Partio pułìtego

On partito pułitego el xe on'asociasion tra persone acomunae da 'na stesa finałità pułitega overo da 'na comune vixion su question fondamentałi deła gestion deło Stato e deła società o anca soło so temi specifeghi e particołari. Ł'atività del partito pułitego ła se esplica 'nte ło spasio deła vita publica e, 'nte łe atuałi democrasie rapresentative, ła ga par "anbito prevałente" queło ełetoral.

Definision e funsion

Max Weber

Secondo Max Weber, «par partiti a se deve intendar łe asociasion costituìe al fine de atribuir ai propri capi 'na poxision de potensa a drento on grupo sociałe e ai propri miłitanti ativi posibiłità par el perseguimento de fini ojetivi e/o par el perseguimento de vantaji personałi». Inte ła definision del połitołogo mericao Anthony Downs el partito pułitego el xe «'na conpagine de persone che łe serca de otegner el controło de ł’aparato governativo a seguito de regołari ełesioni». I ełementi sentrałi dełe definision łe xe dunque:

• El partito eò xe on’asociasion;
• El fine del partito el xe de influensar łe decixion publiche;
• I scopi del partito i xe otegnui prinsipalmente atraverso ła partesipasion ałe ełesion;
• Ła strategia prinsipal ła xe ł’ocupasion de cariche ełetive.