amigo Ricci. El libro xe stà publicà in inglese aea fine del 1820 col titoeo :"''Raconto dee Operasion e dee Recenti Scoperte nee Piramidi, Tenpli, Tonbe e Scavi in Egito e in Nubia, e de un viajo nea costa del Mar Roso, in serca dea antica Berenice, e n' altro nel' oasi de Jupiter Ammon''". Vendo avuo un gran suceso ghe ne xe stà stanpà diverse edision e el xe stà tradoto anca in italian, tedesco e francese. Sempre a Londra el ga organixà na mostra dei so reperti e dea riprodusion dea tonba de Seti I che el ga reaixà coi calchi che el gaveva tolto. Nel [[1822]] el xe stà invità in [[Rusia]], dove a [[San Pietroburgo]] el xe stà ricevuo co grandi onori dal [[Xar]] [[Alesandro I (xar)|Alesandro I]] in persona, che el ghe ga regaeà un aneo co un topasio.
Anca qua l' acojensa xe stà speciae, presto el xe stà invità frequentare i saeoti più importanti e el xe entrà nea logia masonica del' arca reae, dove che gera afilià anca el duca del Sussex<ref name="ancient-egypt"/>. El se ga meso scrivere el libro dee memorie dei so viaj, ilustrà da beisimi aquarei sui e del so amigo Ricci. El libro xe stà publicà in inglese aea fine del 1820 col titoeo :"''Raconto dee Operasion e dee Recenti Scoperte nee Piramidi, Tenpli, Tonbe e Scavi in Egito e in Nubia, e de un viajo nea costa del Mar Roso, in serca dea antica Berenice, e n' altro nel' oasi de Jupiter Ammon''". Vendo avuo un gran suceso ghe ne xe stà stanpà diverse edision e el xe stà tradoto anca in italian, tedesco e francese. Sempre a Londra el ga organixà na mostra dei so reperti e dea riprodusion dea tonba de Seti I che el ga reaixà coi calchi che el gaveva tolto. Nel [[1822]] el xe stà invità in [[Rusia]], dove a [[San Pietroburgo]] el xe stà ricevuo co grandi onori dal [[Xar]] [[Alesandro I (xar)|Alesandro I]] in persona, che el ghe ga regaeà un aneo co un topasio.


Ea vendita dei reperti e el suceso del so libro e dea mostra no ga compensà tuti i debiti che el gaveva acumueà co tute chee scoperte dove che nol gaveva trovà gninte<ref name="ancient-egypt"/>. El bisogno de schei e ea so nostalgia pai viaj ghe ga fato acetare ea oferta dea asociasion [[africa]]na de Londra pa fare na esplorasion del fiume [[Niger]]. Sto fiume centroafrican el gera quasi sconosuo esendo stà scoperto soeo pochi ani prima dal grande esploratore [[Scosia|scosese]] [[Mungo Park]] che nee so vicinanse el gaveva trovà ea antica [[Tinbuctu]].
Ea vendita dei reperti e el suceso del so libro e dea mostra no ga compensà tuti i debiti che el gaveva acumueà co tute chee scoperte dove che nol gaveva trovà gninte<ref name="ancient-egypt"/>. El bisogno de schei e ea so nostalgia pai viaj ghe ga fato acetare ea oferta dea asociasion [[africa]]na de Londra pa fare na esplorasion del fiume [[Niger]]. Sto fiume centroafrican el gera quasi sconosuo esendo stà scoperto soeo pochi ani prima dal grande esploratore [[Scosia|scosese]] [[Mungo Park]], che nee so vicinanse el gaveva trovà ea antica [[Tinbuctu]].
=== El viajo in Africa centrae e ea morte ===
=== El viajo in Africa centrae e ea morte ===
El xe partio nel [[1823]] par Tinbuctu, el voeva ragiungerla pasando dal [[Maroco]]. Rivà a [[Fes]] el re ghe ga dà el permeso de traversare e so tere e na scorta, Dopo esere partio el se ga reso conto de quanto ostii che fuse i locai e eora el xe tornà indrio decidendo de rivare a Tinbuctu da sud. El xe ndà a [[Gibiltera]] dove che el ga ciapà na nave pa e [[Canarie]]<ref name="Viaggi in Egitto e in Nubia"/>, e da queste n' altra nave pa el [[Regno del Benin]], che el se trovava nea odierna [[Nigeria]].
El xe partio nel [[1823]] par Tinbuctu, el voeva ragiungerla pasando dal [[Maroco]]. Rivà a [[Fes]] el re ghe ga dà el permeso de traversare e so tere e na scorta, Dopo esere partio el se ga reso conto de quanto ostii che fuse i locai e eora el xe tornà indrio decidendo de rivare a Tinbuctu da sud. El xe ndà a [[Gibiltera]] dove che el ga ciapà na nave pa e [[Canarie]]<ref name="Viaggi in Egitto e in Nubia"/>, e da queste n' altra nave pa el [[Regno del Benin]], che el se trovava nea odierna [[Nigeria]].
Riga 46: Riga 46:
== Giudisi critici ==
== Giudisi critici ==
[[File:Giovanni Battista Belzoni by William Brockedon.jpg|thumb|250px|Un ritrato de Belxoni in abiti egisiani]]
[[File:Giovanni Battista Belzoni by William Brockedon.jpg|thumb|250px|Un ritrato de Belxoni in abiti egisiani]]
Ghe xe stà che che eo ga criticà pa ea rudesa dei so sistemi de scavo, in efeti ai giorni nostri ghe xe più atension a salvaguardare i reperti, ma i so detratori no i ga tegnuo conto del contesto storico in cui el ga operà<ref name="ancient-egypt"/>. A chei tenpi in Egito ea archeoeogia no gera gnancora rafinà come che ea xe desso. Quei che ndava furegare nee rovine più che archeoeogi i gera aventurieri al servisio dei musei o dei coesionisti privati, e i gera disposti a tuto pur de fare i schei, rovinando un pasto de tochi pregiai. Belxoni xe stà tanto difarente e el se ga distinto pa l' ordine e el metodo dei so scavi<ref name="il grande Belzoni"/>. El steso ceebrà Champollion el ga cavà un mucio de basorilievi daea tonba de Seti I, dove che invese Belxoni el ga diigentemente fato i calchi in cera<ref name="ancient-egypt"/>.
Ghe xe stà chi che eo ga criticà pa ea rudesa dei so sistemi de scavo, in efeti ai giorni nostri ghe xe più atension a salvaguardare i reperti, ma i so detratori no i ga tegnuo conto del contesto storico in cui el ga operà<ref name="ancient-egypt"/>. A chei tenpi in Egito ea archeoeogia no gera gnancora rafinà come che ea xe desso. Quei che ndava furegare nee rovine più che archeoeogi i gera aventurieri al servisio dei musei o dei coesionisti privati, e i gera disposti a tuto pur de fare i schei, rovinando un pasto de tochi pregiai. Belxoni xe stà tanto difarente e el se ga distinto pa l' ordine e el metodo dei so scavi<ref name="il grande Belzoni"/>. El steso ceebrà Champollion el ga cavà un mucio de basorilievi daea tonba de Seti I, dove che invese Belxoni el ga diigentemente fato i calchi in cera<ref name="ancient-egypt"/>.


El se ga distinto pa ea so profesionaità, col doveva vaeutare un reperto el ghe ndava pian prima de stabiire ea data de quando che el gera stà fato e e so descrision e gera sempre precise e particoearegiae<ref name="Giovanni Battista Belzoni (1778-1823)"/>, anca quee dee tombe dove che nol ga trovà gninte.
El xe stà apresà pa ea so profesionaità, col doveva vaeutare un reperto el ghe ndava pian prima de stabiire ea data de quando che el gera stà fato e e so descrision e gera sempre precise e particoearegiae<ref name="Giovanni Battista Belzoni (1778-1823)"/>, anca quee dee tombe dove che nol ga trovà gninte.


Uno dei segreti de Belxoni xe stà de eserse guadagnà el rispeto dei locai, i ga tratà co umanità, el ga imparà ea so lingua e el se vestiva da arabo, el se ga anca fato cresere na barba lunga come che i xe bituai eori. In sta maniera i ga convinti a lavorare duro, che noi gera bituai, là dove che tuti i so coeghi del tenpo no ghe gera mai riusii<ref name="ancient-egypt"/>.
Uno dei segreti de Belxoni xe stà de eserse guadagnà el rispeto dei locai, i ga tratà co umanità, el ga imparà ea so lingua e el se vestiva da arabo, el se ga anca fato cresere na barba lunga come quea che ga eori. In sta maniera i ga convinti a lavorare duro, che noi gera bituai, là dove che tuti i so coeghi del tenpo no ghe gera mai riusii<ref name="ancient-egypt"/>.


El so caratere vulcanico e indipendente eo ga portà a rompare amicisie influenti (Droveti, Salt, el consoe svedese), se da na parte questo ghe ga consentio de goderse ea fama dee so scoperte, che altrimenti sea gavaria ciapà eori, da staltra eo ga isoeà, oltre a chiedere un mucio de prestiti che i eo ga rovinà, ghe ga tocà ndare via dal' Egito dove che i eo gaveva emarginà dai scavi.
El so caratere vulcanico e indipendente eo ga portà a rompare amicisie influenti (Droveti, Salt, el consoe svedese), se da na parte questo ghe ga consentio de goderse ea fama dee so scoperte, che altrimenti sea gavaria ciapà eori, da staltra eo ga isoeà, oltre a chiedere un mucio de prestiti che i eo ga rovinà, ghe ga tocà ndare via dal' Egito dove che i eo gaveva emarginà dai scavi.


== Influensa culturae ==
== Influensa culturae ==
Malgrado ea gran quantità de scoperte che el ga fato el so nome nol xe ceebrà come che el se meritaria e pochi xe stà i libri a eo dedicai. Nel campo dea archeoeogia egisia el xe stà considerà par tanto tempo un modeo da imitare dai esploratori che xe vegnui dopo de eo e tanti esperti de egittoeogia i eo ga ritegnuo un esempio<ref name="ancient-egypt"/><ref name="il grande Belzoni"/>.
Malgrado ea gran quantità de scoperte che el ga fato el so nome nol xe ceebrà come che el se meritaria e pochi xe stà i libri a eo dedicai. Nel campo dea archeoeogia egisia el xe stà considerà par tanto tempo un modeo da imitare dai esploratori che xe vegnui dopo de eo e tanti esperti de egitoeogia i eo ga ritegnuo un esempio<ref name="ancient-egypt"/><ref name="il grande Belzoni"/>.


El regista american George Lucas el se ga ispirà a Belxoni col ga creà el famoso personajo de [[Indiana Jones]] definendoeo un archeoeogo ecesionae ma dotà de un caratere duro e rude.<ref>[http://www.filmsite.org/raid.html "Raiders of the Lost Ark"], (in inglese) Tim Dirks [[1996]]-[[2008]].</ref>
El regista american George Lucas el se ga ispirà a Belxoni col ga creà el famoso personajo de [[Indiana Jones]] definendoeo un archeoeogo ecesionae ma dotà de un caratere duro e rude.<ref>[http://www.filmsite.org/raid.html "Raiders of the Lost Ark"], (in inglese) Tim Dirks [[1996]]-[[2008]].</ref>


Na cità del stato americano del [[Mississippi]] ea porta el so nome.
Na cità del stato american del [[Mississippi]] ea porta el so nome.


L' atore inglese Matthew Kelly nel 2005 el ga interpretà Belxoni pa el docudrama dea [[BBC]] ''Egypt''.
L' atore inglese Matthew Kelly nel 2005 el ga interpretà Belxoni pa el docudrama dea [[BBC]] ''Egypt''.


Nel [[2009]] el grupo italian de [[Jazz rock]] [[Arti e Mestieri]] ga pubblicà un [[Ep]] intitoeà [[Il grande Belzoni]] composto da 4 canson. Sta opera xe na parte del [[concept album]] '' Piramidi - Quadri di un'esplorazione'' de prosima pubblicasion, che el gavarà 17 tochi tuti dedicai aea so vita.
Nel [[2009]] el grupo italian de [[Jazz rock]] "[[Arti e Mestieri]]" ga publicà un [[Ep]] intitoeà [[Il grande Belzoni]] composto da 4 canson. Sta opera xe na parte del [[concept album]] ''"Piramidi - Quadri di un'esplorazione"'' de prosima publicasion, che el gavarà 17 tochi tuti dedicai aea so vita.


== Opere ==
== Opere ==
Riga 92: Riga 92:


== Coegamenti esterni ==
== Coegamenti esterni ==
*[http://www.google.com/books?id=YN1PAAAAMAAJ&pg=RA1-PA206 Vose daea ''Penny cycopaedia''], v.3-4, 1835
*[http://www.google.com/books?id=YN1PAAAAMAAJ&pg=RA1-PA206 Vose daea ''Penny cyclopaedia''], v.3-4, 1835
*[http://www.youtube.com/watch?v=r1O1-YwKeK0 L' eP "''Il Grande Belzoni''" dei Arti e Mestieri su YouTube]
*[http://www.youtube.com/watch?v=r1O1-YwKeK0 L' eP "''Il Grande Belzoni''" dei Arti e Mestieri su YouTube]
*[http://www.youtube.com/watch?v=oNEq2vcLXDU Un brano de "''Egypt''" dea BBC su YouTube] El trasporto del busto de Ramesse II e ea prima visita a Abu Simbel
*[http://www.youtube.com/watch?v=oNEq2vcLXDU Un brano de "''Egypt''" dea BBC su YouTube] El trasporto del busto de Ramesse II e ea prima visita a Abu Simbel

Version de le 02:52, 13 nov 2010

thumb|250px|right|Belxoni vestìo aea maniera araba Giovanni Battista Belzoni (Padoa, 15 novembre 1778 - Nigeria, 3 dicembre 1823) el xe sta un esploratore veneto e pioniere de l'archeoeogia. El xe ritegnuo uno dei più importanti egitoeogi del mondo.

Biografia

Infansia e gioventù

El gera nato a Padoa al tenpo dea Republica Veneta, el gera ncora un bocia col ga tacà lavorare nea botega de barbiero de so papà. A sedes' ani el se ga trasferio a Roma pa farse frate e studiare idraulica[1]; col ga visto e rovine dea capitae el ga comincià a apasionarse de archeoeogia[2][3]. I francesi gaveva intanto conquistà l' Italia e i gaveva abojo l' ordine dei frati dove che gera Belxoni. E eora eo el ga rinuncià ai voti e el ga comincià a viajare, che gera stà ea so pasion fin da toxeto[1].

Ea pasion pa i viaj

El primo viajo xe stà a Parigi, dove che nol ga vuo tanto suceso come venditore de ogeti sacri. El xe tornà a Padoa e poco dopo el xe ripartio pa l' Oeanda, e qua, frequentando e trupe francesi de ocupasion, el ga aprofondio i so studi de idraulica. Co el xe tornà Padoa, forte dee so esperiense al' estero, el ga vuo un bon suceso,ma questo ghe ga creà dee inimicisie. Coinvolto nel caos poitico che xe vignuo fora dopo ea ocupasion napoeonica el xe ga inguaià e eora nel 1803, par evitare de finire in gaera[4], el xe scampà co so fradeo in Oeanda e da eà in Inghiltera.

Ea Inghiltera

El se ga trovà cusì ben che el ghe xe restà nove ani, ciapando anca ea citadinansa britanica[5]. Ea xe diventà ea so seconda patria. A Londra el se mantegneva fasendo l'"uomo forzuto" in un circo (l'era un mauton grando e grosso, alto do metri e forte come un toro) e el se ga sposà co Sarah Banne, na toxa inglese de Bristol[5], che dopo eo gavaria compagnà in quasi tute e so aventure[3]. Sicome che anca ea gaveva ea pasion pa i viaj i ga organixà un spetacoeo ambueante che ga vuo un bon suceso e che i ga portà in giro pa tuto el regno. El numero principae gera queo de caricarse sue spae na piramide umana de diexe persone e portarle in giro pal palco[5][4]. Oltre che al numero dell' uomo forzuto el mostrava un xugo de fontane generae da na machina idraulica de so invension.

Da novo in viajo

Dopo tanto girovagare in Inghiltera ghe xe vegnua ea nostalgia dei grandi viaj, e co so mujere el xe partio pa portare el so spetacoeo anca in altri paesi. Ea turnè ga tocà ea Spagna, el Portogaeo, ea Sicilia e aea fine i xe sbarcà a Malta. Qua el ga conosuo un emisario del pascià del' Egito, che a chei tempi gera na provincia del' Inpero Otoman, e el xe vegnuo savere che in chel paese i gera drio cominciare un novo programa agricoeo che comprendeva grandi lavori de irigasion[5]. El xe partio subito, convinto che i so progeti idraulici ghe gavaria verto e porte del suceso.

L' Egito

thumb|250px|left|El busto de Ramesse II al British Museum Col xe rivà in Egito el ga fato amicisia co un saco de personaj importanti. Uno de questi xe stà Bernardino Drovetti, un piemontese ex soldato napoeonico che gera diventà consoe generae de Francia oltre che coesionista d' arte e egitoeogo. Questo eo ga introdoto aea corte del pascià[5]. Altri tre personaj che el ga conosuo saria stai importanti pa eo: el grande esploratore svisero Johann Ludwig Burckhardt, che ghe ga dà un mucio de consigli che ghe gavaria fato da guida[6], el novo consoe generae britanico Henry Salt, n' altro egitoeogo e coesionista che saria diventà gran rivae de Drovetti nea corsa ae scoperte archeoeogiche, e un esploratore genovese, Giovanni Battista Caviglia, famoso par ver scoperto ea sfinge de Giza. El carisma e e capasità persuasive de sto omo eo gaveva afasinà e e ghe xe stà de esempio[7].

Quando che el pascià eo ga ricevuo el se ga dimostrà interesà al so progeto de na machina paea irigasion, ma co xe stà el momento dea dimostrasion no ea ghe ga comodà e el ga rifiutà l' oferta. Belxoni el ghe xe restà tanto mae, ghe gaveva vusuo un ano e un mucio de schei pa organixare a dimostrasion.

Primo viajo archeoeogico (30 giugno 1816 - 15 disenbre 1816)

E eora el ga acetà ea oferta de Henry Salt de trasportare el busto de na statua del re Ramesse II, che el pesava più de 7 toneate, dal tempio Ramesseum tacà Luxor (nea antica Tebe) fin sua sponda del fiume Nieo che gera distante 1200 metri. Ver acetà ea oferta de Salt ga vusuo dire rompare i raporti co Droveti[5]. El xe partio el 20 majo 1816 e dopo ver superà un mucio de dificoltà el ga meso insieme 80 lavoradori locai e el ga comincià. El ga costruio na slita rudimentae e iutandose co 4 leve el xe riusio nea impresa metendoghe soeo do stimane[2]. Prima ghe gaveva provà parfin e trupe de ocupasion francesi sensa riusirghe[5].

Questo gera stà soeo un lavoro de trasportatore, ma ea vicinansa co sti capoeavori e e noti pasae nel tempio ghe gaveva fato aumentare ea pasion a dismisura.

Burckhardt ghe gaveva contà dea so scoperta del tenpio de Abu Sinbel nea Nubia a sud, dove che però nol gera stà bon entrare, e el ga deciso de provarghe eo. Spetando che rivase a barca che doveva portare el coeoso de Ramesse II el xe partio e dopo ver afrontà un lungo viajo co el xe rivà el gaveva quasi finio i viveri, e eora el ga fato na perlustrasion e el xe tornà indrio. Tornando a Luxor el se ga fermà su l' ixoea de Philae nel Tenpio de Iside e el ga ciapà poseso de un importante obeisco par conto del consoeato britanico, sensa portarlo via. Tornà a Luxor el xe ndà scavare a Karnak, dove che el ga trovà un pasto de roba, e dopo nea Vae dei Re sua riva oposta del Nieo, e qua el ga verto ea so prima tonba dove che el ga inciso ea scrita in inglese :"scoverta da Belxoni-1816". Finalmente el xe partio co ea barca co sora el busto enorme, ea gera compagnà da na seconda barca co dentro tuti i reperti che gaveva trovà eo[5]. El xe rivà al Cairo el 15 disenbre 1816. L' imenso busto invese el ga continuà el so viajo fin Londra, dove ancora uncó el xe conservà al British Museum

File:Image-La tombe de Sethi 1er (KV.17) (Vallée des Rois, Thèbes ouest) -3.jpg
Un particoeare dea stupenda tonba de Seti I ciamà anca tonba Belxoni

Secondo viajo archeoeogico (20 febraio 1817 - 21 disenbre 1817)

El 20 febraio el xe ripartio subito par Karnak e el ga trovà da novo un mucio de roba, tra cui el sarcofago de Ramesse III, ma a chel punto el governatore locae, istigà da Droveti, ghe ga proibio de continuare i scavi. E eora el xe partio pa Abu Sinbel dove che dopo un fià el xe riusio verxere el tenpio. El fato xe stà ecesionae ma dentro nol ga trovà gninte de vaeore, cusì el ga perso un mucio de schei[5]. Co el xe tornà a Luxor el xe ndà scavare nea Vae dei Re, dove che el ga scoperto un mucio de tonbe, tra e quai ea favoeosa tonba de Seti I, una dee più bee de tuto l' Egito. Dentro ea gera tuta decorà co beisimi afreschi e basorilievi tanto da esere ciamà ea capea Sistina egisia. Ea xe ncora conosua come ea Tonba Belxoni. Più tardi el gavaria provà vendarghe el beisimo sarcofago in aeabastro traslucido a Droveti e al British Museum ma questi ga rifiutà dixendo che el gera masa caro. Aea fine eo gavaria conprà el coesionista privato John Soane che eo ga meso nea cripta dea so abitasion-museo a Londra, dove che el se trova ancora deso[5]. Prima de tornare el se ga meso fare dei calchi in cera dei basorilievi co el so amigo Alessandro Ricci[3], un dotore e artista che in seguito ghe gavaria fato e ilustrasion pal so libro de memorie.

Ea piramide de Chefren e ea famosa sfinge a Giza tacà al Cairo

Nel disenbre 1817 el xe tornà al Cairo dove che el ga savuo che gera morto Burckhardt. El ga deciso de metarse in proprio e farse imprestare dei schei pa svincoearse da Salt e poderse godere da soeo i fruti dee so scoperte e gestire el lavoro in autonomia. Xe stà cusì che durante sto sogiorno el ga fato n' altra scoperta clamorosa: el ga catà l'ingresso dea piramide de Chefren a Giza visin al Cairo, el ghe xe riusio studiando co cura ea strutura interna dea visina piramide de Cheope. Anca qua dentro nol ga trovà gninte de vaeore, se gavaria scoperto dopo na iscrision in arabo che ea piramide gera xa stà vioeà 600 ani prima da so fioeo del famoso Saeadin[5]. Sta scoperta xe stà comunque acolta a Londra co un gran entusiasmo e pa ceebrarla xe stà conià in so onore na moneda de bronzo che ea gaveva el so profio stampà da na parte e ea piramide da staltra[3].

Terso viajo archeoeogico (28 aprie 1918 - 18 febraio 1819)

Mapa del' Egito dove a sud-est se vede Berenice

El xe ripartio par Tebe, e qua el ga scoperto che Salt e Droveti i eo gaveva tajà fora, spartendose e xone de scavo più bee. Confinà ne na xona secondaria el xe stà fortunà trovare qualche bon reperto tra cui na beisima statua del faraon Amenofi III. Dopo ver finio el lunghisimo lavoro de inventario e dei calchi nea tomba de Seti I el xe ndà aea riserca de Berenice, un antico porto del mar Roso scoperto da poco da un mineraeoeogo francese. Dopo ver risaio a sud el Nieo el ga traversà el deserto e co el xe rivà sul posto el se ga reso conto che el francese gaveva scoperto i resti de na miniera e eora ndando più a sud el xe riusio scoprire par primo ea vera Berenice. Co el xe rivà però el gaveva finio i viveri e ghe ga tocà tornare indrio a man vode.

L' obeisco de Philae nea so attuae locasion a Kingston Lacy nel Dorset in Inghiltera

Pa ea enesima volta el gaveva fato na gran scoperta che invese de arichirlo eo gaveva disanguà[5].

Tornando a Tebe el ga incontrà Salt che el ghe ga oferto de ndare tore a Philae el obeisco che el gaveva ciapà in poseso nel primo viajo e portarlo a Luxor. Sto obeisco el saria sta examinà nel 1822 dal egitoeogo francese Champollion che confrontando e iscrision greche e i geroglifici che ghe gera sora el ga vuo ea verifica decisiva dea so decifrasion dei gerojifici[5]. Belxoni ga acetà, e quando qualche mexe dopo el xe rivà a Tebe, Droveti eo ga visto, e, sicome che el obeisco in Europa el voeva portarlo eo, el se ga inbestià e el ghe ga meso e man doso. Droveti gera masa influente, el gera parfin el consijiere miiitare del pascià. Co sta barufa Belxoni gaveva capio che ea so cariera in Egito gera finia[5].

Ea causa penae che xe seguia xe sta lunga e ghe ga tocà restare in Egito un bel toco, invese de tornare in Europa come che el gaveva previsto. E eora el se ga meso in viajo da novo, stavolta in serca dea oasi de Siwa, nel nord-ovest del paese, dove che ghe xe el tenpio del oracoeo de Amon, famoso nea antichità pa verghe predio el futuro a Alesandro Magno. Aea fine el ga scoperto n' altra oasi, quea de Bahariya, credendo che ea fuse quea de l' oracoeo[5], e anca qua nol ga trovà gninte de speciae e el xe tornà al Cairo.

Ritorno in Europa

El proceso co Droveti, grasie al aiuto de Salt, el xe ndà finire in gninte, e eora el ga sbrigà e ultime formaità e el ga easà l' Egito nel setenbre del 1819 rivando a Padoa i primi de Disenbre. Qua ea acojensa xe stà granda. L' eco dee so imprese e e do statue che el ga regaeà al comune ga spinto e autorità a farghe grandi onori, tra cui el conio de na medaja comemorativa. A Padoa el ga conosuo l' architeto Giusepe Japei, dandoghe ea ispirasion pal progeto dea saea egisia del cafè Pedrochi[5]. Dopo do soi mesi el xe partio par Londra, dove che el xe rivà a fine marso del 1820.

File:Náprstek Museum - NM Prague 74.JPG
L' interno dea tonba de Seti I ne na splendida foto conservà in un museo de Praga

Anca qua l' acojensa xe stà speciae, presto el xe stà invità frequentare i saeoti più importanti e el xe entrà nea logia masonica del' arca reae, dove che gera afilià anca el duca del Sussex[5]. El se ga meso scrivere el libro dee memorie dei so viaj, ilustrà da beisimi aquarei sui e del so amigo Ricci. El libro xe stà publicà in inglese aea fine del 1820 col titoeo :"Raconto dee Operasion e dee Recenti Scoperte nee Piramidi, Tenpli, Tonbe e Scavi in Egito e in Nubia, e de un viajo nea costa del Mar Roso, in serca dea antica Berenice, e n' altro nel' oasi de Jupiter Ammon". Vendo avuo un gran suceso ghe ne xe stà stanpà diverse edision e el xe stà tradoto anca in italian, tedesco e francese. Sempre a Londra el ga organixà na mostra dei so reperti e dea riprodusion dea tonba de Seti I che el ga reaixà coi calchi che el gaveva tolto. Nel 1822 el xe stà invità in Rusia, dove a San Pietroburgo el xe stà ricevuo co grandi onori dal Xar Alesandro I in persona, che el ghe ga regaeà un aneo co un topasio.

Ea vendita dei reperti e el suceso del so libro e dea mostra no ga compensà tuti i debiti che el gaveva acumueà co tute chee scoperte dove che nol gaveva trovà gninte[5]. El bisogno de schei e ea so nostalgia pai viaj ghe ga fato acetare ea oferta dea asociasion africana de Londra pa fare na esplorasion del fiume Niger. Sto fiume centroafrican el gera quasi sconosuo esendo stà scoperto soeo pochi ani prima dal grande esploratore scosese Mungo Park, che nee so vicinanse el gaveva trovà ea antica Tinbuctu.

El viajo in Africa centrae e ea morte

El xe partio nel 1823 par Tinbuctu, el voeva ragiungerla pasando dal Maroco. Rivà a Fes el re ghe ga dà el permeso de traversare e so tere e na scorta, Dopo esere partio el se ga reso conto de quanto ostii che fuse i locai e eora el xe tornà indrio decidendo de rivare a Tinbuctu da sud. El xe ndà a Gibiltera dove che el ga ciapà na nave pa e Canarie[1], e da queste n' altra nave pa el Regno del Benin, che el se trovava nea odierna Nigeria.

Ma poco dopo che el xe sbarcà in Africa el xe morto de disenteria el 3 disenbre 1823 nel vieagio de Gwato, visin a Benin City, che ea gera ea capitae del regno.[8][9][3]. El signor Houtson che eo compagnava nea spedision eo ga fato sepeire pena fora de Gwato e el ghe ga meso na epigrafe sua tomba col nome e ea data de morte. El ghe ga anca fato scrivare:"el signor che ga meso sta epigrafe sua tomba de sto famoso e intrepido viajador, el spera che ogni europeo che visita sto posto el tegna neta ea tera e el fasa riparare ea recinsion che ghe xe intorno, se xe necesario". Circa quarant' ani dopo un viajador che xe rivà fin là nol ga trovà altro che l' albaro[8].

Giudisi critici

Un ritrato de Belxoni in abiti egisiani

Ghe xe stà chi che eo ga criticà pa ea rudesa dei so sistemi de scavo, in efeti ai giorni nostri ghe xe più atension a salvaguardare i reperti, ma i so detratori no i ga tegnuo conto del contesto storico in cui el ga operà[5]. A chei tenpi in Egito ea archeoeogia no gera gnancora rafinà come che ea xe desso. Quei che ndava furegare nee rovine più che archeoeogi i gera aventurieri al servisio dei musei o dei coesionisti privati, e i gera disposti a tuto pur de fare i schei, rovinando un pasto de tochi pregiai. Belxoni xe stà tanto difarente e el se ga distinto pa l' ordine e el metodo dei so scavi[7]. El steso ceebrà Champollion el ga cavà un mucio de basorilievi daea tonba de Seti I, dove che invese Belxoni el ga diigentemente fato i calchi in cera[5].

El xe stà apresà pa ea so profesionaità, col doveva vaeutare un reperto el ghe ndava pian prima de stabiire ea data de quando che el gera stà fato e e so descrision e gera sempre precise e particoearegiae[3], anca quee dee tombe dove che nol ga trovà gninte.

Uno dei segreti de Belxoni xe stà de eserse guadagnà el rispeto dei locai, i ga tratà co umanità, el ga imparà ea so lingua e el se vestiva da arabo, el se ga anca fato cresere na barba lunga come quea che ga eori. In sta maniera i ga convinti a lavorare duro, che noi gera bituai, là dove che tuti i so coeghi del tenpo no ghe gera mai riusii[5].

El so caratere vulcanico e indipendente eo ga portà a rompare amicisie influenti (Droveti, Salt, el consoe svedese), se da na parte questo ghe ga consentio de goderse ea fama dee so scoperte, che altrimenti sea gavaria ciapà eori, da staltra eo ga isoeà, oltre a chiedere un mucio de prestiti che i eo ga rovinà, ghe ga tocà ndare via dal' Egito dove che i eo gaveva emarginà dai scavi.

Influensa culturae

Malgrado ea gran quantità de scoperte che el ga fato el so nome nol xe ceebrà come che el se meritaria e pochi xe stà i libri a eo dedicai. Nel campo dea archeoeogia egisia el xe stà considerà par tanto tempo un modeo da imitare dai esploratori che xe vegnui dopo de eo e tanti esperti de egitoeogia i eo ga ritegnuo un esempio[5][7].

El regista american George Lucas el se ga ispirà a Belxoni col ga creà el famoso personajo de Indiana Jones definendoeo un archeoeogo ecesionae ma dotà de un caratere duro e rude.[10]

Na cità del stato american del Mississippi ea porta el so nome.

L' atore inglese Matthew Kelly nel 2005 el ga interpretà Belxoni pa el docudrama dea BBC Egypt.

Nel 2009 el grupo italian de Jazz rock "Arti e Mestieri" ga publicà un Ep intitoeà Il grande Belzoni composto da 4 canson. Sta opera xe na parte del concept album "Piramidi - Quadri di un'esplorazione" de prosima publicasion, che el gavarà 17 tochi tuti dedicai aea so vita.

Opere

  • Narrative of the Operations and Recent Discoveries Within the Pyramids, Temples, Tombs and Excavations in Egypt and Nubia and of a Journey to the Coast of the Red Sea, in search of the ancient Berenice; and another to the Oasis of Jupiter Ammon, Londra, John Murray, 1820 (edision inglese del 1835 consultabie online)
  • Description of the Egyptian Tomb, Discovered by G. Belzoni, Londra, Murray, 1821
  • Viaggi in Egitto e Nubia contenenti il racconto delle ricerche e scoperte archeologiche fatte nelle piramidi, nei templi, nelle rovine e nelle tombe di questi paesi seguiti da un altro viaggio lungo la costa del Mar Rosso e all'Oasi di Giove Ammone, Milano, Sonzogno, 1827 (edision italiana del 1827 consultabie online)

Note

  1. 1,0 1,1 1,2 Viaggi in Egitto e Nubia seguiti da un altro viaggio lungo la costa del Mar Rosso e all'Oasi di Giove Ammone (prefazione di L.Menin), Milano, Sonzogno, 1825. entrada il 5-11-2010.
  2. 2,0 2,1 Giovanni Battista Belzoni, Emuseum @ MSU. consultà el 3-11-2010
  3. 3,0 3,1 3,2 3,3 3,4 3,5 Giovanni Battista Belzoni (1778-1823), Treccani. consultà el 3-11-2010
  4. 4,0 4,1 Giovanni Battista Belzoni, sito web dea università de stato del Minesota, 2009. entrada il 5-11-2010.
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 5,14 5,15 5,16 5,17 5,18 5,19 5,20 5,21 European interest in Egypt, www.ancient-egypt.co.uk, 2009. entrada il 5-11-2010.
  6. Viaggi in Egitto e Nubia seguiti da un altro viaggio lungo la costa del Mar Rosso e all'Oasi di Giove Ammone, Milano, Sonzogno, 1825. entrada il 5-11-2010.
  7. 7,0 7,1 7,2 IL GRANDE BELZONI DI MARCO ZATTERIN ,presentaxion del libro de cui aea bibliografia, coaloalab.splinder.com, 2008. entrada l'11-11-2010.
  8. 8,0 8,1 The Gentleman's magazine, Volume 135, (in inglese) pag. 462, 1824
  9. Travellers in Egypt, (in inglese) pag. 49, I.B.Tauris, 2001
  10. "Raiders of the Lost Ark", (in inglese) Tim Dirks 1996-2008.

Bibliografia

  • Luigi Montobbio, Giovanni Battista Belzoni — la vita i viaggi le scoperte, Edision Martello, Padoa, 1984
  • Gianluigi Peretti, Belzoni: viaggi, imprese, scoperte e vita, Edision GB, Padova, 2002
  • Marco Zatterin, Il gigante del Nilo, Mondadori, 2000
  • Marco Zatterin, Il gigante del Nilo.Storia e avventure del Grande Belzoni, Il Mulino, Bologna, pagg. 388, 2008 (edision amplià del libro presedente).

Altri progeti

Errore script: nessun modulo "Interprogetto".


Coegamenti esterni

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giovanni_Battista_Belzoni&oldid=342197"