Divixion

Desegno chel spiega divixion e frasion.

Ła divixion ła xé na de łe quatro operasion fondamentałi del'aritmètega. Ła signìfega strasformar du nùmari 'nte n'altro che moltiplegà al secondo el dà el primo.

Più ciaramente:

$a:b=c\;$

se moltipleghémo el rexultà del'operasion $c$ (dito quosiénte) a $b$ (ciamà divixor) ne vien fora $a$ (el dividéndo). El ségno $:$ chel particołarixa sta operasion el se ciama divixo.

Ła divixion se cata pì speso soto forma de frasion: sta scritura infati ła permete de considarar pì fasilmente ła divixion un nùmaro rasionałe.

${\frac {a}{b}}=c$

I inglexi i unise sti du signi in ÷. Spece 'ntel informàtega catemo anca el sìnboło $/$.

L'ełemento neutro de ła divixion el xé l'$1$. El $0$ el prexénta caxi particołari:

• $0\,:\,a\,=\,0$: el quosiénte el xé 0 parché ogni nùmaro (divixor $a$) moltiplegà a 0 (quosiénte) el dà 0 (dividéndo);
• $0\,:\,0\,=\,???$: el quosiénte no'l poe èsare definio parché ogni nùmaro moltiplegà a 0 (divixor) el dà 0 (dividéndo): l'operasion ła xé indeterminada;
• $a\,:\,0\,=\,---$: no ghe xé nùmaro (quosiénte) che moltiplegà a 0 (divixor) el dà a (dividéndo): l'operasion no ła xé miga posìbiłe.

Propietà

• Propietà invariantiva: se te moltìpleghi o dividi un stéso nùmaro a dividéndo e divixor, el rexultà no'l canbia:

$12:5=(12\times 2):(5\times 2)=24:10=2,4$

Varda anca

• Xonta
• Sotra
• Moltiplegasion